Yeremi 48:13 - BII BILA

¹³ Siɛmbulan la biinin Moabua le Kɛmɔs hala ndaa, mɛɛ siɛmbulan la bii Israɛlla le hala nda va Betɛl-lo yɛ, o ndáà tiindan a kɔlta ndalan kpow-vo.

Yeremi 48:13 Referans Kwoze

Yeremi 48:39

La soli condii biisiei mì la dimi aa: «Mbɔ̀ Moab del fɔ́! Siɛmbulan pila o co le Moabua yaamɔaa ndaa ɲaanɔnndo ni.» Siòònde bii vanaa balu nda-a, mà va nda mamɔɔ.

Esai 45:16

Siɛmbulan la bii vanaa cɔavaa n'piɔmnda ma yɔŋnun laasi-laasi, a co kɔnndan a bɛ̀ɛ̀la nda tambu lan mɔ́ɔ̀yɔ̀ɔ̀.

Masaa kialaa n'yamaa 11:24

Nɔm, o co lɛŋnde Kɛmɔs hala nɔmndo yɔngu nɔm-nden te n nɔ nuaa le? Lelan, naa bɛɛ, n nɔ dí le calle o lɛŋnde Mɛlɛka Hala naa cɛl mi n sɔla len nin.

Yeremi 48:46

Dɛnɛ palaa co le niaa Moabua taanin! Vanaa Kɛmɔs-a cuu fɔ́! A kɔɛ a poaa ndɔa a cuavaa ndaa laandua o biyɔɔ nin.

Yeremi 48:7

Nɔm Moab, a va baalaa n tosa-o tiindanndo mà va bolofaa nɔmndo tiindanndo. Kɛ nɔm bɛɛ, a biinunnin! Kɛmɔs hala nɔmndo kɔanin o biyɔɔ nin, a kɔanin a vanaa nɔmaa solia lasálàá a simlacia nɔmnda kpede latulu.

Esai 45:20

La cuungian nɛɛ pilɛ mi la hin, la sɔɔnguu diom pilɛ, niaa vanaa lo yoomu o vanaa-mangalaa-isɔɔa tɛɛn-nda! Vanaa co piɔmaa ndaa iyɔmnda vilio-a a nɔ kɔlkalu le. Kani hala nda co piɛiyo-o nɔla vana ciindiaa le.

Esai 16:12

N co vannda Moab cɔu sangaa le helɔɔ o fondala ndala soolaalan coo, a co luɛyɔɔ o cɛi máán ndaa nin le piɛilen. Kɛ a tiwnin ba le ɲɛ-ɲɛ sɔla le.

Esai 2:20

Paale len, vanndacieea viwlulnin tɔngannda a cówva piɔmaa nda cɔw a volion-nda, a piɔmaa nda cɔw a sianion le nda sooloo-a.

1Masaa 18:40

Mí Elii dimul nda aa: «La biw vanaa-tɛɛngaa-diom Baal-la kpow, o kɛ́-kɛ̀ hialun niaa le dɛ!» Má biw nda. Mí Elii toal a nda o pee pɔmbɔɔ Kison kɔngɔ, mó kɔ kili nda bololan.

1Masaa 11:7

Tuma kon, mí ndu Salomɔn toosiaa fonda-loamaa-lasálàá o pembii co Yerusalɛm o hɔl-ndɔ-e coo le Kɛmɔs, piɔm lamàà Moabua, a le Molɛk, hala lamàà Amɔnnda.

1Masaa 11:33

I tosanin kon le tùú Israɛlla mulul-la kɔɔ, mà muungun Astartee, hala laandu Sidɔnnda, Kɛmɔs, hala Moabua a Milkɔm, hala Amɔnnda sooloo-o, a le tùú nda kɛɛ le kelaa o nɛila nilan coo má kɛɛ le dɛnɛ sandaa tosaa ya o hɔl-lo. A cɛl vɛlɛ le tɔŋndan a silala ndóò dimul nda lan biyɔɔ maa David fuɲaa ndu Salomɔn te.

Yeremi 48:12

Sɔɛi fula Mɛlɛka o sondo-e co hee ni aa: «Lelan paale vanin mì vem vannda, mà kɔ yɛlɛma ndu o ɲɛ vovaa celen nin. A solinin ndu o kpɛɛnɛn o co nin-ndon nin, mà pesi mun.

2Dɛnnda lemasalan 25:15

Le hee, mí Mɛlɛka tuulu kɔl a Amasia, mó vim ndu vana-tɛɛngaa-diom Hala-o pum, mó ɲuna ndu aa: «Le yɛɛ n sooluu yɛ piɔmaa vannda ha, piɔmaa bumba haa nda baŋaa nɔm o ba-a?»