Yeremi 44:21 - BII BILA

²¹ Sálàla niaa va lomɔɔ o kobilan Yuda nin a o nɛilan Yerusalɛm coo niaa fuɲaa niaa, masaa niaa, simlacia niaa a vannda kpow lan, vɛ̀ɛ̀ o co a lan o kɔɔ le Mɛlɛka co sɔɛi he nuaa le? Niaa ca ko aa o pɔɛɛnun?

Yeremi 44:21 Referans Kwoze

Yeremi 44:17

Ɲɛ naa n dimi-o naa n co peelu ni. N vanin Astartee hala laandu co o halataala-o sálàla cuɛima cun kɛndɛlan lumndo a ndu sálàla mamɔilan solullo, mɛɛ naa n dema tosa háá hau yɛ. Lende koni vanaa naa, masaa naa a simlacia naa dema tosa o kobilan Yuda nin a o nɛilan Yerusalɛm coo ni. Mí baloo kui naa o ba, mí ɲɛ-ɲɛ va naa kɔlan o ba o kɛndɛ, dɛnɛ palaa ve naa kɔɔli le.

Yeremi 44:9

Vɛ̀ɛ̀ la pɔɛɛnun dɛnnda vɔɔnnda fuɲaa niaa mamaa, masaa Yuda, laandaa ndaa, niaa pila a la laandaa niaa tosa o tàndá Yuda-o nin a o nɛilan Yerusalɛm coo lan?

Yeremi 14:10

Diom Mɛlɛka dimi a vannda ha-o co hoo ni aa: «A yeema bɔɔ balɔɔ ba-ba fee, a kɛsi pelon te.» Dɛnɛ ndaa hɛnan-ndɛ Mɛlɛka le, o loonunnin a pɔwla ndalan, mò saangiaa nda le hakila ndalan.

Yeremi 11:13

Kani Yudaa nda, mɛɛ nda nɔ kobilan yɛ koni nda nɔ halaa ni! Mɛɛ Yerusalɛmnda nɔ nɛilan sɛ́lɛ́ taw yɛ koni nda tangul máánndan le piɔmaa ndaa Baal sálàlan solullo ni.›

Esai 64:9

Kobila nɔmnda diandaalan la lonnun yaayon, kobio Siɔn lonnun fondo fúú, ɲɔɔ mei Yerusalɛm doŋ-doŋ.

Condii lisai 79:8

Míngì tɛɛmbuula fuɲaa naa mamaa naa coo le. Kɛ tuinun naa iɲíí, hun naa ikɛi cɔ́-cɔ́! Kani diallon vi naa bɔɔ!

Amɔs 8:7

Lelan, Mɛlɛka mɛnan a lɛŋnde yungu Yakɔb-o tiindan-nden aa: «Le fɛɛn a fɛɛn, i pɔɛɛnunnin dɛnnda ndalan o pilɛ le.»

Osee 7:2

Nduyɛ, a co yiyanndo maa i co loonɔn a kɔlvesɛi ndaa kpede le. Sisa, dɛnnda nda co tosaa lan la balu nda nɛɛ-nɛɛ ka, i co dɛnnda ndala lan cɔu.

Dɛnnda cɔɔmuanndan 18:5

Kani hakila ndɔlan la dengelan háá o halataala, mì Hala yiyan a dɛnɛ sandaa ndɔ lepɛŋndo.

Dɛnnda cɔɔmuanndan 16:19

Mí kobi bɛndoo piɔwnun bungan mún yáá. Mí kobila vanaa-mangalaa-isɔɔa kpow la koombiaa, o kon mí Hala yiyan a Babilɔn bɛndoo, le ndu taala kólaa mɔima kɔl ndɔ tuw bɛndoo koesio.

Esekiɛl 16:24

má tengulun vɛlɛ bandólan a kpɔngbɔlan o fondalan kpede coo.

1Masaa 17:18

Mí cua kon ɲuna Elii aa: «Yɛɛ nɛ co yɛ naa tɛɛn naa nɔm? Vɛ̀ɛ̀ le Hala hakila nilan cɔɔmullo n hin nanu ni haliko mi po nuu sɔla piɔ́mndo?»

1Samiɛl 15:3

Lelan, kɔ sisa, mà kɔ del nda coo a cɔwvo, mà tɛɛmbuu ɲɛm ndan kpow. Mɛi ɲɛ-ɲɛ yoomu le, diw vanpiaandua a vanlaandua, cuaambɔa a cɛlɛkpɛa, nawva a saa, ɲɔɔmɛɛa a sofɛlɛa.›»

Tɔŋ miingua 32:19

Mɛɛ Mɛlɛka ce lende, mó tuulu kɔl a poaa ndɔa a á cuavaa ndɔa laandua.

Tɔŋ miingua 32:34

Kɛ ɲɛ pum co ya o ba o kɛsiaa, i mandan ɲɛ pum o ba kɔ́dɔ́ le nda.

Yeremi 32:32

Israɛlla a Yudaa tɛɛmbuu ya kɔllo a dɛnnda vɔɔnnda nda tosa lan. Nda pila, masaa ndaa, simlacia ndaa, vanaa-solia-lasálàà ndaa a vanaa-tɛɛngaa-diom Hala-a ndaa, vannda Yuda a vanaa co Yerusalɛm-nda.

Yeremi 44:20

O kon mí Yeremi dimul vanaa kan kpow, vanpiaandua, vanlaandua a vanaa-vanaa ndáà yɔngu ndu muli kon aa: