Biblia Todo Logo
Bib sou entènèt

- Piblisite -




Yeremi 49:11 - BII BILA

11 ‹La mɛi ya víyaa niaa o ba mì koma suili nda, a laandaa niaa mì koma handu nda hɔlten coo.›»

Gade chapit la Kopi




Yeremi 49:11
12 Referans Kwoze  

La condu le Hala, la sangala diola ndɔlan o condon nin. La busa nɛiyo Vana co hunɔɔ o sow coo, o yumbuyumboo nin-ndo laci. Diola ndɔlan aa Mɛlɛka. La viow kponyoo ndu o hɔl.


Dina diandaa, o nɔ sɔŋ Hala Fuɲaa o hɔl too, ndu co le vííya a vanlaandua vii piaandua-a yilɔɔ le sangala ndalan ni, a vana pila mandanndo le dɛnnda nɔɔlɛila ceendo ho.


La hun o ndu lo a sɔɔn sondon, la muungu Mɛlɛka o ibuŋ mì la dimul ndu aa: ‹Mal naa haki le tɛɛmbuula naalan kpow. Cɛl naa a kɔlkɛndɔɔ, yɔŋii naa n solul nɔm sálàlan a navaa tovaa, o co fisa mì n sangala nɔm a sondola naalan.


Vanalanɔ pɔnɔ ndɔ vi mò va ndu pilɛ-o, o tiindan Hala-o, paalen a ɲumndan, o co Hala biuvɔnndo piɛiyo le malaa sɔlaa.


I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»


Nɔm yɛ, a yeema mì ya i tuinun Ninive kobi bɛndoo ho iɲíí le. Kobi bɛndu vannda hiow hoo le vaalan kɛmɛ a bidiin nin-ndo, vanaa sina bɛɛ haa pɛɛngulan dɛnɛ kɛndɔɔ a dɛnɛ vɔɔndo tɛɛn te-a. Cɔlua co vɛlɛ o kobio ho nin sɛ́lɔ́ɔ́ taw-taw.»


Mɛlɛka nɔ hɔlten vanaa co o lɛŋnde isumialten nin-nda coo, o co vana pɔnɔ ndɔ vi-o a vííyo malaa, kɛɛ tɛɛmbuuo o tɛɛmbuu nɛila vanaa yɔŋ vɔɔnda ni.


La tosal vanaa nɔ mayoomu lo a vííyo dɛnɛ sandaa, mì la kilul vana bala fondoo a vana ikɔɔ yamɛi sandɛi.


Ndu tosal vííyo a vanalanɔ pɔnɔ ndɔ vi-o dɛnɛ sandaa ni. Ndu kaola miallo mò yɔngu ndu ɲɛdiaa a volɔɔla cuɛinanndan ni.


La luéì vanalanɔ pɔnɔ ndɔ vi-o a vííyo mɔnɛi le. La sáángiàà miallo a vana bala fondoo le. La túúnùn o lakɔl le dɛnɛ vɔɔndo tosalanndo vellaa-velle le.


Swiv nou:

Piblisite


Piblisite