Yeremi 46:10 - BII BILA

¹⁰ Le Maalii Hala paale len le co ni, le Maalii Hala-Nɔ-Kpaayaa-Kpow-vo pɛɛn. Paale mingiaa maa len le vanin nden ni, o mingulnin yaamɔaa ndɔa maa. Mɔɛi cɔwve tosanin dɛnɛ mì i pim ca, kooma vanaa kan ma biinin ndi maa mamɔi. Sálàá vanin kon le Maalii ni, Mɛlɛka-Nɔ-Kpaayaa-Kpow-vo pɛɛn, o lɛŋnde ba luaŋ-nden nin, o peo Efrate kɔngɔ.

Yeremi 46:10 Referans Kwoze

Tɔŋ miingua 32:42

Mɔɛi nii cɔwve sɛɛsiaanin dialun ndan, i lɔngɔliaanin kɔɔn nun o kooma ndan nin. I cuuŋuunin kooma bolii simlacia yaamɔaa nia, kooma vanaa yɔŋulunnin-nda a kooma vanaa vanin o biyɔɔ nin-nda.

Yɔɛl 1:15

«Kpòkóó dɛnɛ! Má cè paale bɛndu dɛ! Paale Mɛlɛka len le co le tiiyaa. Maa mɛɛ Vana-Kpaayaa-Kpow tuisi kpundɛ tɛɛmbua bɛndoo vannda coo nuaa yɛ, lende paale len le hunnin ni.

Yeremi 46:2

Sɔɛi dimin le Esipte a le vanaa cɔvaa Neko, masaa Esipte-a-e. O va o peo Efrate kɔngɔ Karkemis, telen Nebukanɛsar masaa Babilɔn nɔla ndu-o. O vɔsi hiɔɔlundɔ Yehoyakim po Yosia-o va o maselen Yuda-o.

Yeremi 46:6

Vana hiow keleŋa-o helunnin te! Vana fula diallon o cɔwvo nin-ndo nɔlanin yoomu ndɔɔ baŋaa le. A co siɛɛliaa mà va delio o kɔngɔla peo Efrate lan coo.

Luke 21:22

Kani palɛi ken Mɛlɛka mingulnin vanaa ndɔa maa ni, haliko mi ɲɛ sɛvan-ndo peelun.

Yɔɛl 2:1

La hɔŋ buloo o kobio Siɔn nin. La hɔŋ ndu mì ɲɔɔ vɔnga o pembii nii diandɛi coo. Niaa co icali o lɛŋnden nin-nda kpow, la ɲiiya a siòònde. Kani paale Mɛlɛka len le co le tiiyaa, o lo cobe mì le tiiya.

Yeremi 51:6

La ɲaanun mì la faŋan Babilɔn, vana-vana cɛwnun. O kon la vinin le tɛɛmbuu ndaa le. A toɲa, telen Mɛlɛka minginin màá-o tiiya. O tosalnin ndu mɛɛ o bɛnda a ndu yɛ.

Yeremi 50:15

La yonda le cɔwvo ba-ba fee! O heelu balan le ndu pila yɔngɔnndo. Cɛila coocoola ndala cumulaalan la suingin, kpakila ndalan la koombiaa. Mɛlɛka co ndu maa mingullo ni, lelan la mingul Babilɔn maa, la tosal ndu ɲɛ ndu tosal caanda-o.

Esai 63:4

Kani paale mingiaa màálen le va ya o kɔl, vɔsio tiiya le vanaa nia co o cɛlen nin-nda baŋaa.

Esai 13:6

Lelan la ŋɔɔcian! Kani paale Mɛlɛka len le co le tiiyaa. Paale len le co hunɔɔ maa kpundɛ. Mɛlɛka Vana-Kpaayaa-Kpow tuisinin len lende ni.

2Masaa 24:7

Masaa Esipte fula lɛ o lɛŋnde ndɔle len nin te, kani masaa Babilɔn ndóò cii nin lɛŋii va ndu o ba bɛngu-e kpow hiɔlɔɔ, cɔnɔnndo o pee pɔmbɔɔ Esipte kɔlan háá o peo Efrate.

Esai 61:2

O vem ya le yondaa a vɔsi kɛndɛi Mɛlɛka-e fulanin ceen-ndo o kɔɔ, a á paale Hala naa minginin màá len o kɔɔ, le vanaa co o dɛnɛ palaa nin-nda kpow ɲɔɔloo.

SƐBƐ YƆB-O 24:1

«Ko le yɛɛ Ó-Hiow-Kpaayaa-Kpow-vo kɛɛ yɛ lɔ́ɔ́ mɛi le yaman ndɔn kiolɔɔ? Le kɔlɔ yɛɛ vanaa sina ndu-a kɛɛ yɛ palɛi ndɔɛi cɔ?

Esai 31:8

Asirinɔɔ delnin o mɔɛi cɔwve bɛngu, kɛ o venin mɔɛi cɔvii vanaciee le. Mɔɛi cɔwve sɛɛsiaanin ndu, kɛ o venin mɔɛi cɔvii vanaciee le. Asiriia ɲaanunnin mɔɛi cɔwve, kɛ kuubaa cɔvaa ndɔa felengia biinunnin o cɛlen nin.

Yeremi 12:12

Vanaa poondiaa vannda ɲɔɔn o laba-a tiw o pembun bil vil te-on coo kpede o lɛŋnde veselɛilen nin, kani mɔɛi cɔvii Mɛlɛka-e co tɛɛmbuuo a labɛɛla, kandɔɔ o lɛŋnden kpengei kɔlan fulaa o kpengei pilɛi faŋ! I co vana-vana kpakpala le.

Yeremi 46:14

«La yonda sɔɛi he Esipte, mì la tosa mì vannda sina ndi Mikdɔl, Nɔf a Tapanɛs! Mí la dimul nda aa: ‹La bɛɛndian mì la sim yili!› Kani a cii vanaa balu niaa-a bɛlubɛluu a cɔwvo.

Yeremi 50:18

Lelan, o Mɛlɛka-Nɔ-Kpaayaa-Kpow-vo dimi-o co hoo ni aa: «I co masaa Babilɔn simul, mì simul lɛŋnde ndɔlen, maa mɛɛ ya tosa sindɛ a masaa Asiri yɛ.

Esekiɛl 21:28

Vanaa co icali Yerusalɛm lon-nda co ko yiyanndo maa còòlan sɔɔn mun co ni, maa n tosannin te. Kani vannda cuel nda ciɛ́ɔn má mɛnalan nda. Kɛ masaa Babilɔn ndu yiyalan nda haki ndaa, lelan nda sɔlanin biyɔɔ ni.

Sakari 6:6

Mí soa tiŋia va kɔlan a ɲɛ ɲaanan ndaa nanɔɔ a ba lɛŋnde co a maluaŋ-nden. Mí soa humbua va kɔlan a ba paalen le del-lo a ɲɛ ɲaanan ndaa nanɔɔ, mí soa pooɲɛiya va kɔlan a ba too.

Esai 2:12

Kani Mɛlɛka-Nɔ-Kpaayaa-Kpow-vo nɔ paalen le vanaa kuundiannda, vanaa heelannda a le vanaa co cuannɔnndo-a cɔlɔbaa haliko ma tuisin tootoo,