Yeremi 48:47 - BII BILA

⁴⁷ Kɛ paale vanin mì mingi Moab maa paandu.» Sɔɛi Mɛlɛka dimi a Moabua o kɔɔ-e co ken ni.

Yeremi 48:47 Referans Kwoze

Yeremi 49:39

«Kɛ paale vanin, mì mingi Elam maa paandu.» Sɔɛi fula Mɛlɛka o sondo-e co ken ni.

Yeremi 49:6

Kɛ o kon kɔɔli, i minginin Amɔnnda maa paandu.› Sɔɛi fula ya Mɛlɛka o sondo-e co ken ni.

Osee 3:5

O kon kɔɔli, a muungunin mà nuwviaa Mɛlɛka, o co Hala ndaa-o, mà nuwviaa vɛlɛ David masa ndaa. A sɔɔnguunin Mɛlɛka a dɛnɛ ndɔ kɛndɔɔ ikɛi a ɲiiyaa.»

Daniɛl 10:14

I hin nihau le nɔm ɲɛ hun yɔŋnunin yungu nɔmndo o siɔdii lacio nin-ndo dimullo, kani vundulen le co vɛlɛ le telen kon.›

Daniɛl 2:28

Kɛ Hala pilɛ co o halataala, o cɔɔmuu sɔɔn kɔndɔfillon-ndo. Ndu cɔmnin nɔm masaa Nebukanɛsar ɲɛ yɔŋnunnin siɔdii laci-o ni. Lɔma n sɔl-lan a vunduma n ce o kpele nɔmndo coo-an ma yɔŋnun man ni:

Yeremi 46:26

I co nda malɔɔ vanaa yeema le nda diyɔɔ-a o ba, Nebukanɛsar masaa Babilɔn a vanaa ndɔa cɔwva pɛɛn. Kɛ o mɛɛlulan, Esipte muungunin maa paandu.› Sɔɛi fula Mɛlɛka o sondo-e co ken ni.

Yeremi 30:24

Kɔltuw bɛndu Mɛlɛka-o muungu le, mɛɛ mò tosa ɲɛ o bɛnda le tosaa-o kpede, ɲɛ va ndu o kɔl-lo pɛɛn. Paale vanin mì la bii ken bila.»

Yeremi 23:20

Kɔltuw Mɛlɛka-o cuunin te, háá fɔ mì ɲɛ o kelu le tosaa-o cuu peelɔn. Paale vanin mì la hun bii bila.

Yeremi 12:15

O kon kɔɔli, ɲííye biinin ya vɛlɛ a nda, mì mingi nda, vana-vana o kɛ́ ndɔ coo, vana-vana o lɛŋnde ndɔ nin.

Esai 23:18

Kɛ sala ndɔ kon a ɲɛ-sɔlaa ndɔ nɔɔlɛi kon solinnin sálàà le Mɛlɛka. Vana cuungiaanin ɲɛm mun te, vana mandanin mun te. Kɛ ɲɛm mun vanin baloo le vanaa co vallo tosaa Mɛlɛka o hɔl-la ni, haliko ma de ma pim ca. Ɲɛm mun koni vanin vɛlɛ ɲɛ cuɛinan kɛndɔɔ le nda ni.

Esai 18:7

O telen kon nin, vanaa-mangalaa-isɔɔa nɔ kan dialun kalan a yoomuan-nda cuunin Mɛlɛka-Nɔ-Kpaayaa-Kpow-vo keo, vanaa co kan kpúlúnkùmaa kandɔɔ háá hau-va, vanaa-mangalaa-isɔɔa nɔ kan kɔɔle ningilɛilen-nda, a co kan vannda bɛpɛlaa-a, a lɛŋnde ndalen le co lekilikilialen a peelan-nden pɛɛn. A hunnin a ɲɛm-kéan mun nɛɛ diola Mɛlɛka lan la co piɔlnɔnndo-a, Hala-Nɔ-Kpaayaa-Kpow-vo pɛɛn, o pembei Siɔn coo.›»

SƐBƐ YƆB-O 19:25

«Ya ya, i sina maa vana ni baŋaa co yoomu, o mɛɛlulan, ndu cannin ni mò sim o lɛŋnden nden coo.

Tɔŋ miingua 31:29

Kani i sina maa te i vi pɛ, la co koma laasian, mì la faŋan o nɛi ya cɔm niaa-o coo. La tɛɛmbuunin Mɛlɛka kɔllo siɔdii laci a dɛnnda niaala vɔɔnnda niaa vanin tosaa lan, mì dɛnɛ palaa tol niaa coo taw-taw.»

Tɔŋ miingua 4:30

Te sangala lan kpow la kei pɛ niaa coo mì la ŋɔɔcian, o kon kɔɔli la muungu o Mɛlɛka Hala niaa lo, la bii diom ndɔɔ.

Kundalan 24:14

Lelan sisa, i co hunɔɔ muungu yungu nuu o ibuŋ. Kɛ telen pá ya kɔa, hun mì dimul nɔm ɲɛ vannda ha tosalnin vanaa nɔmnda siɔdii laci-o.»

Esekiɛl 38:8

O vɔsila bɔɔ-bɔɔ kɔɔli, i viamnin nɔm mà kuel lɛŋnde Israɛl-ten. O kon, vanáà hɛlun má ɲaanun cɔwvo o lɛŋii yɛ́-yɛ́i nin-nda muungunin mà kɔ cuungian Israɛl, o co nin lɔ́ɔ́ levil taw, vana hel-lɛ o pembun mun coo le. A faŋannin vanaa celen tɛɛn, mà va nila ɲulu.

Yeremi 12:14

Diom Mɛlɛka dimi le vanaa vɔɔŋaa balu vanaa nia-a-o, a co baa yɔɔ o ɲɛ nuu, lɛŋnde yáà yɔngu vanaa niaa Israɛlla kɛ́ɔ len-ndo co hoo ni aa: «I co nda sungɔɔ o lɛŋnde ndalen coo, mì hɛlu vɛlɛ nda Yudaa o ba.

Daniɛl 11:41

O luɛinin o lɛŋnde hiow naŋɔɔ len nin, mò bii vanaa bɔɔ-bɔɔ, kɛ Edɔmnda, Moabua a cuavaa lebolla o cuavaa Amɔn-nda tɛɛn a hialunnin ndu.

Esai 25:11

Vannda Moab a siɛndinin balan mɛɛ vana siɛndi balan le saanaa nuaa yɛ. Kɛ Mɛlɛka tɛɛmbuunin yonga ndaa, o solinin bala ndalan yoomuan mì la yɔŋnun lɔngɔmɛn.

Esai 45:20

La cuungian nɛɛ pilɛ mi la hin, la sɔɔnguu diom pilɛ, niaa vanaa lo yoomu o vanaa-mangalaa-isɔɔa tɛɛn-nda! Vanaa co piɔmaa ndaa iyɔmnda vilio-a a nɔ kɔlkalu le. Kani hala nda co piɛiyo-o nɔla vana ciindiaa le.