Yeremi 46:2 - BII BILA

² Sɔɛi dimin le Esipte a le vanaa cɔvaa Neko, masaa Esipte-a-e. O va o peo Efrate kɔngɔ Karkemis, telen Nebukanɛsar masaa Babilɔn nɔla ndu-o. O vɔsi hiɔɔlundɔ Yehoyakim po Yosia-o va o maselen Yuda-o.

Yeremi 46:2 Referans Kwoze

2Masaa 23:29

Telen Yosia kon va masaa-o, mí Neko Faraɔnnɔ va masaa Esipte-o can peo Efrate demullo le kɔlan masaa Asiri cɔwvo malaa. Mí Yosia kei ndu ciŋilan a cɔwvo. Kɛ mɛɛ Faraɔnnɔɔ ce dɔ́ɔ́ Yosia kon Mekido, mó dii ndu.

Yeremi 46:14

«La yonda sɔɛi he Esipte, mì la tosa mì vannda sina ndi Mikdɔl, Nɔf a Tapanɛs! Mí la dimul nda aa: ‹La bɛɛndian mì la sim yili!› Kani a cii vanaa balu niaa-a bɛlubɛluu a cɔwvo.

Yeremi 45:1

O vɔsi hiɔɔlundɔ Yehoyakim po Yosia-o va masalen tosaa Yuda-o, mí Baruk po Neriya-o va sɔɔn Yeremi va ndu dimullo-on sɛvaa. Mí Yeremi dimul ndu aa:

Yeremi 36:1

O vɔsi hiɔɔlundɔ Yohoyakim, po Yosia-o va masalen tosaa Yuda-o, mí Mɛlɛka dimul Yeremi aa:

Yeremi 25:19

O kon kɔɔli, vanaa-mangalaa-isɔɔa tɔ̀a: Faraɔnnɔɔ, o co masaa Esipte-o, simlacia ndɔa, vanaa ndɔa baalaa a vanaa co o lɛŋnde ndɔlen nin-nda kpow,

Yeremi 25:1

Vɔsi hiɔɔlundɔ Yehoyakim po Yosia-o va masalen tosaa Yuda-o yɔŋnun vɔsi tase Nebukanɛsar kandu masalen tosaa-o ni. Mí Mɛlɛka soaa o Yeremi lo a vannda Yuda kpede o kɔɔ.

Esai 10:9

Vɛ̀ɛ̀ Kalno siŋnun maa Karkemis le? Vɛ̀ɛ̀ o co ɲɛ yɔŋnun Arpad-o le yɔŋnun Hamat le? A toɲa, ɲɛ tosalan Damas-o tosalan Samari ni.

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

2Masaa 18:21

Kámáá Esipte le n tiindan te? Mɛɛ vana tiinda baa o kpɛ̀ndɛ̀le yomɛilen coo nuaa, mì le cuku vana baa, mì vana bolin yɛ Esipte co ni. Lende Faraɔnnɔɔ, o co masaa Esipte-o co le vanaa tiindan ndu-a kpow ni.

2Masaa 23:33

Mí Neko Faraɔnnɔ baa ndu yɔlɔn Ribla o lɛŋnde Hamat len nin, haliko ndóò tosa lɛ masalen Yerusalɛm te. Mí Neko kon kilul vannda Yuda muloo: volin latámán kilolan vàálan tan yáá a sianion kilolan beleyaa.

2Masaa 24:7

Masaa Esipte fula lɛ o lɛŋnde ndɔle len nin te, kani masaa Babilɔn ndóò cii nin lɛŋii va ndu o ba bɛngu-e kpow hiɔlɔɔ, cɔnɔnndo o pee pɔmbɔɔ Esipte kɔlan háá o peo Efrate.

Yeremi 43:11

O hunnin mò lɔɔ lɛŋnde Esipte len, mì vanaa bɛnda le vuo-a vi, mì vanaa bɛnda le kɔlan o biyɔɔ nin-nda kɔɛ o biyɔɔ nin, mì vanaa bɛnda le vuo o mɔɛi cɔwve bɛngu-a nda vi o mɔɛi cɔwve bɛngu.

Esai 19:1

Sɔɛi dimin o lɛŋnde Esipte len coo-e yɔŋnun hee ni: La tofa vɔ, Mɛlɛka hel o yumbuyumbu felun-felunndo coo, o co hunɔɔ o lɛŋnde Esipte len nin. Piɔmaa co o lɛŋnde Esipte len nin-nda co ɲiiyaa ndu laci, kɔlta Esiptea la fula yoomuan po.

Esai 19:19

O telen pilɛ kon nin, a cownin Mɛlɛka fonda-loamaa-lasálàá o lɛŋnde Esipte len tɛɛn, a tɔalnin pow sálàá o lɛŋnde Esipte len pɛɛngulan, le bɛɛle Mɛlɛka len cɔmndo.