Yeremi 47:6 - BII BILA

⁶ La diminin aa: ‹Éé nɔm mɔɛi cɔvii Mɛlɛka-e, vɛ̀ɛ̀ o ve nihau nuaa le? Muungu o boo nɔmndo nin, cal yili, kpeŋan lɛhau le ɲɛ-ɲɛ tosa le dɛ.›

Yeremi 47:6 Referans Kwoze

Yeremi 12:12

Vanaa poondiaa vannda ɲɔɔn o laba-a tiw o pembun bil vil te-on coo kpede o lɛŋnde veselɛilen nin, kani mɔɛi cɔvii Mɛlɛka-e co tɛɛmbuuo a labɛɛla, kandɔɔ o lɛŋnden kpengei kɔlan fulaa o kpengei pilɛi faŋ! I co vana-vana kpakpala le.

Nsaŋ 18:11

Mí Yeesu dimul Piɛr aa: «Mingi mɔɛi nɔmii cɔwve o boo ndɔɔ nin. Vɛ̀ɛ̀ ya kɛɛ yɛnin kolɔɔ o taala kólaa imɔnɔ Fuɲa nuu ke ya le kolɔɔ lenin-ndo nin?»

Esekiɛl 21:30

Le nɔm simlacinɔɔ Israɛl-lɛ, nɔm vana lo hoo o lediom coo loo, nɔm vana kɔlvesɛiyo ho, telen co tiiya, mì yɔŋ vɔɔn nɔmndo mɛɛlu!

Esekiɛl 14:17

Te kon te, te i tuisi pɛ cɔwvo o lɛŋnde len nin, mì dimi aa: «Màá mɔɛi cɔwve balu o lɛŋnden nden nin! Te i ɲumi pɛ vanndacieea a cɔlua lenin,

Yeremi 25:27

Mí Mɛlɛka dimul-la le nda dimullo aa: «Mɛlɛka-Nɔ-Kpaayaa-Kpow-vo, Hala Israɛl-lo dimi aa: «La kol mì ma bii niaa, mì la kuisi man. La deli lɛŋ a man mì la bumba le cɔnɔnndo telen niaa canin vanvílɛ́iya cɛɛlɔnndo o mɔɛi cɔwve bɛngu-o.»

Yeremi 15:3

O nɛila hiɔɔlula lan coo ya co nda simul ni, ya Mɛlɛka dimi lende ni, a vunin o mɔɛi cɔwve bɛngu, mì tunnda sasu nda, mà yɛɛ nda lándán. O mɛɛlulan, mì duàá a tivolla de nda kpede.

Yeremi 12:4

Háá telen kuɛɛ nɛ lɛŋnden le va yɛnin o dɛnɛ palaa nin, mì bil yondoo kpow va o vesɛiyo? Visia yondoa a yowva co cuuo le dɛnɛ vɔɔn vanaa co o lɛŋnden nden nin-nda. Kani a co dimio aa: «Yeremi cinin mɛɛlula naalan te.»

Yeremi 4:21

Háá telen kuɛɛ ya va yɛnin lɛfɛ cɔwvo cɔu, mì va diom bulu cɔwvo tueyɔɔ?

Esai 10:15

Cuei nɔla pá mì i lisan vana co baalaa a ndi-o coo? Vɛ̀ɛ̀ síí tɛndaa yɔmndo nɔla pá mò tosal vana co yɔmndo tɛndaa a ndu-o yongaa? Siondoolen le nɔla vana co len heeloo coocoo-o hiiluu le, tindaa nɔla vana fula o yɔmndo loo cua coocoo le!

Esai 10:5

«Dɛnɛ palaa co le Asirinɔɔ, o yɔŋnun sionnde kɔl ni tuwvo-o! Sionnden ndu o ba, len le co volɔɔ vali kɔltuw nuu ni.

Condii lisai 17:13

Mɛlɛka, cɔn ma ciŋilan yaamɔaa nia, ma yɔl nda lɛŋ. Baŋa ya vanaa kɔlvesɛiya ha o ba a mɔɛi nɔmii cɔwve.

1Dɛnnda lemasalan 21:27

O kon kɔɔli, mí Mɛlɛka dimul mɛlɛkanɔɔ le mɔɛi ndɔɛi cɔwve mingio o boo nin.

2Samiɛl 2:26

Mí Abnɛr ɲuna Yoab aa: «Vɛ̀ɛ̀ nuaa koni naa n lonin mɔɔn cɔwvon cuaa le naa pila diuvanndo ni? Sɔɛi he ceenin mɛɛlu le dɛ! A kúúnà vanaa nɔmaa cɔwva mà pɛngi puapilɛa ndaa tovɔɔ le?»

Masaa kialaa n'yamaa 7:20

Mí kundala tɔ̀lan kpede la hɔŋ bululan, má pesi bonyun va nda o laba-on, má bii tɛngɛla leyinndan a bala mɛltan, má bii bululan a bala kɛndɛlan le hɔŋndo, má va niko kɔlan a yondaa o lepilɔɔ aa: «Mɔɛi cɔwve co le Mɛlɛka a le Sedeɔn.»

Yeremi 48:10

Dangaa co le vana co baala Mɛlɛka-o tosaa a dialun vílɛ́iyon-ndo, dangaa co le vana kɛɛnin mì mɔɛi ndɔɛi cɔwve soli koovan-ndo!

Yeremi 50:35

Sɔɛi fula Mɛlɛka o sondo-e co hee ni aa: «Mɔɛi cɔwve, kuel Babilɔnnda. A kuel vanaa co o kobio Babilɔn nin-nda, má kuel vɛlɛ simlacia ndɔa a vanaa ndɔa dɛnɛ sinaa!

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»