Yeremi 49:1 - BII BILA

¹ Sɔɛi Mɛlɛka dimi a Amɔnnda o kɔɔ-e co hee ni aa: «Vɛ̀ɛ̀ Israɛlla nɔ lɛ hɔ́aa piaandu le? Vɛ̀ɛ̀ a nɔ lɛ vana cuanin kɛ ndaa le? Le yɛɛ piɔmndo Malkɔm loo yɛ tàndá Kad-o, mí vanaa ndɔa va icali o kobila co lon-ndan nin?»

Yeremi 49:1 Referans Kwoze

Tɔŋ miingua 23:3

Vana co volɔɔ sámáá-o a polale ndɔlen háá o lambi tɔ́ndɔɔ a bɛnda mà luɛi o kunda Mɛlɛka-o nin te.

Yeremi 49:7

Sɔɛi fula Mɛlɛka-Nɔ-Kpaayaa-Kpow-vo o sondo a Edɔm o kɔɔ-e co hee ni aa: ‹Vɛ̀ɛ̀ vana kɔlkalu co lɛ Teman te? Mò va maa dɛnɛ sinaa vanaa kɔlkalua laasian? Bàà tambei kɔlkalu nda tambu ni?

Yeremi 25:21

Edɔmnda, Moabua a Amɔnnda,

2Dɛnnda lemasalan 20:1

O kon kɔɔli, mí Moabua, Amɔnnda a Maoniia a hinul Yosafat a cɔwvo.

Yeremi 49:28

Sɔɛi dimin le Arabua co Kedar-a a le masɛi Hatsɔr-e, i Nebukanɛsar masaa Babilɔn nɔla-e co hee ni. Diom Mɛlɛka dimi-o co hoo ni aa: «La cɔn mì la kuel Kedar, mì la tɛɛmbuu ɲɛ-ɲɛ fee, ɲɛm vanaa co icali lon o lɛŋnde veselɛilen nin-nda pɛɛn.

Yeremi 49:23

A Damas o kɔɔ. Kobio Hamat a kobio Arpad a tuei yoongu vɔɔndo pum. Siɛmbulan la bii kobila lan. A muungu yulan-yulan maa mɛmma ihɛlma biiŋuamma nɔla calle le-an.

Yeremi 48:1

Diom Mɛlɛka-Nɔ-Kpaayaa-Kpow-vo, o Hala Israɛlla dimi-o co hoo ni aa: «Dɛnɛ palaa co le vannda Nebo, kani kobi ndaa cuu itambu! Siɛmbulan la tol Kiriataim le biyɔɔ nda bii ndu-o! Siɛmbulan la co bɔɔ le kobi va kon o kpakio nin-ndo!

Yeremi 27:3

O kon kɔɔli, mà yoo ndi masaa Edɔm, masaa Moab, masa Amɔnnda, masaa Tir a masaa Sidɔn. Vanaa co hɔlte lɛŋii ken ma va calle Yerusalɛm o ba Sedekia masaa Yuda-o bɛngu-a pɛɛn.

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

Condii lisai 83:7

Vanaa kan a co haa ni: Edɔmnda, Ismaɛlla, Moabua, vanaa fula o polale Akar len nin-nda, vanaa fula Kebal-la,

Condii lisai 9:6

A co vanaa-mangalaa-isɔɔa kɔngɔlanndo, a co vanaa kɔlvesɛiya ciiyo, má va diola ndalan ɲumio le fɛɛn a fɛɛn.

Nehemi 4:7

Lelan, mí kɛsi vannda lebɛngu o bóllo nin o kpakio kɔɔli, a nɛɛ kpakio ndóò cownun ndɔ le-a, mí kɛsi nda mɛɛ yungula ndalan la va yɛ. Mɔɔn cɔwvon, báltan a kpaasiaalan la va nda o laba.

Nehemi 2:19

Lɔ́ɔ́ Sanballa Horoniinɔ nda Tobiya Amɔnnɔ, ó va vana ndɔ baalaa-o a Kesɛm Arabunɔ a tuei sɔɔn mún-ndo, má mam naa, má pɛɛsa vɛlɛ naa. Má dimi aa: ‹Yɛɛ niaa co yɛ kon tosaa? Masaa niaa yeema simullo ni?›

2Dɛnnda lemasalan 20:23

Mí Amɔnnda nda Moabua del vanaa va icali o pembon Seir coo-a coo a cɔwvo, má diw nda kpow. Ndáà ciiyo nda diwvo, mí nda pila can diuvanndo vellaa-velle.

2Masaa 24:2

O kon mí Mɛlɛka viam kundala vanaa del vannda coo-a, má kɔ del Yehoyakim coo. Kundala Mɛlɛka vem lan-ndan la yɔŋnun ndan ni: Kaldea, Aramiia, Moabua a Amɔnnda. Ndáà kɔɛ le Yuda tɛɛmbuuo maa mɛɛ Mɛlɛka ndóò dimi sɔɛi ken a sondo vanaa ndɔa baalaa yɛ, vanaa-tɛɛngaa-diom Hala-a pɛɛn.

2Masaa 10:33

kandɔɔ o peo Yurdɛn a ba paalen le can-ndo, a tàndá Kalaad-o kpow, lɛŋii polale Kad len, polale Rubɛn-nden a polale Manase len le va icali nin-nde, keiyo o kobio Aroɛr a ba luaŋ-ndo, kpengii pee pɔmbɔɔ Arnɔn, kɔlan háá Kalaad a Basan.

Tɔŋ miingua 2:19

La tiiyanin poaa Amɔn-nda macɛlu, kɛ la del nda coo a cɔw le, la tiŋ nda a sɔngɔ le. Kani i yɔngu niaa ɲɛ-ɲɛ o lɛŋnde poaa Amɔn-nda nin te, polale Lɔt len ya yɔngu len ni. Kɛ́ ndaa co kon ni.›

O Kandɔɔ 19:38

Mí cua ndɔ diinndɔɔ bɛɛ vialu hɔ́ɔ́ piaandoo, mó ke ndu diolan aa Bɛn-Ammi (kon co dimio ni aa «Po vanaa nia»). Ndu yɔŋnun fuɲa-mama Amɔŋaa co vɔ yoomu háá hau-va ni.

Kundalan 1:24

Má sɛva polale Kad len a kundala ndala n'vanayalan a yungula ndalan a pilɛn-pilɛnnda, kandɔɔ vanpiaandua nɔ vɔsilan bidiin-nda a vanaa nɔ hiovɔɔ bidiin-nda, a tiwba le vali cɔwvo tosaa-a.

Tɔŋ miingua 23:4

Le fɛɛn a fɛɛn, Amɔnnda a Moabua a bɛnda mà luɛi o kunda Mɛlɛka-o nin te, hali cuavaa ndaa o lambi tɔ́ndɔɔ a lueinin lenin te.

Yeremi 12:14

Diom Mɛlɛka dimi le vanaa vɔɔŋaa balu vanaa nia-a-o, a co baa yɔɔ o ɲɛ nuu, lɛŋnde yáà yɔngu vanaa niaa Israɛlla kɛ́ɔ len-ndo co hoo ni aa: «I co nda sungɔɔ o lɛŋnde ndalen coo, mì hɛlu vɛlɛ nda Yudaa o ba.

Sofoni 1:5

I tɛɛmbuunin vanaa hel o yindɔla cɛilan coo, má va vulan baŋɔɔ le ɲɛm pangelen co o halataala-on biiloo-a. I tɛɛmbuunin vɛlɛ vanaa co vulan baŋɔɔ ya Mɛlɛka o labɛngunin, má va mɛnanndo o diola nilan, kɛ má va kpemalan yiiyo o diola piɔmndo Molɛk lan-nda kpow.

Esekiɛl 21:25

Tuula nɛiyo haliko mi cɔwvo luɛi o kobio Raba nin, kobi pɔaa Amɔnnda pɛɛn, mò luɛi vɛlɛ Yerusalɛm. Kobi co kon o kungaa a kpakio o tàndá Yuda-o nin-ndo pɛɛn.

Esekiɛl 25:1

Mí Mɛlɛka soaa o ya lo, mó dimul-la aa: