Yeremi 47:4 - BII BILA

⁴ Kani paale tɛɛmbua len le tiiya le Filistia kpow. Vana-vana co lɛ le kobilan Tir a Sidɔn malaa le. Mɛlɛka co cii ɲɛ-ɲɛ fee tɛɛmbuu o Filistia lo, vanaa lo yoomu o lɛŋnde ibunga len Kaftɔr nin-nda.

Yeremi 47:4 Referans Kwoze

Amɔs 9:7

Niaa cuavaa Israɛlla sei! O co maa cuavaa Etiopiia le niaa co le ya le? Ya Mɛlɛka ɲuna nuaa ni. O co mɛɛ ya soli Filistia Kaftɔr, mí soli Aramiia Kir yɛ le ya soli cuavaa Israɛlla Esipte le?

Esai 20:6

O palɛi ken nin, vanaa vanin kan icali o lɛŋii co ken o mɛnndan kɔngɔ-e nin-nda a diminin aa: «La tofa vɔ mɛɛ ɲɛ naa n va kɔnganndo-o siŋnun yɛ! N va tiindanndo maa n sɔlanin malaa lon mi n vennun ndon, haliko mi n sɔla baŋaa masaa Asiri o ba! Vɛ̀ɛ̀ naa n nɔla yɛ lɛnin hiɔlɔnndo kpeekpei?»

Tɔŋ miingua 2:23

Lende koni o tosal vɛlɛ Aviia ni, á co icali o sɔndɔkɔltan nin háá Kaasa-a. Mɛɛ vannda pum cɛn Kaftɔr, má hun diw Aviaa kan kpow, má hialu fonda ndaa.

Osee 9:7

Palɛi Mɛlɛka co sangaa tuisi-e tiiya, palɛi konalan la dɔawnunnin-nde pɛɛn. A toɲa, palɛi ken keinin Israɛlla coo. La co dimio aa: ‹Vana-tɛɛngaa-diom Hala-o seema. Vana sɔla Kɔllo-o hiŋnun bollen.› Lende ni, kɛ kon tosan le dɛnɛ vɔɔn niaa bɛndoo a le nɛyɔn bɛndu niaa nɔ-o.

Esekiɛl 21:29

Le hee, la tuei-yɔ diom Maalii dimi-o, Mɛlɛka pɛɛn: ‹Le tùú niaa yiyalan ya tɛɛmbuu niaa, mí la soli hakila niaalan ceen-ndo, le tùú niaa cɔm yɔŋnda vɔɔnda niaalan kpendekele o dɛnnda niaalan kpow nin-ndo, le tùú niaa pila yɔngu vannda yiyanndo a hakila lan o kɔɔ-o, la co ndu delɔɔ o ba mò bii niaa.

Esekiɛl 21:25

Tuula nɛiyo haliko mi cɔwvo luɛi o kobio Raba nin, kobi pɔaa Amɔnnda pɛɛn, mò luɛi vɛlɛ Yerusalɛm. Kobi co kon o kungaa a kpakio o tàndá Yuda-o nin-ndo pɛɛn.

Esekiɛl 7:12

Telenndo tiiya, paale len le tiiya! Vana piandaa dɔawnun ɲaale le, vana pisiaa bii imɔnɔ le! Kani kɔltuwvo piɔndi le tolɔɔ sɛ́lɛ́ kaakuu co hoo o kobio nin-ndo coo.

Yeremi 46:10

Le Maalii Hala paale len le co ni, le Maalii Hala-Nɔ-Kpaayaa-Kpow-vo pɛɛn. Paale mingiaa maa len le vanin nden ni, o mingulnin yaamɔaa ndɔa maa. Mɔɛi cɔwve tosanin dɛnɛ mì i pim ca, kooma vanaa kan ma biinin ndi maa mamɔi. Sálàá vanin kon le Maalii ni, Mɛlɛka-Nɔ-Kpaayaa-Kpow-vo pɛɛn, o lɛŋnde ba luaŋ-nden nin, o peo Efrate kɔngɔ.

Condii lisai 37:13

Kɛ Maalii co vana kɔlvesɛi kon mamɔɔ, kani o co cɔu maa paale ndɔlen le co tiiyaa.

Luke 21:22

Kani palɛi ken Mɛlɛka mingulnin vanaa ndɔa maa ni, haliko mi ɲɛ sɛvan-ndo peelun.

Esekiɛl 30:8

Lɔ́ɔ́ ya malnin Esipte yin mò ŋɔɛ, mì vanaa ndɔa co ndu malaa-a yomiyomi-o, a sinanin maa ya co Mɛlɛka ni.»

Esekiɛl 25:16

lelan, nuaa Maalii Hala dimi ni aa: ‹Tofa vɔ, ya i heelunin ba nuu mì soŋ Filistia, i ciinin Keretiia kpow, mì siow vanaa tɔ̀a lonin yoomu o mɛmma ihɛllan kɔngɔa-a diw kpede.

Esai 31:8

Asirinɔɔ delnin o mɔɛi cɔwve bɛngu, kɛ o venin mɔɛi cɔvii vanaciee le. Mɔɛi cɔwve sɛɛsiaanin ndu, kɛ o venin mɔɛi cɔvii vanaciee le. Asiriia ɲaanunnin mɔɛi cɔwve, kɛ kuubaa cɔvaa ndɔa felengia biinunnin o cɛlen nin.

Esai 10:3

Yɛɛ nɛ niaa tosa yɛnin o paale dɛnɛ palaalen coo? Vɛ̀ɛ̀ niaa yɔŋ yɛnin lɔ́ɔ́ dɛnɛ palaa cannin levil mò tol niaa coo-o? O nɛ̀ɛ́-nɛ̀ lo niaa ɲaanun yɛnin le malaa sɔlaa? Nduyɛ nɛ niaa mɛi yɛnin biilu niaa?

SƐBƐ YƆB-O 9:13

Te Hala tuulu pɛ kɔl, vana nɔla ndu kpaa le. Ndu o labɛngunin ɲɛm yooman kɔndɔfillon o mɛmma ihɛllan nin, a N'Yalɛiyo a ɲɛ-ɲɛ co N'Yalɛiyo kɔɔli a co ihini ni.

1Dɛnnda lemasalan 1:12

Patrɔs, a vanaa fula Kasluhim-nda ni. O nda nin Filistia a vannda Kaftɔr a fula ni.

Yosue 22:30

Mɛɛ Pineas vana-solia-lasálàá a simlacia va bolii lapangɛi cuavaa Israɛlla tɛɛn-nda tuei sɔɔn vanaa fula o polale Rubɛn-nden, o polale Kad len nin a o polale tálále Manase len nin-nda a dimi mún-ndon, má naŋ kɔl.

O Kandɔɔ 10:15

Poaa Kanaan-nda yɔŋnun Sidɔn nda Hɛt ni. Sidɔn va po ndɔ tasoo ni.

Esai 14:31

Lelan, niaa vanaa co o diola luɛyaalan-nda, la somisomin! Niaa co o kobilan nin-nda, la cɛɛŋun mì la ŋɔɔcian! Niaa co o lɛŋnde Filistia nin-nda, la ɲiiya! Kani kumnde co cɔnnɔnndo a ba luaŋ-ndo, vanaa cɔwva co a sɔsɔŋaa o polama yaamɔaa niaa nin.