Yeremi 44:3 - BII BILA

³ Kon tosan le vanavɔɔnyɛi nda tosa ma tɛɛmbuu ya kɔllo-e. Bau a solul halaa celennda sálàlan, nduyɛ o co halaa nda sina le, fuɲaa ndaa mamaa bɛɛ a sina nda le.

Yeremi 44:3 Referans Kwoze

Tɔŋ miingua 29:26

Lelan kɔltuw Mɛlɛka-o tol o lɛŋnden nden coo ni, le ken o tuisi nda dangala sɛvan o sɛbɔɔ ho nin-ndan kpow coo ni.

Tɔŋ miingua 32:17

Má solul ɲinaa vɔɔŋaa co Hala le-a sálàlan, ɲɛm biilan ndáà sina paandu loon, má solul vɛlɛ ɲɛm biilan fula sɛnɛi-yon sálàlan, ò fuɲaa niaa ndáà ve biilu loon.

Tɔŋ miingua 13:6

Le vana-tɛɛngaa-diom Hala kon, te kon te vana sɔlaa malɔ kon, o bɛnda mò sɔla piɔ́mndo. Kani ndu va tosa ni mì vannda ndáà simul Mɛlɛka Hala niaa, ó soli niaa o lɛŋnde Esipte len nin mó faŋa niaa o cɛlen nin-ndo. Vana kon ndóò yeema mì ndóò faŋa niaa o nɛi Mɛlɛka Hala niaa dimul niaa le kɔlan coo-o coo. Nuaa niaa bɛnda ni mi la faŋa dɛnɛ vɔɔndo niaa tɛɛn.

Daniɛl 9:5

N cua hakio, n del kasi, n tosa dɛnɛ vɔɔndo. N yii nɔm dúmbú, mí n faŋan o tɔŋnda nɔmndan a o kpema nɔmndo coo.

Yeremi 44:8

Vɛ̀ɛ̀ le ya kɔllo tɛɛmbuuo a dɛnnda niaalan, niaa co halaa celennda sálàlan solullo o lɛŋnde Esipte le niaa hin nden caltan nin-nden ni? Vɛ̀ɛ̀ la yeema mi la cuu o lepilɔɔ, mì la siŋnun tɔɔmasele dɔavaa dangaa a siɛmbula bɛndulan vanaa-mangalaa-isɔaa co o ceendo coo-a tɛɛn?

Nehemi 9:33

O dɛnnda tosalan naa lan kpow nin, má yɔŋnun vana sandaa, má lo o lediom coo, kɛ naa n yɔŋnun vanaa lo o lediom coo le.

Esekiɛl 9:9

Mó mulul-la aa: «Hakila vannda Israɛl a la vannda Yuda tosa lan la co bɔɔ sɛ́lɛ́. A co vanndacieea diwvo nɛɛ-nɛɛ ka o lɛŋnden nden nin. Kobio pɛ cá a delɔɔcoo, kani nuaa nda co dimio ni aa: ‹Mɛlɛka faŋal lɛŋnde naalen hɔlla, o co naa cɔ le.›

Cɛɛŋɔnnda Yeremi lan 4:13

Dɛnɛ palaa kon yɔŋnun le hakila vanaa-tɛɛngaa-diom Hala-a a dɛnnda vɔɔnnda vanaa-solia-lasálàá tosa lan. Nda diw vanaa sandaa o kobi kon nin ni.

Cɛɛŋɔnnda Yeremi lan 1:8

Yerusalɛm vangala hakila ndɔlan taw, lelan o siŋnun ɲɛ nɔɔlɛiyo ni. Vanaa va ndu bɛɛlen keo-va kpow a kelun ndu yii le tùú nda ce ndu tum fondo-o. Ndu pila co ŋɔɔcanndo mó va hɔlla vionɔɔ.

Yeremi 22:9

O kon má mulul nda aa: ‹Le baŋɔɔ vanaa va lenin-nda a baŋ vulan halaa celennda o labɛngunin, má sooluu nda, má tɛɛmbuu kpema va nda tɛɛn nda Mɛlɛka Hala ndaa-o ni.›»

Yeremi 11:17

Mɛlɛka-Nɔ-Kpaayaa-Kpow-vo ndóò tɔl ndu ni. Ndu kon co tosaa ni mì dɛnɛ palaa va nɔm tolɔɔ coo, le dɛnɛ vɔɔn Israɛlla a Yudaa tosa-o, a cii ya tiŋɔɔ o Baal sálàlan solullo.»

Yeremi 7:19

Sɔɛi fula Mɛlɛka o sondo-e co hee ni aa: «Mò va maa ya nda co pala ni? O co siɛmbula nda pila lan te nda co dovi kon te?»

Yeremi 5:29

Le hee Mɛlɛka dimi ni aa: ‹Vɛ̀ɛ̀ i bɛnda mì cɛɛlian vannda ha le? Vɛ̀ɛ̀ i mingùl vanaa súú vaa nuaa màá le?

Yeremi 5:19

O kon taa ɲuna pɛ aa: ‹Le yɛɛ Mɛlɛka Hala naa tosal lɛ naa nuaa?› nɔm Yeremi, a mulul nda aa: ‹Le kɛɛ niaa kɛɛ ndu mí la sooluu halaa celennda o lɛŋnde ndalen nin, mí la va mialla baalaa tosallo o lɛŋnde isumialten nin-ndo ni.›»

Hebreea 3:16

Ɔ́ɔ̀ vanaa ndáà tuei ndu kan sɔɛi kɛ má kɛɛ ndu diom-nda? Vanaa kɛ́-kɛ̀ Moise soli Esipte kpow.

Esai 3:8

Yerusalɛm siɛla, Yuda komba mó pimbulu, kani sɔɔn ndan sondon a dɛnnda ndalan la co Mɛlɛka cɔlɔbaa. A co biilu ndɔɔ simullo.

Yeremi 32:30

Kani kabi o cuaambɔyɛi ndɛi nin, dɛnnda hɛnan ya le lan kposon Israɛlla a Yudaa co tosaa ni. A toɲa, ɲɛ-ɲɛ celen Israɛlla co coo le, fɔ ya kɔllo tɛɛmbuuo.» Sɔɛi fula Mɛlɛka o sondo-e co ken ni.

Yeremi 44:23

Le tùú niaa solul halaa celennda sálàlan, mí la cua hakilan a Mɛlɛka, la tui ndu diom te, la bii silala ndɔlan a tɔŋnda ndɔlan te yɛ, lelan dɛnnda palaalan ndan la co niaa coo ni.»

Tɔŋ miingua 29:25

Kpema kon nda mal ni má kɔa halaa celennda sooloo a vulan baŋɔɔ nda o labɛngunin, halaa ndaa sina paandu le-a, a Mɛlɛka kuuna nda sooloo-a.

Yeremi 16:10

«Lɔ́ɔ́ n dimulnin vannda ha sɔɔn mun kpow-vo, bɔɔle a ɲunanin nɔm aa: ‹Le yɛɛ nɛ Mɛlɛka co yɛ naa dɛnnda palaala bɛndula vaa lende kpow tuisi coo? Dɛnɛ vɔɔn yɛɛ naa n tosa yɛ? Haki yɛɛ nɛ naa n tosa yɛ a Mɛlɛka Hala naa?›

Yeremi 29:19

Kani a yeŋnun sɔɔn nun te. Nduyɛ, o co lɛhau le ya co nda vanaa nia baalaa, vanaa-tɛɛngaa-diom Hala-a vimndo le, kɛ a yeŋnun te.» Sɔɛi fula Mɛlɛka o sondo-e co ken ni.