Yeremi 44:2 - BII BILA

² «Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹Kámáá la ce dɛnnda palaala yáà tuisi Yerusalɛm a kobilan Yuda kpow coo lan te! Kobila lan kpow la tambu hau, vannda piow lan.

Yeremi 44:2 Referans Kwoze

Yeremi 34:22

i dimulnin nda mà hinul kobio ho, Yerusalɛm pɛɛn. Mà tiila ndu, mà mal ndu yin, mì siinguu kobilan Yuda lɛŋnde veselɛile vanaciee cel nin te len. Sɔɛi fula Mɛlɛka o sondo-e co ken ni.

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Esai 6:11

O kon mí ɲuna aa: «Háá telen kuɛɛ nɛ, Maalii?» Mó muli aa: «Háá telen kobilan la tambunin, mì vanaciee ve lɛ icali lenin too, háá telen cɛilan la lonnunnin fondo mì lɛŋnden le lo yolɛ, mi le siɔŋ-ndo,

Misee 3:12

Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»

Yeremi 4:7

Yàlàá huulu mó fula o bɛ̀mɛ́lta ndɔlan nin, vana tɛɛmbua vanaa-mangalaa-isɔɔa cɛn hunɔɔ, o mal o ndu lo mó can hunɔɔ le lɛŋnde niaalen yɛɛvɔɔ dɔvɔɔ, kobila niaalan la co piɔl mì vannda pew.

Sakari 1:6

Nduyɛ, mí tɔŋndan a silala ya vow vanaa niaa baalaa, vanaa-tɛɛngaa-diom Hala-a o sondo lan la pilan fuɲaa niaa mamaa kɔltan. O kon, má muungu, má dimi aa mí Mɛlɛka-Nɔ-Kpaayaa-Kpow-vo tuu le naa tosallo mɛɛ kelala naalan a dɛnnda naalan la co yɛ.›»

Cɛɛŋɔnnda Yeremi lan 5:18

ndu co le tùú Siɔn tambu, mó siŋnun bɛ̀mɛ́lta kàá-o ni.

Cɛɛŋɔnnda Yeremi lan 1:16

Le kɔlɔɔ ho ya co caŋndo ni, mì hɔlta nilan la va mɛmɛan tuisio. Kani vana kon faŋan ya ikɛi polon, vana ɲɔɔlaa óò lueinin ya yoomuan-ndo. Poaa nia laasian kɔltan, kani yaamɔɔ hiow nda mayoomu.

Cɛɛŋɔnnda Yeremi lan 1:1

«Éé vannda! Kobi vannda va hoo icali nin sɛ́lɛ́ bɛndoo-o lo hau ndu pilɛ kpé. O muungu maa vanalanɔ pɔnɔ ndɔ vi-o. Ndu óò hiow tɔ́ɔ́ a kobila tɔ̀lan o lɛŋii vanaa mangaa isɔɔa tɛɛn ni. Ndu nda tundu hau baala lecɛo tosaa nuaa ni.

Yeremi 44:22

Mɛlɛka ndóò tiw lɛ ba dɛnnda niaala vɔɔnndan a mààla niaa va tosaa lan biuvɔnndo le. Lelan lɛŋnde niaalen le siŋnun bémbélan ni, mí vannda piaw len. A lɛŋnde len vannda co tɔɔmaseloo cuaa ni le mɛnanndo a le dangaa dɔvɔɔ mɛɛ niaa co hau cɔu nuaa yɛ.

Yeremi 25:11

Lɛŋnden nden kpede le siŋnunnin bémbélan, mì vanaa-mangalaa-isɔɔa ha kpede luɛi masaa Babilɔn o ba bɛngu le vɔsilan belaŋɔmmɛw.

Yeremi 7:34

I kuunanin kɔlkɛndɔɔ a ɲaaloo o kobila Yuda lan nin a o nɛilan Yerusalɛm coo, mì kuuna condun cuaa laandua soli le vanaa nda yeema-a-on a n poaa piaandua bɛɛ soli le a nda yeema-a-on, kani lɛŋnden le muungunin bémbélan kposon.»

Esai 24:12

Mɔnɛi daama lo o kobio nin ni, dio luɛyaa kobio piɔsi, o tɛɛndiaa kpede.

2Masaa 21:13

I co hunɔɔ kobio Yerusalɛm tɛɛmbuu mɛɛ ya tɛɛmbuu kobio Samari a yungu Akab-o yɛ. I solinin vannda o kobio Yerusalɛm nin, mò lo fondo fúú, maa mɛɛ vana tuei sɛtio ma kuumbuu ndu yɛ.

Yosue 23:3

Niaa pila ce ɲɛ-ɲɛ Mɛlɛka Hala niaa tosa a lɛŋnde he le niaa, kani ndu pila va cɔlɔbaa le niaa ni.

Tɔŋ miingua 29:2

La ce sangala kei nda coo lan kpede. La ce dɛnnda kɔndɔfiltan a kaamaala Mɛlɛka tosa lan.

Tɔŋ lasálàá 26:43

Tuma nda vanin nɛɛ celen-ndo, lɛŋnde ndalen le vanin lemalnannden, o kon yondolan la sɔlanin pɛngio. Tuma kon, nda pila co va sangaa sɔlaa le tùú nda kɛɛ le tɔŋnda nilan biyɔɔ-o a le tùú silala nilan la nɛinun nda-o.

Fulaa 19:4

‹Niaa pila ce mɛɛ ya tosa a Esiptea yɛ a mɛɛ ya cua niaa o kumbannda kovɛa coo mí hun a niaa o ya lo yɛ.

Tɔŋ lasálàá 26:31

I siinguunin kobila niaalan bémbélan, mì siinguu sooluula niaalan pɔmndan. Sálàla niaala cun kɛndɛlan la hɛnan ndɛnin ya cun te.

Yeremi 44:23

Le tùú niaa solul halaa celennda sálàlan, mí la cua hakilan a Mɛlɛka, la tui ndu diom te, la bii silala ndɔlan a tɔŋnda ndɔlan te yɛ, lelan dɛnnda palaalan ndan la co niaa coo ni.»

Daniɛl 9:12

Nɔm Hala, má peelu sɔɔn n kɔngɔlan le naa a le vanaa tosanin masalen naa coo-a tosallo-on. Má tuisi naa sangala bɛndulan coo, kabi ceendo cɔwnun, sanga vaa lende tul-lɔ vana coo le. Sanga tol Yerusalɛm coo-o nɔ velan te.

Yeremi 8:3

Piɔ́mndo vanaa tɔ̀a lonin yoomu o polale vanaa vɔɔŋaa kan kpow tɛɛn-nda hiawnin yeema a yoomoo, nɛɛ ya sɛŋinin nda o fondala yɛ́-yɛ́lan-nda pɛɛn.» Sɔɛi fula Mɛlɛka-Nɔ-Kpaayaa-Kpow-vo o sondo-e co ken ni.