Yeremi 48:10 - BII BILA

¹⁰ Dangaa co le vana co baala Mɛlɛka-o tosaa a dialun vílɛ́iyon-ndo, dangaa co le vana kɛɛnin mì mɔɛi ndɔɛi cɔwve soli koovan-ndo!

Yeremi 48:10 Referans Kwoze

1Masaa 20:42

Mí vana-tɛɛngaa-diom Hala kon tɛɛngul niko masaa diom Mɛlɛka-o aa: «Le tùú n mal vana yáà dimi le diyɔɔ-o kɔnndan-ndo, nɔ́m co vu o fonda ndɔɔ ni, mí vanaa nɔmnda vi o fonda vanaa ndɔa.»

1Samiɛl 15:3

Lelan, kɔ sisa, mà kɔ del nda coo a cɔwvo, mà tɛɛmbuu ɲɛm ndan kpow. Mɛi ɲɛ-ɲɛ yoomu le, diw vanpiaandua a vanlaandua, cuaambɔa a cɛlɛkpɛa, nawva a saa, ɲɔɔmɛɛa a sofɛlɛa.›»

Masaa kialaa n'yamaa 5:23

Mí mɛlɛkanɔ Hala-o dimi aa: ‹La dɔw kobio Merɔs danga, La dɔw vanaa co icali lon-nda danga. Kani a cɛl le vanaa Mɛlɛka-a malaa le, a cɛl le kuubaa Mɛlɛka-a sɔɔnguuo ikɛi le cɔwvo le.

2Masaa 13:19

Mí vana-tɛɛngaa-diom Hala-o tambu kɔllo a ndu, mó dimul ndu aa: «Nɔm óò bɛnda mì nɔm óò lɔɔ bɛmbɛ leŋuɛɛnu, te kon te leŋɔmpum. O kon, a va Aramiia nɔla mì nɔm óò cii nda kpede. Kɛ nin, leyàá kpé n co nda hunɔɔ nɔla ni.»

1Samiɛl 15:9

Mí Saul nda vanaa ndɔa cɔwva mɛi Akak yoomu, a dii ndu le. Má manda vɛlɛ cɔlua hiow naŋɔɔ-a kpow yoomu, cɔlua bɛndua, cɔlua letùúa, cɔlua nda kom ó diinndɔɔ-a, saa kóndóa téndéa a ɲɛ-ɲɛ va cɔlu kɛndɔɔ, a diw nda le. Cɔlua vɔɔnda a cɔlua ɲavɛiya kínɛí nda tɛɛmbuu ni.

Yeremi 50:25

Mɛlɛka co ɲɛm cɔvun o nɔ-on cua, mò cɔm lɛŋnde Babilɔn-nden kɔl ndɔ fulaa. N canin baala Maalii, Mɛlɛka-Nɔ-Kpaayaa-Kpow-vo tosanin-ndo.

Yeremi 47:6

La diminin aa: ‹Éé nɔm mɔɛi cɔvii Mɛlɛka-e, vɛ̀ɛ̀ o ve nihau nuaa le? Muungu o boo nɔmndo nin, cal yili, kpeŋan lɛhau le ɲɛ-ɲɛ tosa le dɛ.›

1Masaa 20:39

Tuma masaa va hiovɔɔ-o, mó yondal ndu aa: «Masaa sei! O cɔw kàlà-kálàá ya buɛi nɔmndo va ni, mí vanndo pum yoo ya vana o bii-o, mó dimul-la aa ya mandal ndu ndu, aa te o hɛlun ya pɛ, i sɔla piɔ́mndo o fonda ndɔɔ, te kon te i sala volin latámán vàála yaa.

1Masaa 20:40

Nduyɛ, telen ya va o hɔlaa hiŋaa nin-ndo, mí vana va kon o biyɔɔ nin-ndo hialun, mó luusian ya o ba.» Mí masa Israɛlla mulul ndu aa: «Nɔm pila cii yamɛi kilulɔn.»

Yeremi 11:3

‹Diom Mɛlɛka, Hala Israɛlla dimi-o co hoo ni aa: Dɛnɛ palaa co le vana kon, o kɛɛnin le sɔɔn kpemaa ho yaŋnɔnndo-o,

Yeremi 47:7

Kɛ vɛ̀ɛ̀ i pɛngi yɛnin? Mɛlɛka cɔm ndi ɲɛ i bɛnda le tosaa-o, o dimul ndi le kɔlan Askelɔn a o mɛmma ihɛllan kɔngɔ dí. Nɛɛ i nɔ le kɔlan-nda co kan ni.»

Yeremi 50:27

La kɔ a vanaa cɔvaa ndaa caa cɔwvo taw-va o fonda nda diw cɔlua-o, mà diw nda kpow. Àá taanin, telen ndaa tiiya fɔ. Mɛlɛka tosanin dɛnɛ a nda.

Yosue 10:19

Kɛ la kei viovɔɔ lon te, la kuel yaamɔaa niaa mì la kɔ del nda coo a makɔɔ, la mál nda luɛyɔɔ o kobila ndalan nin te, kani Mɛlɛka Hala niaa cii nda malɔɔ niaa o ba.»