Yeremi 48:7 - BII BILA

⁷ Nɔm Moab, a va baalaa n tosa-o tiindanndo mà va bolofaa nɔmndo tiindanndo. Kɛ nɔm bɛɛ, a biinunnin! Kɛmɔs hala nɔmndo kɔanin o biyɔɔ nin, a kɔanin a vanaa nɔmaa solia lasálàá a simlacia nɔmnda kpede latulu.

Yeremi 48:7 Referans Kwoze

Kundalan 21:29

La kɔndu dɛnɛ dɛ, niaa vanaa co icali Moab-a! Niaa yungu Kɛmɔs-o, la dɔwnun yɛɛvɛ se! Poaa niaa sɔɔndian, cuavaa niaa laandua co o biyɔɔ nin Sihon, masa Amoriia o ba.

Yeremi 49:3

Vannda Hɛsbɔn, la hiiliaa a mɔnɛi, kani Ai cuu itambu! La mɛli yeelan, niaa vanaa co o cieon balu Raba-on nin-nda. La vownun volɔɔla dɛnɛ palaalan, mì la soli condii biisiei, mì la va keiyo ba-ba fee o kolokololan, kani a co kɔlan a piɔmndo Molɛk o biyɔɔ nin a vanaa ndɔa solia lasálàá a simlacia ndɔa latulu kpow.

Yeremi 9:23

Kɛ vana yeema pɛ le lisanndo, ndu lisan le kɔlkalu o sɔla mó sina ya-o, le sinaa maa ya co Mɛlɛka ni. O co kɛndɛi, dɛnɛ sandaa a sakpoyɛi tosaa o lɛŋnden coo-o, vanaa vaa lende hɛnan ya ni.» Sɔɛi fula Mɛlɛka o sondo-e co ken ni.

Condii lisai 52:7

Lelan nɔm bɛɛ, Hala co nɔm tɛɛmbuu le fɛɛn a fɛɛn. O koondannin nɔm, mò soli nɔm o cɛi-kola-toandaa nɔmndo nin, mò faŋa nɔm o ceendo vanaa yoomaa ho coo.

1Timote 6:17

Dimul vanaa nɔ bolofaa sunsun-nda maa nda pila a cannun ɲɛ le, dimul nda maa a kɛsì kɔllo o bolofaa fondoo ho coo le, kɛ a tiindàn Hala, o yɔngù naa ɲɔɔn kpow mì n va taw-vo, haliko mi n de mun tɔnɔ.

Osee 10:13

Nduyɛ, la vàá dɛnɛ vɔɔndo mí la koaw kɔlvesɛiyo, mí la dia kɔmnde lacòòvalen. Kani la tiindan taasila niaalan, mí la kɔngan kuubaa cɔvaa niaa sɛ́lɛ́a.

Yeremi 48:46

Dɛnɛ palaa co le niaa Moabua taanin! Vanaa Kɛmɔs-a cuu fɔ́! A kɔɛ a poaa ndɔa a cuavaa ndaa laandua o biyɔɔ nin.

Yeremi 48:13

Siɛmbulan la biinin Moabua le Kɛmɔs hala ndaa, mɛɛ siɛmbulan la bii Israɛlla le hala nda va Betɛl-lo yɛ, o ndáà tiindan a kɔlta ndalan kpow-vo.

1Masaa 11:33

I tosanin kon le tùú Israɛlla mulul-la kɔɔ, mà muungun Astartee, hala laandu Sidɔnnda, Kɛmɔs, hala Moabua a Milkɔm, hala Amɔnnda sooloo-o, a le tùú nda kɛɛ le kelaa o nɛila nilan coo má kɛɛ le dɛnɛ sandaa tosaa ya o hɔl-lo. A cɛl vɛlɛ le tɔŋndan a silala ndóò dimul nda lan biyɔɔ maa David fuɲaa ndu Salomɔn te.

Dɛnnda cɔɔmuanndan 18:7

Mɛɛ o kelun yongaa o kɔl, le tùú o va o ɲɛ kɛndɛ ndóò handu kɔllo coo-o nin-ndo yɛ, lende koni niaa tuisi ndu dɛnɛ palaa coo, mì la luei ndu mɔnɛi. Kani o co diminndo o kɔl nin aa: ‹Sɔngɔ masa koni ya cal nanu ni, i co vanalanɔ pɔnɔ vi le, lelan dɛnɛ palaa kɛ́-kɛ̀ komalnin ya le.›

Yeremi 43:12

O malnin cɛila halaa Esiptea yin, mò lom halaa kalaa, te kon te mò kɔɛnnun a nda Babilɔn. O kindinnin le bolofaa Esiptea cɔwviaa mɛ̀ɛ́-mɛ̀ɛ́ vana mandaa n'cɔloo nuwviaa lɛnnda o volɔɔla ndɔla cuɛinanndan nuaa yɛ. O kon kɔɔli, o kɔɛnnun bɛɛn-bɛɛn.

Yeremi 13:25

Ɲɛ co nɔm Yerusalɛm cumndo-o co kon ni, o ya kɛsul nɔm-ndo pɛɛn. Sɔɛi fula ya Mɛlɛka o sondo-e co ken ni, kani a pɔɛɛnun ya, má kɔngan halaa fondoa.

Condii lisai 40:4

O vow ya condii sɛnɛiye o sondo, condei le Hala naa lisaa. Vanaa bɔɔ-bɔɔ canin dɛnɛ kon, mì siòònde bii nda, mà laalan Mɛlɛka.

1Masaa 11:7

Tuma kon, mí ndu Salomɔn toosiaa fonda-loamaa-lasálàá o pembii co Yerusalɛm o hɔl-ndɔ-e coo le Kɛmɔs, piɔm lamàà Moabua, a le Molɛk, hala lamàà Amɔnnda.

Masaa kialaa n'yamaa 11:24

Nɔm, o co lɛŋnde Kɛmɔs hala nɔmndo yɔngu nɔm-nden te n nɔ nuaa le? Lelan, naa bɛɛ, n nɔ dí le calle o lɛŋnde Mɛlɛka Hala naa cɛl mi n sɔla len nin.

2Samiɛl 5:21

Mí Filistia ɲaanun, má mɛi piɔmaa ndaa lon. Mí David nda langbaa ndɔa kɔannun a nda.

Yeremi 49:4

Niaa vanaa nila kalua Raba, le yɛɛ niaa co yɛ lisanndo a bólta niaalan, bólta niaala tɔlɔɔlan la naŋ nin taw lan? La va bolofaa niaa tiindanndo, mí la va dimio aa: ‹Nɛ̀ɛ́ tɔɔndan yɛnin mò hun del-la coo?›