Yeremi 48:2 - BII BILA

² Ɲɛ va Moabua hɔlla heeloo-o cuu. Vannda tuu sɔɔn kɔlvesɛiyon le kobio Hɛsbɔn, má va dimio aa: ‹N kɔnnun mì n kɔ ɲumi kobi kon vanaa-mangalaa-isɔɔ tɛɛn!› Nɔm kobio Madmɛn bɛɛ, a tambunin, kani cɔwvo co nɔm kɔɔli.

Yeremi 48:2 Referans Kwoze

Yeremi 31:36

Sɔɛi fula Mɛlɛka o sondo-e co hee ni: Te sɔɔn ya handu mun paandu-on pɛngi pɛ tosanndo, mɛɛ cuavaa-imamaa Israɛl-la bɛɛ ve lɛnin lelɛŋ a ba nda le.

Esai 16:14

Sunsun yɛ niko, Mɛlɛka soo mó dimi aa: «Nanu a vɔsilan tan yáá, maa vɔsila vana nda co salaa le baalaa tosaa-o, biilu lɛŋnde Moab len le nɔ-o pɛɛsannin a sɛ́lɛ́ bɛndu co hoo lon-ndo kpede. Vanaa lonin lon-nda ve lɛnin a bɔɔ le. Mbɔ̀ vana dimi tuŋ maa vanaciee lo lɛnin ndon te.»

Kundalan 32:37

Mí polale Rubɛn-nden le mingi Hɛsbɔn, Eleale, Kiriataim,

Yeremi 49:3

Vannda Hɛsbɔn, la hiiliaa a mɔnɛi, kani Ai cuu itambu! La mɛli yeelan, niaa vanaa co o cieon balu Raba-on nin-nda. La vownun volɔɔla dɛnɛ palaalan, mì la soli condii biisiei, mì la va keiyo ba-ba fee o kolokololan, kani a co kɔlan a piɔmndo Molɛk o biyɔɔ nin a vanaa ndɔa solia lasálàá a simlacia ndɔa latulu kpow.

Yeremi 48:45

Vanaa co sangaa a ɲaanɔnndo-a co kɔlan vionnɔnndo Hɛsbɔn. Kɛ yinnden le co fula o kobi kon nin, o cɛi lemasaa Sihon, mì yelenyelenndo kɔ loam lɛŋnde vanaa kan cɔnɔnndo o pɛɛngulan háá o lɛŋnden kɔllo.

Yeremi 48:42

Moabua ɲuminnin, a ve lɛnin lelɛŋ a ba nda le, le tùú nda cennun maa nda co fisa a Mɛlɛka-o pɛɛn.

Yeremi 48:17

Niaa vanaa balu nda-a, niaa sina nda ɲɛkɛndɛi-ya kpow, la yil nda yilɔɔ biisio. La dimi aa: «Vɛ̀ɛ̀ kpeekpei kpaaya bɛndoo ho looku yɛ puusian, masale biilaa len-nden pɛɛn?»

Yeremi 46:28

Nɔm Yakɔb vana ni baala, siòòŋii bii lɛ nɔm te, kani i co nɔm ikɛi. I ciinin vanaa-mangalaa-isɔaa niaa kɔ cal tɛɛn telen yáà tow niaa-o-a. Kɛ nɔm, i ciinin nɔm te. I tuisinin nɔm sangaa coo le nɔm silaa o sandei nin, i melnin nɔm kɔnndan lende le.»

Yeremi 33:24

Vɛ̀ɛ̀ a co tueyɔɔ ɲɛ vannda ha co dimio-o le? A co dimio aa ya cii yungula tiɔnnda yáà hɛli lan kɛɛ, Israɛlla a Yudaa pɛɛn. Nuaa nda co yungu nuu yio kiolɔnndo ni, a nɔ o kɔl maa a co lɛ lelɛŋ a ba nda le.

Yeremi 25:17

Mí bii taala kólaa kon Mɛlɛka o ba, mí koesi vanaa-mangalaa-isɔɔa Mɛlɛka vem ya kan o nda lo-a kpede.

Yeremi 25:15

Kani muaa Mɛlɛka soo o ya lo ni, Hala Israɛlla pɛɛn aa: «Bii taala kólaa co ya hoo o ba o piaa cá a mɔima kɔltuwma nian-ndo, mà koesi vanaa-mangalaa-isɔɔa ya viamnin nɔm o nda lo-a kpow man.

Esai 25:10

Kani ba Mɛlɛka-o co o pembei he coo, lɛŋnde Moab len le nɛwnunnin a labɛngu o fonda ndɔɔ, mɛɛ vana nɛw foeende o sállo coo nuaa yɛ.

Esai 15:5

Kɔl nuu co yondaa a mɔnɛi biyɔɔ le lɛŋnde Moab len, kani vanaa ndɔa co ɲaanɔnndo ma va kɔnndan Soar, háá Ɛklat-Sɛlisia, a co pembei Luhit helɔɔ a caŋndo, ma va kɔlan o nɛi Hɔrɔnaim-ndo coo a koŋullo kpélén.

Esai 15:1

Sɔɛi dimin le tambii lɛŋnde Moab len-nde yɔŋnun hee ni: «Ɲumma ɲɛ tambɛiyo luɛi o kobio Ar-Moab nin-ndan, o ɲumma pilɛma man nin o piɔl ni vɔ́-vɔ́! Ɲumma ɲɛ tambɛiyo luɛi o kobio Kir-Moab nin-ndan, o ɲumma pilɛma man nin o piɔl ni vɔ́-vɔ́!

Yeremi 49:37

I vueinunnin Elamnda mà ɲiiya yaamɔaa ndaa a vanaa yeema le nda diyɔɔ-a o hɔl. I tuisinin nda dɛnɛ palaa coo a kɔltuw bɛndoo. I lonin nda kɔɔli a mɔɛi cɔwve háá mì cii nda kpede.» Sɔɛi fula Mɛlɛka o sondo-e co ken ni.