Yeremi 44:4 - BII BILA

⁴ Ya yɛ, i sanga niaa vanaa nia baalaa kpow vimndo a vanaa-tɛɛngaa-diom Hala-a le niaa dimullo maa la soli pelon o dɛnnda vɔɔnnda ya yeemiaa lan nin,

Yeremi 44:4 Referans Kwoze

Yeremi 26:5

mì la cua sɔɔn vanaa nia baalaa balan tan tiɔn, vanaa-tɛɛngaa-diom Hala-a pɛɛn. O co lɛhau le ya co niaa nda vimndo le, kɛ la yeŋ nda lani le.

Yeremi 7:25

Kandɔɔ o paale fuɲaa niaa mamaa fula Esipte len, háá hau, i co niaa vanaa nia baalaa, vanaa-tɛɛngaa-diom Mɛlɛka vimndo. Mì va nda vomɔɔ lepalaa-lepala kandɔɔ idii púŋ.

Yeremi 7:13

Le tùú niaa tosa dɛnnda lan kpow-vo, sɔɛi fula Mɛlɛka o sondo-e co hee ni. Le sɔɛi ya soo o niaa lo, mí soaa kandɔɔ idiiyo, mí la kɛɛ ya nilan yaŋɔɔ-o, le tùú ya veelu niaa, mí la kɛɛ le cɛlɔɔ-o,

Sakari 7:7

Sɔɔn mun Mɛlɛka ndóò dimul sindɛ vanaa-tɛɛngaa-diom Hala-a le vannda tɛɛngullo ni. Tuma kon, vannda va icali Yerusalɛm taw, a vannun nila ɲulu a kobila balu Yerusalɛm-ndan, a o tàndá co a ba too-o nin, haa vannun vɛlɛ icali nila ɲulu o tàndá ladɛɛlaa nin.

Esekiɛl 16:47

Te nɔm óò mɛɛlu pɛ o kela vɔɔndo coo maa nda, mí nɔm óò tosa dɛnnda nɔɔlɛilan maa nda kpafii, kon ndóò va tiŋ fisa. Kɛ mí nɔm bɛɛ laasian o kelala nɔmndan kpow nin hiovɔɔ nda coo.

Esekiɛl 8:10

Mí luɛi, mí mɛɛndan, mí ca ɲaa sasun lɛŋ-nda a visia nɔɔlɛyaa vɔɔnda súúlan kpede, piɔmaa cuavaa Israɛlla va sooloo-a kpow a va a tuuliaa o kpakio balɔɔ pindo.

Yeremi 29:19

Kani a yeŋnun sɔɔn nun te. Nduyɛ, o co lɛhau le ya co nda vanaa nia baalaa, vanaa-tɛɛngaa-diom Hala-a vimndo le, kɛ a yeŋnun te.» Sɔɛi fula Mɛlɛka o sondo-e co ken ni.

Yeremi 16:18

I co nda sala dɛnnda ndala vɔɔnndan yɔngu bɛmbɛ lediin, kani a cii lɛŋnde nilen tɛɛmbuu, a cii kɛ́ nuu pei cá a piɔmaa ndaa lamàá-a.»

2Dɛnnda lemasalan 36:15

Mɛlɛka Hala fuɲaa ndaa mamaa va nda kiilaa vimndo lɔ́ɔ́-lɔ́ɔ̀ le nda sɔɔn tɛɛngullo, kani ndóò yeema le vanaa ndɔa a Cɛi-Diandaa ndɔɔ baŋaa.

1Piɛr 4:3

Kani dɛnnda kɛ́-kɛ̀ niaa tosa o paandoo nin, o hɛnan vanaa sina Hala le-a nin niaa yɔŋ kon ni, kela laasi-laasio, yeemɛi n'faluei, bahiuvaa le mɔiyan kolɔɔ a dɛnndan nin, bɔŋiannda kolaa mamɔilan, a mààla biilaa n'piɔmndan.

Esekiɛl 16:36

Nuaa Maalii Hala dimi ni aa: «Le tùú n cii bolofaa nɔmndo laasia-o, le tùú n cɔm tum fondo nɔmndo o suunda nɔmndo nin nia sámáá nɔmnda a o laasian nɔmndo nin nia piɔmaa nɔmaa nɔɔlɛiya kpede-o, le tùú n yɔngu nda kooma cuavaa nɔmnda-o,

Yeremi 35:17

Lelan, diom Mɛlɛka, Hala-Nɔ-Kpaayaa-Kpow-vo, Hala Israɛlla dimi-o co hoo ni aa: «Niaa vannda Yuda a niaa Yerusalɛmnda, i co niaa dɛnnda palaala ya dimul niaa lan kpow tuisi coo. Kani i soo o niaa lo, kɛ la yeŋnun te, mí veelu niaa, kɛ la cɛl te.»

Yeremi 32:33

A mulul-la hɔlla le, má mulul-la kɔɔ. Nduyɛ o co lɛhau le ya co nda pɛɛkoo le, kɛ a yeŋnun te, a bii silaa le.

Yeremi 32:34

Má kɛsi ɲɛm lamáánndon o cɛi diola nilan la co veelɔnndo nin-ndo nin le ndu nɔɔliaa.

Yeremi 32:35

Má tangul tombon le Baal o bóllo Bɛn-Hinnɔm nin, le Molɛk poaa ndaa a cuavaa ndaa laandua sálà loamaa solullo. O co yɛ ya le dimul nda ken te, yiyan ni kue bɛɛ o ken te. O dɛnnda lamààla lan tosaa nda luei Yudaa o pɔwlan nin ni.

Yeremi 35:15

O co lɛhau le ya co niaa vanaa nia baalaa, vanaa-tɛɛngaa-diom Hala-a vim-ndo, le niaa kɔlan dimullo aa: ‹Vana-vana mangala kela ndɔ vɔɔndo, mò tosa dɛnɛ kɛndɔɔ. La del halaa celennda kɔɔli le nda sooloo le. O kon la tiwba mi la cal o lɛŋnde ya yɔngu niaa a fuɲaa niaa mamaa len nin.› Kɛ la tui ya diom te.

Daniɛl 9:6

N yeŋnun vanaa nɔmaa baalaa le, vanaa-tɛɛngaa-diom Hala-a pɛɛn, á tɛɛngul masaa naa, simlacia naa, fuɲaa naa mamaa a yungu naa kpow sɔɔn nɔmndon-nda.

Nehemi 9:30

A manda nda o vɔsilan taw bɛngu, mí vanaa-tɛɛngaa-diom Hala-a nɔmnda, à kɔl nɔmndo va nin-nda, va nda sɔɔn nɔmndon tɛɛngullo, kɛ a yeŋnun te. O kon nɔm bɛɛ mal nda vanaa súúla celen o ba.

Nehemi 9:34

Masaa naa, simlacia naa, vanaa-solia-lasálàà naa a fuɲaa naa imamaa bii tɔŋnda nɔmndan te. Má mal tɔŋnda nɔmndan a sɔɔn nɔm óò sila nda-on.

Yeremi 7:17

Vɛ̀ɛ̀ a co ɲɛ nda co tosaa o kobilan Yuda nin a o nɛilan Yerusalɛm coo-o cɔ le?

Yeremi 7:18

Poaa ndaa tingu pɛ yɔmnde, fuɲaa ndaa mɛndul yinnden, laandaa ndaa linda dɛɔ le toŋɔɔ le masa-laandu co o halataala-o, a le halaa celen sálàla mamɔilan solullo haliko ma tɛɛmbuu ya kɔllo.

Esekiɛl 18:31

La faŋa dɛnnda vɔɔnnda siinguu niaa vanaa yɔŋ vɔɔnda lan niaa ikɛi, mì la viow lan polon. La lueinun kɔlta sɛnɛilan a yiyannda sɛnɛilan nin. Éé niaa Israɛlla! Le yɛɛ nɛ niaa yeema yɛ le vuo kpeekpei?