Yeremi 44:6 - BII BILA

⁶ O kon mí kɔl ni tuwvo saŋnun o kobilan Yuda a o nɛila bɛndulan Yerusalɛm coo maa leyin, hau kobila lan la siŋnun pɔmndan, vannda piow lan mɛɛ niaa sina yɛ.

Yeremi 44:6 Referans Kwoze

Yeremi 7:20

Lelan diom Maalii Hala dimi-o co hoo ni aa: «I co kɔl ni tuwvo a nɛyɔn co ya nin-ndo pɛngɛla o fonda kon coo, mì tuisi ndu vanndacieea a cɔlua coo, mì tuisi ndu yɔmnde, yondoo a o kulun co lɛŋ-ndon coo maa leyin, mì le lo ŋɔu, le ɲumnin te.»

Esekiɛl 8:18

Lelan ya bɛɛ, i co nda dɛnndan tosal a kɔltuwvo. I tofanin nda mì ɲíí bii ya le, i keinin nda baa coo le. Hali a yondanin bɛɛ coocoo ya o lani, i yeŋnin nda lani le few.

Yeremi 42:18

Kani diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «Maa mɛɛ yáà tuulu kɔl taw a vannda Yerusalɛm yɛ, lende koni ya tuulunin vɛlɛ kɔl a niaa ni, te la kɔɛ pɛ Esipte. Vannda vanin tɔɔmaseloo cuaa a niaa le mɛnanndo, te kon te le sɔɛi vɔɔŋii bɛnduei pum dimio. Nduyɛ la ci lɛnin lɛŋnden nden lɔ́ɔ́-lɔ́ɔ̀ le.»

Yeremi 21:5

O kon, mì ya pila tol niaa coo a cɔwvo a hiilɛi kɔl ni fulaa bɛndoo. Mì cɔm niaa yoomuma nian a kpaaya ni bɛndoo.

Yeremi 7:34

I kuunanin kɔlkɛndɔɔ a ɲaaloo o kobila Yuda lan nin a o nɛilan Yerusalɛm coo, mì kuuna condun cuaa laandua soli le vanaa nda yeema-a-on a n poaa piaandua bɛɛ soli le a nda yeema-a-on, kani lɛŋnden le muungunin bémbélan kposon.»

Esai 51:20

Poaa nɔmnda vi diallon, a co ihini lɛ́ɛ́siɛn o nɛilan kpede dangalaa, maa kial haw o yaŋɔɔlen-ndo, kɔltuw Mɛlɛka-o co nda coo, Hala co nda kɔngɔlanndo a labɛɛla.

Esai 51:17

Tiondu, tiondu se! Cɔn, nɔm Yersusalɛm, kol o taala kólaa kɔltuw Mɛlɛka-o nin, o co kon Mɛlɛka kalaa o ba-o, nɔm Yerusalɛm kol, ma cii ɲɛ va o taala kólaa hɔlaa hiŋaa nin-ndo!

Esai 6:11

O kon mí ɲuna aa: «Háá telen kuɛɛ nɛ, Maalii?» Mó muli aa: «Háá telen kobilan la tambunin, mì vanaciee ve lɛ icali lenin too, háá telen cɛilan la lonnunnin fondo mì lɛŋnden le lo yolɛ, mi le siɔŋ-ndo,

Nahum 1:2

«Mɛlɛka paŋalaa Hala co ni, ndu mingi máá ni. Mɛlɛka mingi máá, o pɛ a hiilɛi. Mɛlɛka mìngùl yaamɔaa ndɔa màá, mò mandan kɔltuw o nɔ a nda-o o kɔl.

Daniɛl 9:12

Nɔm Hala, má peelu sɔɔn n kɔngɔlan le naa a le vanaa tosanin masalen naa coo-a tosallo-on. Má tuisi naa sangala bɛndulan coo, kabi ceendo cɔwnun, sanga vaa lende tul-lɔ vana coo le. Sanga tol Yerusalɛm coo-o nɔ velan te.

Esekiɛl 24:13

Nɔm Yerusalɛm, dɛnɛ nɔɔlɛiyo mingi nɔm maa kpɛɛnɛi sɔvɛi, mì yeema le nɔm dindio kɛ a cɛl te pɛ! Lelan a sɔla lɛnin dindio a dɛnɛ nɔm nɔɔlɛiyo le, háá mì cii kɔltuw nuu cuiŋi nɔm coo.

Esekiɛl 24:8

O kɔltuw bɛndu-bɛndoo nin, mí cuiŋi kooma man o pow bandíláà coo le màá mingio, yɔŋii ma mɔɲamɔɲa.»

Esekiɛl 20:33

Le yoomu nuu, i tosanin niaa masalen coo, mì tuisi niaa ba ni mayoomoo a congú ni kpaayaa coo, mì cuiŋi kɔltuw nuu niaa coo. Sɔɛi fula Maalii, o co Mɛlɛka-o o sondo-e co ken ni.

Esekiɛl 6:12

Vanaa vanin levil-la nda vunin a nàà halimaa, mì vanaa vanin macɛlu-a nda vi a yima fofolan. Kɔl ni tuwvo kpow hulunnin nda coo.

Esekiɛl 5:13

Kɔltuw nuu tiiyanin háá o mɛɛlulan. I hulunin kɔl ni fulaa nda coo, mì mingi màá nuu nda coo. O kon telen ya cuiŋinin kɔl ni tuwvo kpede nda coo-o, a sinanin maa ya Mɛlɛka, o paŋala nuu nin ya soo ni.

Yeremi 36:7

Bɔɔle a cannin mà tɛɛlun Mɛlɛka a kpaaya ndaa kpow, o kon mì vana-vana mangala kela ndɔ vɔɔndo, kani taw-taw Mɛlɛka tambu kɔllo a vannda ha ni.»

Yeremi 21:12

Yungu David-o! Diom Mɛlɛka dimi-o co hoo ni aa: ‹La va dɛnɛ sandaa tosaa kandɔɔ idii. La soli vanaa nda co saangiaa-a vanaa co nda saangiaa-a o ba, yɔŋii kɔl ni tuwvo bii maa leyin, vana nɔlanin nden ɲumio le, le dɛnnda vɔɔnnda niaa co tosaa lan.

Yeremi 4:4

La dii toomaa le ya Mɛlɛka, la dii kɔlta niaalan tooma, niaa vannda Yuda a vanaa co Yerusalɛm-nda, yɔŋii kɔl ni tuwvo bii maa leyin, mì le saa, vana-vana nɔlanin nden ɲumi le, le dɛnnda vɔɔnnda niaa co tosaa lan.›

Tɔŋ lasálàá 26:28

ya bɛɛ, i simulnin niaa a kɔltuwvo, mì cɔɔlu sangala niaalan vangala bɛmbɛ leŋɔmmɛw le hakila niaalan.

Tɔŋ lasálàá 26:31

I siinguunin kobila niaalan bémbélan, mì siinguu sooluula niaalan pɔmndan. Sálàla niaala cun kɛndɛlan la hɛnan ndɛnin ya cun te.

Esai 1:7

Lɛŋnde niaalen le tambu, kobila niaalan la ŋɔɛ kpow a yinnden, mialla co yondola niaalan tɛɛmbuuo niaa pila o hɔl, a co lan laasiaa a lan tɛɛmbuuo a labɛɛla, maa vanaa luɛi a paa-kala le ɲɔɔn tɛɛmbuuo-a.

Yeremi 4:27

Kani diom Mɛlɛka dimi-o co hoo ni aa: «Lɛŋnden kpow le dɔawnunnin yɛɛvɛ, kɛ i tɛɛmbuunin nden kpede le.

Yeremi 7:17

Vɛ̀ɛ̀ a co ɲɛ nda co tosaa o kobilan Yuda nin a o nɛilan Yerusalɛm coo-o cɔ le?

Yeremi 34:22

i dimulnin nda mà hinul kobio ho, Yerusalɛm pɛɛn. Mà tiila ndu, mà mal ndu yin, mì siinguu kobilan Yuda lɛŋnde veselɛile vanaciee cel nin te len. Sɔɛi fula Mɛlɛka o sondo-e co ken ni.

Cɛɛŋɔnnda Yeremi lan 1:13

Mɛlɛka lo coo, mó soli yinnden, mó cuu yinnde len o paala nilan nin. Mó toandu yalaa ya o labɛngunin, mó mingi ya a makɔɔ, mó kɛsi ya o mɔnɛi nin, o nàà imɔnɔ kon nin ya co le lɔ́ɔ́-lɔ́ɔ̀ ni.

Esekiɛl 20:34

I solinin niaa vanaa súúla celennda tɛɛn, mì faŋa niaa o lɛŋii niaa co a sɛngiannda nin-nde nin, mì cuungiaa niaa a ba ni mayoomoo a congú ni kpaayaa, o kon mì cuiŋi kɔl ni tuwvo niaa coo.

Sakari 1:2

«Mí Mɛlɛka tuulu sindɛ kɔl a fuɲaa niaa mamaa taw-taw.

Sakari 7:14

Mí saŋ nda vanaa-mangalaa-isɔaa ndáà sina paandu le-a tɛɛn, mí lɛŋnden le koma tambuu nda kɔɔli. Vana ve lɛ cɔnɔn o lɛŋnde len nin le lakɔ inɛɛ le, vana ve lɛ vɛlɛ cɔnɔn inɛɛ le hunɔɔ o lɛŋnde len nin te. Lende nda tɛɛmbuu lɛŋnde kɛndɛle len ni, má siinguu len lɛŋnde imɔnɔle siɔŋɛilen.›»

Yeremi 8:3

Piɔ́mndo vanaa tɔ̀a lonin yoomu o polale vanaa vɔɔŋaa kan kpow tɛɛn-nda hiawnin yeema a yoomoo, nɛɛ ya sɛŋinin nda o fondala yɛ́-yɛ́lan-nda pɛɛn.» Sɔɛi fula Mɛlɛka-Nɔ-Kpaayaa-Kpow-vo o sondo-e co ken ni.

Yeremi 44:22

Mɛlɛka ndóò tiw lɛ ba dɛnnda niaala vɔɔnndan a mààla niaa va tosaa lan biuvɔnndo le. Lelan lɛŋnde niaalen le siŋnun bémbélan ni, mí vannda piaw len. A lɛŋnde len vannda co tɔɔmaseloo cuaa ni le mɛnanndo a le dangaa dɔvɔɔ mɛɛ niaa co hau cɔu nuaa yɛ.

Cɛɛŋɔnnda Yeremi lan 1:1

«Éé vannda! Kobi vannda va hoo icali nin sɛ́lɛ́ bɛndoo-o lo hau ndu pilɛ kpé. O muungu maa vanalanɔ pɔnɔ ndɔ vi-o. Ndu óò hiow tɔ́ɔ́ a kobila tɔ̀lan o lɛŋii vanaa mangaa isɔɔa tɛɛn ni. Ndu nda tundu hau baala lecɛo tosaa nuaa ni.

Cɛɛŋɔnnda Yeremi lan 5:18

ndu co le tùú Siɔn tambu, mó siŋnun bɛ̀mɛ́lta kàá-o ni.

Sakari 1:6

Nduyɛ, mí tɔŋndan a silala ya vow vanaa niaa baalaa, vanaa-tɛɛngaa-diom Hala-a o sondo lan la pilan fuɲaa niaa mamaa kɔltan. O kon, má muungu, má dimi aa mí Mɛlɛka-Nɔ-Kpaayaa-Kpow-vo tuu le naa tosallo mɛɛ kelala naalan a dɛnnda naalan la co yɛ.›»