Yeremi 48:40 - BII BILA

⁴⁰ O Mɛlɛka dimi-o co hoo ni aa: «Mɛɛ kovɔ́ɔ̀ pɛɛnga bɔɔlan mò kilan coocoo yɛ, yaamɔɔ co kilanndo Moab coo ni.»

Yeremi 48:40 Referans Kwoze

Esai 8:8

Ma luɛinin o tàndá Yuda-o nin, ma hunnin taw-taw mì ma sɛŋin nɛɛ-nɛɛ ka. Ma helnin mì ma bii nda háá o bololan, tindima ndɔma vanin fasaŋanndo-an ma kumbunin lɛŋnde nɔmnden kpow, nɔm Emmanuɛl!»

Tɔŋ miingua 28:49

Mɛlɛka cuanin vanaa-mangalaa-isɔɔa pum nɛɛ levil, nɛɛ lɛŋnden le mɛɛlu-a le hunɔɔ niaa biyɔɔ o cɛlen nin, la tuinin sɔɛi ndɛi mangalɛi le. A coŋnin niaa coo mɛ̀ɛ́-mɛ̀ɛ́ kovɔ́ɔ̀ toal ɲɛ o va mɛngɛlaa-o coo nuaa yɛ.

Yeremi 49:22

Mɛɛ kovɔ́ɔ̀ hel coocoo pɔ́, mò pɛɛnga kumbanndan, mò hiŋnun yɛ yaamɔɔa co Bɔsra mɛngɛlaa ni. Paale len, kɔlta kuubaa cɔwva Edɔm la vanin maa kɔl vanalanɔ co le violɔɔ-o.»

Osee 8:1

«La hɔŋ lee saa! Dɛnɛ palaa tol o cɛi Mɛlɛka-o coo maa kovɛ, kani vannda kpakpala kpema nuu, à del kasi a tɔŋ nuu.

Esekiɛl 17:3

Dimul nda aa nuaa Maalii, o co Mɛlɛka-o dimi ni aa: ‹Kovɛ bɛndoo pum cɛn ni, ndóò nɔ kumbannda bɛndulan a bɔɔla vilɛilan, bɔɔla ndɔlan la va lapooɲɛilan, mó kɔa háá Liban, mó kɔ sungu yɔm sɛɛdre bollen.

Habakuk 1:8

Soa ndaa hiow tambilla keleŋaa, a hiow tunaa yondoa yiaan ma co nɛiyo-a tɔɔliaa. Vanaa co soa ndaa ɲaanɔnndo-a co hunɔɔ vuulɛ-vuulɛ, a co fulaa nɛɛ levil-vil. A co hunɔɔ isùlùlùei maa mɛɛ kovɔ́ɔ̀ toal ɲɛ o co mɛngɛlaa-o coo nuaa yɛ.

Daniɛl 7:4

Visi tasoo ndóò velan a yàlàá, kɛ ndóò nɔ kumbanndan maa kovɛ. I va ndu tofaa, mí kumbannda ndɔlan la suingin. Mó can, mó sim o pelun ndɔn miunndon kɔɔli coo maa vanaciee. Mí yiyan ivanacieeyaa luɛi ndu nin.

Cɛɛŋɔnnda Yeremi lan 4:19

Vanaa co naa tovɔɔ-a hiow keleŋaa a kovɛa kela coocoo-a. À co naa kiltan kɔɔli o pembon coo, à co naa cumullo o lɛŋnde veselɛilen nin.

Yeremi 4:13

«Má cè vanaa tɛɛmbua kalaa hunɔɔ maa yumbuyumbu piɔɔ helaa bɛndu! Ɲɛla ɲaanannda cɔwla ndalan la keleŋa maa hoeyii fùkù-fùkù. Soa ndɔa hiow keleŋaa a kovɛa. Naa n kɔndu dɛnɛ fɔ́!»

Talelan 30:19

nɛi kovɔ́ɔ̀ kei o coocoo-o, nɛi kɛwvo kei o pow kpovaa coo-o, a nɛi dɛ̀ndɔ̀ɔ́ kei o mɛmma ihɛllan coo-o. O hiɔɔlundɔɔ: kàŋ vanapɔnɔɔ kei le kɔlan o vanalanɔɔ lo-o.

Esai 11:14

Kɛ a cɛlannin, mà kɔ del Filistia coo a ba paalen le del-lo, a poondanin ɲɛm vanaa co a ba paalen le can-ndo-a diom pilɛ, a soaŋnin Edɔmnda a Moabua soŋɔ̀ɔ́ pila, a nɔlanin poaa Amɔnnda mà kɛsin nda o labɛngunin.