Yeremi 44:7 - BII BILA

⁷ Lelan diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «Le yɛɛ niaa pila co yɛ dɛnɛ vɔɔn bɛndu vaa nuaa tosalanndo? La yeema mi vanpiaandua, vanlaandua, felengia a cɛlɛkpɛa o tàndá Yuda-o nin kpow cuu vu o lepilɔɔ? Vɛ̀ɛ̀ la yeema mi vana pilɛ bɛɛ lo yoomu o niaa tɛɛn te?

Yeremi 44:7 Referans Kwoze

Habakuk 2:10

Tuula niaalan kpede la co niaa pila mingulɔn, mì siɛmbulan la bii vanaa niaa. La va yiyanndo maa la diw pɛ vannda taw, la sɔla baŋaa, kɛ nduyɛ, ken co niaa dɛnɛ palaa yɔngoo ni.

Yeremi 51:22

A nɔm ya pesipesi vanpiaandua a vanlaandua ni, mí pesipesi felengia a vanaa yuuvɛiya poambɔa piaandua a cuaambɔa lemboa.

Esekiɛl 33:11

Lelan, dimul nda maa diom Maalii Hala dimi-o co hoo ni aa: «Le yoomu nuu, i hɛnan mì vana kɔlvesɛiyo vi le, kɛ mò mangala kela ndɔ vɔɔndo haliko mò va yoomu. Le hee, la mangalan! La mal kelala niaala vɔɔnndan! Le yɛɛ nɛ niaa yeema yɛ le vuo, niaa cuavaa Israɛlla?»

Cɛɛŋɔnnda Yeremi lan 2:11

Hɔlta nilan la sanga a mɛmɛan tuisio, niŋndo co ya ŋolɔɔ, Kɔllo laasian ya niŋ kpede le sanga bɛndu co kobi vanaa nia coo-o. Cuaambɔa a cɛlɛkpɛa a co vuo o nɛila kobio coo.

Yeremi 44:14

O vanaa lo yoomu Yuda, má kɔa vionnɔnndo Esipte-a tɛɛn, vana-vana nɔlanin ɲaanɔnndo le. Vana-vana helunnin piɔ́mndo le. Vana-vana fulanin ndon mò muungu Yuda le, nɛɛ nda co yeemaa taw le muungoo calle-a pɛɛn. A muungunin ndon te few, fɔ vanaa cɔwvo bumbanin-nda a pum.›»

Yeremi 9:21

Dimul nda maa sɔɛi fula Mɛlɛka o sondo-e co hee ni aa: «Vanvílɛ́iya delinin mɛɛ kɔmbɔɔsio co o tiuvaa lɛŋ yondoo nin nuaa yɛ, mɛɛ yasalan la deli vanaa koavaa kɔɔli yɛ, la vana-vana co cɔwviaa le lan.»

Yeremi 7:19

Sɔɛi fula Mɛlɛka o sondo-e co hee ni aa: «Mò va maa ya nda co pala ni? O co siɛmbula nda pila lan te nda co dovi kon te?»

Talelan 15:32

Vanndo kɛɛ pɛ le pɛɛkoo tueyɔɔ, ndu pɛɛsan ndu pila. Kɛ vana cɛl pɛ kanalanndan, ndu sɔla taasio.

Talelan 5:22

Tɛɛmbuula vana kɔlvesɛiyo biinin la ndu pila maa leyaŋɔɔ. O kayakayannin o yoei haki ndɔɔ nin.

1Samiɛl 15:3

Lelan, kɔ sisa, mà kɔ del nda coo a cɔwvo, mà tɛɛmbuu ɲɛm ndan kpow. Mɛi ɲɛ-ɲɛ yoomu le, diw vanpiaandua a vanlaandua, cuaambɔa a cɛlɛkpɛa, nawva a saa, ɲɔɔmɛɛa a sofɛlɛa.›»

Masaa kialaa n'yamaa 21:11

La kɔɛ pɛ, la diw vanpiaandua a vanlaandua sina nin dɛnɛ vanapɔnɔɔ-a kpow.»

Yosue 6:21

Má diw vanaa va o kobi kon nin-nda kpow, vanpiaandua a vanlaandua, cɛlɛkpɛa a vanaa yuuvɛiya. Má diw vɛlɛ nawva, saa a sofɛlɛa.

Tɔŋ miingua 32:25

Cɔwvo diwnin cuavaa ndaa o kpakio kɔɔli, nda pila vanin icali a siòònde o kpakio nin. Kandɔɔ a poombɔ piaandoo, kɔ bii a cuaambɔ laandoo, keiyo a cɛlɛkpɛ co vɔɛiyo-o, kɔlan tiiyaa a vana yuuvɛi yulunnde co o lebol-lo, sanga pilɔɔ kpé vanin nda coo ni.›

Yeremi 44:8

Vɛ̀ɛ̀ le ya kɔllo tɛɛmbuuo a dɛnnda niaalan, niaa co halaa celennda sálàlan solullo o lɛŋnde Esipte le niaa hin nden caltan nin-nden ni? Vɛ̀ɛ̀ la yeema mi la cuu o lepilɔɔ, mì la siŋnun tɔɔmasele dɔavaa dangaa a siɛmbula bɛndulan vanaa-mangalaa-isɔaa co o ceendo coo-a tɛɛn?

Yeremi 42:20

Niaa pila dimul-la ni aa ya ɲuna Mɛlɛka Hala niaa. Mí la dimul-la aa: «Ɲɔɔlul naa Mɛlɛka Hala naa, mà tɛɛngul naa diomnde o dimulnin nɔm-nden sanaa, o kon mì n kela lecoo.» Niaa pila luei bollen o ken nin ni.

Yeremi 26:19

Vɛ̀ɛ̀ diyɔɔ masaa Esekia a vannda Yuda a dii Misee le sɔɛi ken ni? A dii ndu le, kɛ má ke Mɛlɛka bɛɛlen taw, má kindin le ndu hɛnanndo. O kon mí Mɛlɛka mangala yiyan va ndu-o, o tuisi lɛ nda dɛnɛ palaa ndóò kɔngɔlan le nda tuisio coo-o coo le. Kɛ te naa naa n dii pɛ langbanɔɔ ho, mɛɛ n co dɛnɛ palaa bɛndoo tuisin coo.»

Yeremi 25:7

Kɛ la yeŋ ya lani le, Mɛlɛka dimi lende ni. Mí la tíŋ ya a sɔngɔɔ kangalan le tùú niaa sɛl piɔmnda le dɛnɛ niaa palaa-o.»

Talelan 8:36

Kɛ vana pilan pɛ ya tana ndu kɔndu dɛnɛ. Vana-vana pɛɛsa ya pɛ, mɛɛ piɔ́mndo ndu yeema ni.»

Talelan 1:18

Vanaa kan, nda pila co soonndan tuwnɔnndo ni. Dúmbúla nda co yiiyo lan la mingulun nda pila.

1Samiɛl 22:19

Mí Saul diw vanaa va Nɔb-a kpow, kobi vanaa-solia-lasálàà kan pɛɛn. Mó diw vanpiaandua a vanlaandua, cuaambɔa a cɛlɛkpɛa, mó diw vɛlɛ nawva, sofɛlɛa, saa a cuinaa va lon-nda kpede.

Yeremi 3:24

Kandɔɔ o felengiyɛi nɛi nin, piɔmaa ndaa cii ɲɛm fuɲaa naa nuwviaa-on dio few: cɔlua pɔmbɔa a cɔlua bɛndua, poaa ndaa a cuavaa ndaa laandua.

Cɛɛŋɔnnda Yeremi lan 2:22

Paale nɔm Mɛlɛka tuulu kɔllo len, má veelu langbaa kalaa vueinannda, ma veelu fulaa o vanaa bula ya-a tɛɛn le ya hinullo maa o paale kafo coo. Cuavaa nia vana-vana helun te, vana-vana lo yoomu le. Cuavaa yáà suili mí kaola taw-va, nda yaamɔɔa cii ya tɛɛmbul ni.»

Yeremi 25:6

Te la yiinun a halaa celen-nda mì la baŋ vulan nda o labɛngunin le nda sooloo le. Te la selnun piɔmnda mì la baŋ vulan nda o labɛngunin le nda sooloo le, i fulanin kɔl a niaa le, i tosalnin niaa dɛnɛ vɔɔn kɛ́-kɛ̀ le.

Yeremi 38:17

O kon mí Yeremi dimul ndu Sedekia aa: «Diom Mɛlɛka, Hala-Nɔ-Kpaayaa-Kpow-vo, Hala Israɛlla dimi-o co hoo ni aa: Te nɔm pila a yungu nɔmndo kɔ yɔngun pɛ masaa Babilɔn, a sɔlanin baŋaa, kobio ho tembunin vɛlɛ o leyin nin te.

Esekiɛl 9:6

La diw nda háá mì la cii nda kpede, kandɔɔ a vanaa yuuvɛiya, felengia piaandua, a laandua, cuaambɔa pɔmbɔa, kɔ bii a vanlaandua. Kɛ vana-vana niaa ce pɛ pondalen o itendu, la pilan ndu le. La kandu a cɛi-kola-toandaa diandaa nuu.» O kon, má kɔ kandu a vanaa kɔlkalua va o Cɛi-Hala-o hɔl-ndɔ-a.