Yeremi 48:12 - BII BILA

¹² Sɔɛi fula Mɛlɛka o sondo-e co hee ni aa: «Lelan paale vanin mì vem vannda, mà kɔ yɛlɛma ndu o ɲɛ vovaa celen nin. A solinin ndu o kpɛɛnɛn o co nin-ndon nin, mà pesi mun.

Yeremi 48:12 Referans Kwoze

Nahum 2:2

«Vanaa vɔɔnda co nɔm kuello, nɔm Ninive! Bɛɛndiaa vanaa nɔmaa cɔwva le fondala mayoomulan kandaa dɛ! La vá cumullo o nɛilan coo mì la bɛɛndian le cɔwvo. La sim a yoomuma niaan kpede.

Yeremi 48:38

O cɛilan kpede sɛmtɛ o lɛŋnde Moab len nin a o bɛ́ɛ̀lan kpow, condun biision daama vana tuɛi ni. Kani i cii Moab piɔlɔɔ maa kpɛɛnɛi vana nɔ lɛ mako lei.» Sɔɛi fula ya Mɛlɛka o sondo-e co ken ni.

Esai 30:14

O komba pɛ o piɔsi mɛɛ kpɛɛnɛi vana cɔavaa n'kpɛɛnɔɔ piɔsi nuaa yɛ. Ì piɔl pɛ, ì cuinun yukulu, hali tɛndu pɔmbɔɔ le yinnden cuaa lenin o yinndaceele, o sɔ́lan te, o co vɔ bɛɛ le tɛndoo sɔlaa le mɛnndan kɔndɔɔ o kpɛɛnɛi bɛndu-bɛndui mamɛnnde nin te.

Condii lisai 2:9

Ma tosa nda masalen coo a tinda icilinndo, ma pesipesi nda maa kpɛɛnɛi pulu.»

Yeremi 48:15

Moab cuu itambu kpede, vannda co helɔɔ le kobila ndɔlan delɔɔ coo. A co kɔlan a langbaa felengia ndaa le nda diyɔɔ. Sɔɛi fula Masa bɛndu nɔ diolan aa Mɛlɛka-Nɔ-Kpaayaa-Kpow-vo o sondo-e co hee ni aa:

Yeremi 48:11

«Kabi o cuaambɔyɛi ndɛi nin, Moabua ndáà nɔ buulan te, kabi a kue a nda o biyɔɔ nin te. A vannun nila ɲulu fɛɛ mɛɛ mɔiyan ma cal o kììyo coo yɛ. Lepilɛ bɛɛ a soli ndu o ɲɛ nin má vow ndu o ɲɛ celen nin te. Lelan o vannun o yeela ndɔɔ a o naŋɔɔ ndɔɔ coo ni.»

Yeremi 48:8

Vana tɛɛmbua keinin o kobilan la pilɛn-pilɛnndan nin, o pilɛ bɛɛ o pɔɛɛnnin te. Ɲɛ tambɛiyo vanin o bóllo nin a o dɛngbɔɔ nin.» Lende Mɛlɛka dimi ni.

Yeremi 25:34

La koŋul, niaa simlacia, la mɛli yeelan! La pimbul lɛŋ, niaa vanaa mandaa n'cɔlua. Kani telen nda co niaa bololan kili, mì la saŋnun-ndo tiiya hoo ni. La delnin mì la cuinun maa hɛngɛi báà kala.

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

Yeremi 19:10

O kon kɔɔli, a pɛl kpɛɛnɛi ken vanaa vanin kan lon-nda o hɔl, a dimul nda aa:

Yeremi 14:3

Vanaa bɛndua co buɛyaa ndaa vomɔɔ kela mɛnndan. A co kɔlan o soonnda mandaa mamɛnndan, ma va lan komallo la velɛilan, a co muungoo a ɲɛla ndala vovaa mamɛnndan fondo. Siɛmbula bɛndulan la bii nda ma kumbu hɔlla.

Esai 16:2

Maa mɛɛ yovaa nda bendu o vɛɛnnden nin ma ɲaanun nda va nuaa yoloma-yoloma yɛ, lende vanlaandua Moab vanin o tɛyii peo Arnɔn taŋɔɔ ni.

Yeremi 48:13

Siɛmbulan la biinin Moabua le Kɛmɔs hala ndaa, mɛɛ siɛmbulan la bii Israɛlla le hala nda va Betɛl-lo yɛ, o ndáà tiindan a kɔlta ndalan kpow-vo.