Yeremi 48:44 - BII BILA

⁴⁴ «Vana ɲaanunnin a siòònde-o, ndu kɔ delnin o soondo nin. Te o kindin pɛ mò fula, o kɔ hawnin o yaŋɔɔlen. Lende ya tosanin a Moabua o vɔsi ya ɲunanin nda konaa-o ni.» Sɔɛi fula ya Mɛlɛka o sondo-e co ken ni.

Yeremi 48:44 Referans Kwoze

Yeremi 11:23

Vɔsi ya cannin le vannda Anatɔt dɛnɛ palaa tuisio coo-o, vana-vana helunnin o nda tɛɛn te.»

1Masaa 19:17

O kon, vana-vana hɛlun pɛ mɔɛi cɔvii Hasaɛl-le, Yehu kɔ dii vana kon, vana-vana hɛlun pɛ mɔɛi cɔvii Yehu-e, Elise kɔ dii vana kon.

Amɔs 5:19

La vanin paale len mɛɛ vanndo ɲaanun yàlàá, mò kɔ bɔŋan vɛlɛ a kɔ́lɔ́vúloo nuaa yɛ, te kon te, o ɲaanun pɛ mò kɔ luɛi o ndu lo cɛinin, mò handu baa o cìì cɛiyo, kɛwvo lɔva ndu.

Yeremi 46:21

Vanaa cɔvaa mialaa Esiptea co salaa le cɔwvo tosaa-a co o biilu bɛndu nin. Kɛ hali nda, a kɔannunnin, a ɲaanunnin nda ndaa latulu. Vana-vana simulnin lɔ́ɔ́ paale dɛnɛ palaalen le komal nda-o le, paale ya tuisinin nda sangaa coo len pɛɛn.

Misee 7:4

Vana hiow vaa fisa o nda tɛɛn-ndo, maa yɔm n'yɔɔn ndu co ni. Vana hiow nda sandei-yo, maa bɔ̀ɔ̀ n'yɔ ndu co ni. Paale dɛnɛ palaale niaalen le tiiya nuaa ni, paale kpalilaa niaa dimi len, vanaa-tɛɛngaa-diom Hala-a pɛɛn. La co nihau a kɔl isiòòndo.

Osee 9:7

Palɛi Mɛlɛka co sangaa tuisi-e tiiya, palɛi konalan la dɔawnunnin-nde pɛɛn. A toɲa, palɛi ken keinin Israɛlla coo. La co dimio aa: ‹Vana-tɛɛngaa-diom Hala-o seema. Vana sɔla Kɔllo-o hiŋnun bollen.› Lende ni, kɛ kon tosan le dɛnɛ vɔɔn niaa bɛndoo a le nɛyɔn bɛndu niaa nɔ-o.

Yeremi 51:18

Ɲɛ fondoo fúú nda co ni, mamɔɔ hun vana o kɔl a nda ni. Paale Mɛlɛka co cɔnɔn a nda len, a co ɲum kpede.

Yeremi 23:12

«Lelan nɛi ndaa culukunin ni. A kuindiannin o ɲumndan nin mà deli. Vɔsi ya mululunnin nda-o, i co nda dɛnɛ palaa tuisi coo.» Sɔɛi fula Mɛlɛka o sondo-e co ken ni.

Yeremi 16:16

Sɔɛi fula Mɛlɛka o sondo-e co hee ni aa: «I co vanaa yɔɔyaa sɛ́lɛ́ bɛndoo yɔɔ, mà kɔ yɔɔya nda, o kon kɔɔli mì vem doosua sɛ́lɛ́ bɛndoo, mà kɔ vɔm nda o pembon coo, o buubuuon coo a o tɛɛndiaala powta kpovalan tɛɛn dí.

Yeremi 10:15

Ɲɛ fondoo fúú nda co ni, baala n'taaninndo. Telen Mɛlɛka cannin le mɔnɛ soli a nda-o, a co hunɔɔ itambu kpow.

Esai 24:18

Vana-vana ɲaanun pɛ yoondiaala isiòònndan, ndu delnin o soondo nin. Vana-vana del pɛ o soondo nin mo fula, ndu hawnin o yalaa nin. Kani diola pɔmbɔlan o halataala la kumbin, lɛŋnden le hiilun o tumndo dí.

Esai 10:3

Yɛɛ nɛ niaa tosa yɛnin o paale dɛnɛ palaalen coo? Vɛ̀ɛ̀ niaa yɔŋ yɛnin lɔ́ɔ́ dɛnɛ palaa cannin levil mò tol niaa coo-o? O nɛ̀ɛ́-nɛ̀ lo niaa ɲaanun yɛnin le malaa sɔlaa? Nduyɛ nɛ niaa mɛi yɛnin biilu niaa?

1Masaa 20:30

Mí vanaa tɔ̀a nda ɲaanun Afɛk ciee. Kɛ mí kpaki kobi kon kɔ komba nda coo, a va vaalan bidiin a laŋɔmmɛw (27 000). Mí Bɛn-Hadad pila ɲaanun, mó fula ciee, mó kɔ va vinivininndo o cɛilan nin.

Yeremi 8:12

Siɛmbulan láà bɛnda mì láà bii nda le dɛnnda nɔɔlɛila nda co tosaa lan. Kɛ siɛmbulen bɛɛ le co nda le, a kɛɛ lan pɛ. Lelan a delnin nda vanaa bɛnda le delɔɔ-a latulu, a boŋnin mà del o telen ya lɔanin nda-o». Sɔɛi fula ya Mɛlɛka o sondo-e co ken ni.

Yeremi 50:24

Nɔm Babilɔn, i yaŋ nɔm má haw a bii bila le. A luɛi o biyɔɔ nin, kani ya Mɛlɛka n del coo ni.›

Yeremi 50:27

La kɔ a vanaa cɔvaa ndaa caa cɔwvo taw-va o fonda nda diw cɔlua-o, mà diw nda kpow. Àá taanin, telen ndaa tiiya fɔ. Mɛlɛka tosanin dɛnɛ a nda.

Cɛɛŋɔnnda Yeremi lan 3:47

Dɛnɛ komal naa o laan-ndo co hoo ni: siòònde, kɔl yulan-yulanndo, tambei a kpundɔɔ.

Esai 24:17

Niaa co icali o lɛŋnden nden nin-nda, siòònde, soon bɛndoo a yalalan la dɔawnin niaa yɛɛvɛ!

Yeremi 49:8

«Vannda Dedan! La mulin mì la ɲaanun, mì la kɔ vionnun o buululan nin, kani dɛnɛ palaa ya hin niaa tuisi coo ni, niaa yungu Esau-vo pɛɛn! Telen ya co niaa mululɔn-ndo tiiya nuaa ni.