Yeremi 47:7 - BII BILA

⁷ Kɛ vɛ̀ɛ̀ i pɛngi yɛnin? Mɛlɛka cɔm ndi ɲɛ i bɛnda le tosaa-o, o dimul ndi le kɔlan Askelɔn a o mɛmma ihɛllan kɔngɔ dí. Nɛɛ i nɔ le kɔlan-nda co kan ni.»

Yeremi 47:7 Referans Kwoze

Misee 6:9

«Mɛlɛka co sɔɛi o vanaa co o kobio nin-nda lo. O ciindiaanin vanaa nɔ siòòŋii ndɔɛi-ya. La yaŋ nilan o yondaa a dɛnɛ palaa co hunɔɔ-o o kɔɔ, mì la yaŋ vana tuu le dɛnɛ kon tosaa-o nilan!

Esekiɛl 14:17

Te kon te, te i tuisi pɛ cɔwvo o lɛŋnde len nin, mì dimi aa: «Màá mɔɛi cɔwve balu o lɛŋnden nden nin! Te i ɲumi pɛ vanndacieea a cɔlua lenin,

Esai 10:6

I mal ndu le vanaa sina Hala le-a kuello, I yɛɛ ndu le kɔlan vanaa tuulu ya kɔllo-a delɔɔ coo, haliko mo poondiaa nda ɲɔɔn o ba, mò nɛw nda a labɛngu mɛɛ vana nɛw loolio o nɛilan coo yɛ.

Amɔs 3:6

Vɛ̀ɛ̀ vana nɔla mì vana hɔŋ bulu cɔwvo o kobio nin, mì vanaa co o kobi kon nin-nda kɛɛ ɲiiya? Vɛ̀ɛ̀ dɛnɛ palaa nɔla mo tol o kobio coo te o co Mɛlɛka le cɛl te?

Esekiɛl 25:16

lelan, nuaa Maalii Hala dimi ni aa: ‹Tofa vɔ, ya i heelunin ba nuu mì soŋ Filistia, i ciinin Keretiia kpow, mì siow vanaa tɔ̀a lonin yoomu o mɛmma ihɛllan kɔngɔa-a diw kpede.

Esai 37:26

Vɛ̀ɛ̀ nɔm Sanekerib, a sina masinaa maa kabi lɔ́ɔ́ levil te ya kɛɛsiaa sɔɔn mun te? A sina maa kabi sindɛ-sindɛ le ya tuu le mun tosaa le? Sisa yɛ niko, i cɛl mì sɔɔn mun n peelun. Ya cɛl ni mí nɔm Sanekerib pesipesi kobila mayoomulan, má siinguu lan pɔmndan.

Esai 13:3

I dimul niaa vanaa diandaa yɔngun ya-a le isɔɔ tosa, I veelu kuubaa cɔvaa co le kɔltuw nuu-a, vanaa dɔawnun ɲaale le bɔɔbɔɔyɛi nii-a pɛɛn.

1Samiɛl 15:3

Lelan, kɔ sisa, mà kɔ del nda coo a cɔwvo, mà tɛɛmbuu ɲɛm ndan kpow. Mɛi ɲɛ-ɲɛ yoomu le, diw vanpiaandua a vanlaandua, cuaambɔa a cɛlɛkpɛa, nawva a saa, ɲɔɔmɛɛa a sofɛlɛa.›»

Yeremi 48:10

Dangaa co le vana co baala Mɛlɛka-o tosaa a dialun vílɛ́iyon-ndo, dangaa co le vana kɛɛnin mì mɔɛi ndɔɛi cɔwve soli koovan-ndo!

Esekiɛl 21:30

Le nɔm simlacinɔɔ Israɛl-lɛ, nɔm vana lo hoo o lediom coo loo, nɔm vana kɔlvesɛiyo ho, telen co tiiya, mì yɔŋ vɔɔn nɔmndo mɛɛlu!

Esekiɛl 21:9

Kani i yeema mi faaŋiaa vanaa sandaa a vanaa kɔlvesɛiya nɔm nin. Lelan mɔɛi nii cɔwve fulanin o boo ndɔɔ nin ni le ɲɛ-ɲɛ yoomaa lɔwviaa, kandɔɔ a ba too háá a ba luaŋ-ndo.

Esekiɛl 21:14

«Po vanacieo sei, tɛɛnguu diom Hala-o, dimi aa: ‹Maalii dimi aa kpókò, la tofa vɔ! Mɔɛi cɔwve! Mɔɛi cɔvii cɛɛŋɛi, i iyikpɛi tɛm-tɛm.