Yeremi 48:14 - BII BILA

¹⁴ «Niaa Moabua, le yɛɛ niaa co yɛ dimio aa: ‹Vanaa cɔvaa mayoomua kpeekpeyaa caa cɔwvo-a naa n co ni?›

Yeremi 48:14 Referans Kwoze

Condii lisai 33:16

O co le vanaa cɔvaa sɛ́lɛ́a le masaa sɔla cindaa le. Kuubanɔ cɔwvo sɔla baŋaa le kpaaya ndɔ bɛndoo le.

Esai 10:16

Lelan, Maalii, Mɛlɛka-Nɔ-Kpaayaa-Kpow-vo co ɲawvo tuisi kuubaa celulaa coo, ɲɔɔ vanin volio o naŋɔɔ ndɔɔ bɛngu maa yinnde biyaa.

Esai 10:13

Kani o co dimio aa: A kpaaya ba nuu ya tosa dɛnɛ nuaa ni, a kɔlkalu nuu ya tosa kon kpede ni, kani i sina bɔɔ dɛnɛ! I faŋa pɛɛngula vanaa-mangalaa-isɔɔa taw. I poondiaa nda bolofaa ndaa o ba. I faŋa vanaa va masalen tosaa o kpɛŋɛla lemasalan coo-a maa kuubanɔ dialun kala.

Sofoni 2:10

Kon tosalannin Moabua a Amɔnnda le yonga ndaa, kani a yeow yungu Mɛlɛka-Nɔ-Kpaayaa-Kpow-vo-o, má kialu lɛŋnde ndɔlen le lɛŋnde ndalen cɔɔloo.

Esekiɛl 30:6

Nuaa Mɛlɛka dimi ni aa: «Ɲɛ-ɲɛ co Esipte malaa delnin, kpaaya ndɔ o kɔngan kon-ndo tambunin. Kandɔɔ a Mikdɔl háá a Siɛn, nda kpow a cɛɛlunnin o mɔɛi cɔwve bɛngu. Ya Maalii, ya co Mɛlɛka-o soo nuaa ni.»

Yeremi 49:16

La co vannda kpow vueinɔnndo, a co yiyanndo maa nɔm hiow vannda kpow ni. Kɛ nɔm pila daama co palanndo ni. La co icali o tɛɛngun powta kpovalan nin, mì la va o fondala feke-fekelan. Kɛ hali heelu bɛɛ calta nɔmndan mì la hiow vɛɛnnde kovɔ́ɔ̀ helɔɔ, i tuisinin nɔm mà tiiya lɛŋ dí.» Sɔɛi fula Mɛlɛka o sondo-e co ken ni.

Yeremi 9:23

Kɛ vana yeema pɛ le lisanndo, ndu lisan le kɔlkalu o sɔla mó sina ya-o, le sinaa maa ya co Mɛlɛka ni. O co kɛndɛi, dɛnɛ sandaa a sakpoyɛi tosaa o lɛŋnden coo-o, vanaa vaa lende hɛnan ya ni.» Sɔɛi fula Mɛlɛka o sondo-e co ken ni.

Yeremi 8:8

Le yɛɛ niaa co yɛ dimio aa: «Vanaa kɔlkalua naa n co ni, tɔŋ Mɛlɛka-o co naa o ba»? A toɲa, o kafalan coo daama vanaa sɛvaa latɔŋnda co ndu sɛvaa a kpɛkile lacòò len ni.

Esai 16:6

N tuei yonga bɛndu Moabua tɔ́ɔ́, lekɛ́ndɛi, n tuei kuundian ndaa, hɔlaa heelaa ndaa, heelɔn ndaa a tombola nda fondo-fondoo tɔ́ɔ́.

Vana Kɔlkaloo 9:11

Mí dɔaw vɛlɛ dɛnndan lapum taasi o paalen bɛngu. O kiltan nin bɛɛ, vanaa hiow keleɲaa-a hiw laci lelan te. O cɔwvo nin bɛɛ, o co kuubaa le a yam cɔwvo kangalan te. Vanaa hiow kɔlkaloo-a sɔla baloo le kɔlkalu ndaa le, vanaa dɛnɛ sinaa sɔla bolofaa le dɛnɛ sinaa ndaa le, vanaa kɔlkalu bɛndu-a sɔla bɛɛlen le kɔlkalu nda bɛndoo le. Nda kpow, dɛnnda kɛndɛlan a dɛnnda vɔɔnndan la komal nda ni.

Condii lisai 11:1

Condii David-e, í fula o condun simlacinɔ vanaa n'condua nin-nde. «Mɛlɛka co nɛɛ nia viannannda ni. Le yɛɛ niaa co yɛ ya dimullo aa: ‹Ɲaanun maa yow, ma kɔɛnnun o pembon coo?›