Yeremi 44:19 - BII BILA

¹⁹ Mí vanlaandua dimi vɛlɛ aa: «Telen naa n va masa laandoo o halataala sálàla cuɛima cun kɛndɛ lan a sálàla mamɔilan solullo-o, mò va maa piaandaa naa ve o sina nin te? Telen naa n va ndu dɛɛ nɔ tuuliaala ndɔlan-ndo tuŋndo a ndu sálàla mamɔilan solullo-o, a va sinaa yau!

Yeremi 44:19 Referans Kwoze

Yeremi 7:18

Poaa ndaa tingu pɛ yɔmnde, fuɲaa ndaa mɛndul yinnden, laandaa ndaa linda dɛɔ le toŋɔɔ le masa-laandu co o halataala-o, a le halaa celen sálàla mamɔilan solullo haliko ma tɛɛmbuu ya kɔllo.

Yeremi 44:15

O kon mí vanpiaandua ndáà sina nin maa laandaa ndaa va halaa celennda sálàlan solullo-a kpow, a vanlaandua sɛ́lɛ́ bɛndua a va lon-nda, a vanaa-vanaa va icali Patrɔs o lɛŋnde Esipte len nin a mulul Yeremi aa:

2Dɛnnda lemasalan 21:6

Mí ndu bɛɛ kela kela vɔɔndo maa masaa Israɛlaa tɔ̀a, maa mɛɛ yungu Akab-o kela yɛ. Kani cua Akab-o ndóò yil o nɔ̀u nin ni. Mó tosa dɛnɛ bɛnda Mɛlɛka o hɔl too.

1Masaa 21:25

Kabi sindɛ, vana-vana óò vɔngulun-ndɔ o dɛnnda vɔɔnndan tosaa nin Mɛlɛka o hɔl nuaa maa Akab le. Nduyɛ Yesabɛl laa ndɔ va ndu balan lueiyo o sɔɔn mun nin ni.

O Kandɔɔ 3:6

Mí vanalanɔɔ ca maa yɔm kon naŋ taw o dioo a o tofaa, maa yeemɛi bii vana le kɔmnde ndɔlen dioo le dɛnɛ sinaa bɛndoo sɔlaa. O kon, mó kiandu komɔɔ o pilɛ, mó dia. Mó yɔngu vɛlɛ pɔnɔ ndɔ, o nda va latulu-o, mí ndu bɛɛ dia.

Talelan 11:21

Lekɛ́ndɛi ken co ni, Vana tosaa dɛnɛ vɔɔndo helunnin dɛnɛ palaa le, kɛ vanaa sandaa sɔlanin baŋaa a polama ndan kpow.

Yeremi 44:20

O kon mí Yeremi dimul vanaa kan kpow, vanpiaandua, vanlaandua a vanaa-vanaa ndáà yɔngu ndu muli kon aa:

Kundalan 30:8

te pɔnɔ ndɔ tuei pɛ sɔɛi ken, mò tɛɛmbuu dɛnɛ kon paale o tuei ndu len te, mɛɛ o bɛnda mò timbi yoole o baa len a ciɛ́i o cua-e.

Kundalan 30:12

te pɔnɔ ndɔ tuei pɛ sɔɛi ken, mò dimi ɲɛ-ɲɛ le, mɛɛ o lo o yiinanndo a yoole o baa len a á ciɛ́i o cua-e.