Yeremi 44:23 - BII BILA

²³ Le tùú niaa solul halaa celennda sálàlan, mí la cua hakilan a Mɛlɛka, la tui ndu diom te, la bii silala ndɔlan a tɔŋnda ndɔlan te yɛ, lelan dɛnnda palaalan ndan la co niaa coo ni.»

Yeremi 44:23 Referans Kwoze

1Masaa 9:9

Mà mulul nda aa: ‹Le tùú nda mulul Mɛlɛka Hala ndaa, o soli fuɲaa ndaa mamaa Esipte-o kɔɔ, má yiinun a halaa celennda, má baŋ vulan nda o labɛngunin le nda sooloo-o ndu Mɛlɛka tuisi nda dɛnɛ palaa bɛndoo ho coo ni.›»

Condii lisai 119:150

Vanaa nɔ tuula vɔɔnndan-nda co ya sɔɔnguuo ikɛi, a co tɔŋ nɔmndo malɔɔ.

Nehemi 13:18

Nuaa fuɲaa niaa mamaa bɛɛ ndáà tosa ni. Nduyɛ, lelan Hala tuisi naa dɛnɛ palaa coo o kobio ho nin ni. La co tosaa mí Hala va kɔllo tuuloo a Israɛlla, kani la co paale pɛngiaalen lebɛɛ ke le!›

2Korɛntea 6:16

Ɔ́ɔ̀ bɛnda co Cɛi-Hala-o nda piɔmnda tɛɛn-ndo? Kani naa co Cɛi-Hala kiyɛiyo ni, maa mɛɛ Hala pila dimi yɛ aa: «I vanin niaa tɛɛn, mì kela niaa tɛɛn, i vanin Hala niaa mì niaa va cuavaa nia.»

1Korɛntea 10:20

Kɛì-kɛì bɛɛ! Kɛ le ɲinaa vɔɔnda ɲɛm vanaa sínà Hala le-a soli sálàlan-ndon n co ni, o co le Hala le. Nduyɛ, i yeema mì la va niaa ɲinaa vɔɔnda latulu le.

Cɛɛŋɔnnda Yeremi lan 1:8

Yerusalɛm vangala hakila ndɔlan taw, lelan o siŋnun ɲɛ nɔɔlɛiyo ni. Vanaa va ndu bɛɛlen keo-va kpow a kelun ndu yii le tùú nda ce ndu tum fondo-o. Ndu pila co ŋɔɔcanndo mó va hɔlla vionɔɔ.

Yeremi 44:21

Sálàla niaa va lomɔɔ o kobilan Yuda nin a o nɛilan Yerusalɛm coo niaa fuɲaa niaa, masaa niaa, simlacia niaa a vannda kpow lan, vɛ̀ɛ̀ o co a lan o kɔɔ le Mɛlɛka co sɔɛi he nuaa le? Niaa ca ko aa o pɔɛɛnun?

Yeremi 44:18

Kɛ kabi naa n mɛɛlu ndu sálàla cuɛima cun kɛndɛlan a lamamɔilan solul, mí pɛŋnden, cɔwlan a yima fofolan má toal naa coo.

Yeremi 44:8

Vɛ̀ɛ̀ le ya kɔllo tɛɛmbuuo a dɛnnda niaalan, niaa co halaa celennda sálàlan solullo o lɛŋnde Esipte le niaa hin nden caltan nin-nden ni? Vɛ̀ɛ̀ la yeema mi la cuu o lepilɔɔ, mì la siŋnun tɔɔmasele dɔavaa dangaa a siɛmbula bɛndulan vanaa-mangalaa-isɔaa co o ceendo coo-a tɛɛn?

Yeremi 40:3

Mí Mɛlɛka peelu ɲɛ ndóò dimi-o, kani la cua hakio a Mɛlɛka, mí la kɛɛ ndu diom. Lelan hee co niaa coo ni.

Condii lisai 119:155

Cindaa co bɔɔ vanaa yɔŋ vɔɔnda levil, kani a co hɛnan nɔmndo tosa le.

Condii lisai 78:56

Kɛ má tiŋ Hala-Hiow-Ɲɔɔn-Kpow-vo, má simul ndu a tɛɛndanndo, a bii tɔŋnda ndɔlan te.

2Dɛnnda lemasalan 36:16

Kɛ Israɛlla saalan kiilaa Hala-a kan te, má pɛɛsa sɔɔn Hala-on, má va vanaa-tɛɛngaa-diom Hala-a mamɔɔ, háá mí Mɛlɛka tuulu kɔllo a Israɛlaa kan, a co kan vanaa ndɔa-a pɛɛn. Ɲɛ-ɲɛ nɔ̀lá kɔltuw kon pɔlul te.

Condii lisai 78:10

A bii kpema Hala ndóò yiilu nda-o le, má kɛɛ le kelaa o tɔŋ ndɔɔ coo.

Condii lisai 119:136

Mɛmɛan ma co ya fulaa o lahɔl taw, kani vannda co tɔŋ nɔmndo biyɔɔ le.

Yeremi 26:4

Má dimul nda aa: Nuaa Mɛlɛka dimi ni aa: ‹La tuei ya diom, la kela o sɔɔn ya pɛɛku niaa-on coo,

Yeremi 44:2

«Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹Kámáá la ce dɛnnda palaala yáà tuisi Yerusalɛm a kobilan Yuda kpow coo lan te! Kobila lan kpow la tambu hau, vannda piow lan.

Yeremi 44:3

Kon tosan le vanavɔɔnyɛi nda tosa ma tɛɛmbuu ya kɔllo-e. Bau a solul halaa celennda sálàlan, nduyɛ o co halaa nda sina le, fuɲaa ndaa mamaa bɛɛ a sina nda le.

Yeremi 44:10

Háá hau, mɔnɛi bii niaa le, la ke ya lebɛɛ le, vana-vana bii silala nilan a tɔŋnda ya yɔngu fuɲaa niaa mamaa a niaa pila lan te.»

2Masaa 17:15

A yondal Mɛlɛka ndóò yondal nda kon-ndo kpede, má kɛɛ silala ndɔlan a kpema ndóò yiilu fuɲaa ndaa mamaa-o. Má mulin halaa fondoa sooloo. Lelan mí nda pila siŋnun vanaa fondoa, má del vanaa-mangalaa-isɔaa va icali nda ikɛi-ya kɔɔli o kelala ndalan nin, vanaa Mɛlɛka ndóò kuuna nda le delɔɔ kɔɔli-a pɛɛn.

Daniɛl 9:13

Maa mɛɛ o sɛvan o tɔŋ Moise-o nin yɛ, mí sangala lan la toal naa coo. Kɛ hali kon, n cɛl le nɔm Mɛlɛka Hala naa kɔllo ɲulullo mí n mal yɔŋ vɔɔn naa le. N kindin le toɲa nɔmndo biyɔɔ le.