Yeremi 49:10 - BII BILA

¹⁰ Ya pila yunganin niaa yungu Esau-vo ni, mì soli dɛnnda niaala viannanndan ceen. La nɔla lɛnin vionnɔnndo le. Cuavaa niaa kpow, puapilɛa niaa, a vanaa niaa cal latulu-a cuunin. Vana-vana dimulnin niaa aa:

Yeremi 49:10 Referans Kwoze

Esai 17:14

Icɔllo dɛnɛ isiòòn kon voolunin nda ni, nanu a paale siaalen, vana-vana lo lɛnin te. Lende dɛnɛ kon toalnin vanaa va ɲɛm naan poondiaa-a coo ni, lende dɛnɛ vanaa yunga naa-a yɔŋnunnin ni.

Rɔmnda 9:13

Maa mɛɛ i sɛvan yɛ aa: «I kaola Yakɔb, mí kɛɛ Esau.»

Abdia 1:9

Nɔm kobio Teman yɛ, siòòŋii bɛnduei biinin kuubaa nɔmnda. O kon, vanaa co o lɛŋnde Esau len nin-nda kpede a sɔlanin piɔ́mndo o paale cɔwlen.»

Amɔs 9:3

Taa kɔ vionnun pɛ o pembei Karmɛl tullo, i nuwviaanin nda lon mì biw nda. Taa luusian pɛ ya o hɔl mà vennun o mɛmma ihɛllan nin, i viamnin kɛwvo lon mò kɔ lɔwviaa nda.

Yeremi 23:24

Vɛ̀ɛ̀ vanndo nɔla vionnɔnndo nɛɛ yililia pum mì bumba ndu cɔu?» Sɔɛi fula Mɛlɛka o sondo-e co hee ni. «I co nɛɛ-nɛɛ fee, o halataala a o lɛŋnden coo, vɛ̀ɛ̀ la sina ken te?» Mɛlɛka ɲuna lende ni.

Esai 45:3

I yɔngunin nɔm bolofaa viannanndo a ɲɛ-sɔlaa co o kumbaa kpíŋ-ndo, haliko ma sina maa ya co Mɛlɛka co nɔm veeloo a diola nɔmndan ndo ni, Hala cuavaa Israɛlla pɛɛn.

Condii lisai 37:28

Kani Mɛlɛka kaola dɛnɛ sandaa, o mel vanaa lo o lediom coo-a le. O co nda mandaa lɔ́ɔ́-lɔ́ɔ̀, kɛ cuavaa vanaa kɔlvesɛiya ɲumnin bómbò.

Yeremi 13:26

Lelan ya bɛɛ, i co nɔm domaa heelu háá o lebol, mì vannda ce nɔm tum fondo kpendekele.

Cɛɛŋɔnnda Yeremi lan 4:22

Niaa vannda Siɔn, bɛpɛla niaa cuu le hakila niaalan. A kue lɛnin a niaa o cɛle celen nin te. Kɛ nia Edɔmnda, Mɛlɛka co hunɔɔ niaa lɔɔ le hakila niaalan, mò soli dɛnnda niaala vɔɔnndan ceen vakpa.»

Abdia 1:6

Niaa polale Esau len, a cii niaa mɛi bala fondo fúú! Bolofaa niaa va o vianaa-o bɛɛ, vannda cii ndu saalɔn.