Yeremi 45:5 - BII BILA

⁵ O co vɔ bɛɛ dɛnɛ kɛndɛ n co yeemaa le nɔm pila-o le. Kɔl kɔa nɔm lon te. Kani dɛnɛ palaa ya cuunin-ndo vanin le ɲaa yoomaa kpede. Kɛ nɔm, ba-ba n kɔɛ pɛ, i mɛinin nɔm yoomu.›» Mɛlɛka dimi lende ni.

Yeremi 45:5 Referans Kwoze

Yeremi 39:18

A toɲa, i ciindiaanin nɔm, a delnin o mɔɛi cɔw bɛngu le. A lonin yoomu, o n sɔlanin-ndo vanin kon ni, le tùú n tiindan ya-o.›» Sɔɛi fula Mɛlɛka o sondo-e co ken ni.

Hebreea 13:5

La káolà volion mò hiow ɲɛ-ɲɛ fee le, kɛ la hinì kɔl a ɲɛm niaa nɔ-on. Kani Hala pila dimi aa: «I kɛɛnin nɔm te, i melnin nɔm te.»

Yeremi 21:9

Vana-vana lo pɛ o kobio ho nin nanu, ndu vunin o cɔwvo nin, te kon te a yima fofolan, te kon te vɛlɛ a nàà n'kɔnyaa. Kɛ vana-vana fula pɛ mò kɔ yɔngun Babilɔŋaa co niaa haa hinullo a cɔwvo-a, ndu lonin yoomu.

Rɔmnda 12:16

La kela kela kɛndɔɔ niaa pila tɛɛn vellaa-velle. La va vanaa kuundian te, kɛ la tosa dɛnndan kpow o tuisinndo nin. Niaa pila cannun vanaa kɔlkalu le.

Yeremi 25:26

masaa kɛ́-kɛ̀ co a ba luaŋ-ndo, a va macɛlu-a a masaa co lándan-nda. Masɛi kɛ́-kɛ̀ co o ceendo coo vellaa-velle, i co o lɛŋnden coo-e kpow pɛɛn. O mɛɛlulan, mí masaa Sesak kol niko.

Sofoni 3:8

Lelan, Mɛlɛka dimi aa: ‹La cum-ndɔ! La cum paale ya cannin le seilen tɛndaa len. Lɔ́ɔ́ ya cuungiaanin vanaa-mangalaa-isɔɔa le yamɛi nii kiolɔɔ-o. I mɔɔsiaanin masɛi le kɔl ni tuwvo tuisio ndi coo, a le ndi fukpaa a kɔl ni fulaa. Kani i loamnin lɛŋnden kpow a yinnde nile paŋalaalen.›»

Yeremi 38:2

«Diom Mɛlɛka dimi-o co hoo ni aa: vana-vana lo pɛ o kobio ho nin, ndu vunin o mɔɛi cɔwve bɛngu, a yima fofolan, te kon te a nàà n'kɔnyaa. Kɛ vana-vana fula pɛ, mò kɔ yɔngun Babilɔn-nda, ndu lonin yoomu, hali mò sɔla lɛ ɲɛ celen o kon kɔɔli le.

2Masaa 5:26

Kɛ mí Elise dimul ndu aa: «Kɔl nuu va lon telen langbanɔɔ pum va tolɔɔ o ɲɛ ɲaanan ndɔ soa nan-ndo coo le nɔm bɔŋaa-o. Vɛ̀ɛ̀ telen biyaa lavolɔɔ a telen biyaa n'volio co hoo ni? Sisa a sɔla volion le nakɔla olivieelan a nakɔla n'rɛsɛnndan piondɔɔ a mun, le cɔlua pɔmbɔa a cɔlua bɛndua piondɔɔ a mun a le cɛa piaandua a cɛa laandua piondɔɔ a mun.

O Kandɔɔ 6:12

Mɛɛ Hala tofa vanndacieea o ceendo coo, mó ca nda a laasiannda kpow, kani vana-vana va kelaa o yɔŋ vɔɔndo nin.

Esai 66:16

A yinnden Mɛlɛka kialu yaman ndɔn ni. A mɔɛi ndɔɛi cɔwve o soaŋ vanaciee oo vanaciee le yamɛi ndɔɛi kiolɔɔ ni. Vanaa delnin Mɛlɛka o ba-a vanin bɔɔ sɛ́lɛ́.

1Masaa 3:9

Lelan, i tɛɛlun nɔm, yandi, ke ya vana baala nɔmndo kɔl taasio le masalen caa tosaa vanaa nɔmnda coo, mì handu pɛɛngulan dɛnɛ kɛndɔɔ a dɛnɛ vɔɔndo tɛɛn. Kani te o co lende le, nɛ̀ɛ́-nɛ̀ nɔlà yɛ masalen tosaa vanaa nɔmaa co haa sɛ́lɛ́ bɛndoo-a coo?»

1Masaa 3:11

O kon, mí Hala dimul ndu aa: «Le tùú n piɛi le nɔm pila yoomu vilɛi sɔla loo, le tùú n piɛi bolofaa le nɔm pila loo, le tùú n piɛi le yaamɔaa nɔmnda vu loo, kɛ má piɛi kɔl taasio le masalen tosaa o sandei nin,

Condii lisai 131:1

Condii fula o condun David-on nin-nde, condii vannda keì solio nɛi-tɛɛn o kɔlan-nde. Yiyan yonga co ya o kɔl te Mɛlɛka, i nɔ hɔlaa heelaa le. Hɔlte ɲɛ-sɔlaa bɛndu co ya le. I nɔ mako a dɛnnda bɛndula ya tiwba tosaa lan te, i nɔ vɛlɛ mako a la hiow ya ba lan te.

Yeremi 25:31

Vana lo lɛŋnde mɛɛlu mà tuei ndu diom. Mɛlɛka co kɔɔsɔɔ nda vanaa-mangalaa-isɔɔa. O veelu vanndacieea kpow o cɛi ndɔ kɔɔsɔɔ nin, o tosanin mì vanaa vɔɔnda kpede a vi o mɔɛi cɔwve bɛngu.› Sɔɛi fula Mɛlɛka o sondo-e co ken ni.»

Yeremi 25:15

Kani muaa Mɛlɛka soo o ya lo ni, Hala Israɛlla pɛɛn aa: «Bii taala kólaa co ya hoo o ba o piaa cá a mɔima kɔltuwma nian-ndo, mà koesi vanaa-mangalaa-isɔɔa ya viamnin nɔm o nda lo-a kpow man.

Yeremi 25:16

A kolnin man mì hɔlla hiŋ nda, mì bollen le hiŋnun nda tuma nda vanin vanvílɛ́iya cɔu a cɔw ya tuisinin nda tɛɛn-ndo-o.»