Yeremi 44:15 - BII BILA

¹⁵ O kon mí vanpiaandua ndáà sina nin maa laandaa ndaa va halaa celennda sálàlan solullo-a kpow, a vanlaandua sɛ́lɛ́ bɛndua a va lon-nda, a vanaa-vanaa va icali Patrɔs o lɛŋnde Esipte len nin a mulul Yeremi aa:

Yeremi 44:15 Referans Kwoze

Talelan 11:21

Lekɛ́ndɛi ken co ni, Vana tosaa dɛnɛ vɔɔndo helunnin dɛnɛ palaa le, kɛ vanaa sandaa sɔlanin baŋaa a polama ndan kpow.

Matie 7:13

«La luɛi o dio sɔɔkɛɲɛɛo! Kani dio tongu taw-vo, nɛi kela kindu coo loo, ndu yaa vana o ɲánndávàà ni. Nduyɛ, vanaa bɔɔ-bɔɔ a co luɛyɔɔ o dio kon.

Nehemi 13:26

Mí ɲuna nda aa: ‹Vɛ̀ɛ̀ o co lende le Salomɔn masa Israɛlla kei mó luɛi o hakio nin te? O vanaa-mangalaa-isɔaa co o ceendo coo-a kpow tɛɛn, masa kɛ́-kɛ̀ óò sulan a ndu le, Hala ndɔɔ ndóò yeema ndu taw. Mí Hala siinguu ndu masaa Israɛlla kpow coo. A kon kpede, mí vanlaandua mangalaa isɔɔa luei ndu o hakio nin.

O Kandɔɔ 19:4

Ndáà hini vɔ le, mí vannda Sodɔm kpede, kandɔɔ a felengia kɔ bii a kaasoŋaa yuuvɛiya, a kɔ balu cɛi Lɔt-o pindo, má tiila nda.

Esai 1:5

Mɛɛ niaa co hiovɔɔ laci a nila kalulan tosaa yɛ, sangala yɛɛ ya tuisi yɛnin vɛlɛ niaa coo kpeekpei? Kani bolle niaalen kpede le co a nàá, kɔllo bɛɛ co niaa nɛiyo.

Esai 48:5

Nduyɛ, kabi paandu pa ya dimul niaa sɔɔn mun ni, telen pá mí n hun yɔŋnun, mí yáà dimul niaa mun. I tosa kon yɔŋii niáà dimi aa: «Piɔmaa naa kposon tosa dɛnndan ndan ni! Piɔmaa sialaa naa a piɔmaa teengiaa naa, nda dimi ni mi dɛnnda ndan la tosan!»

Yeremi 44:19

Mí vanlaandua dimi vɛlɛ aa: «Telen naa n va masa laandoo o halataala sálàla cuɛima cun kɛndɛ lan a sálàla mamɔilan solullo-o, mò va maa piaandaa naa ve o sina nin te? Telen naa n va ndu dɛɛ nɔ tuuliaala ndɔlan-ndo tuŋndo a ndu sálàla mamɔilan solullo-o, a va sinaa yau!

Yeremi 44:24

Mí Yeremi dimul vɛlɛ vanaa kan kpow, vanpiaandua a vanlaandua aa: «Niaa Yudaa co o lɛŋnde Esipte len nin-nda kpow, la yaŋnun-ndɔ diom Mɛlɛka-o.

Esekiɛl 29:14

I minginin Esiptea va o biyɔɔ nin-nda o nda lo, mì mingi nda o tàndá Patrɔs-o nin, o lɛŋnde ndale kpeekpeilen nin, o kon, a bɛɛndiaanin masale kɛndɛlen ndon.

Esekiɛl 30:14

I tɛɛmbuunin tándàà Patrɔs mì lom kobio Soan a yinnden. I kialunin yamɛi kobio No, mì saangiaa ndu.

Tɔŋ miingua 13:7

Te puapilɛ nɔmndo, bɛ nɔm, te kon te pɔmbɔ nɔm kala pilɔɔ, po nɔmndo, cua nɔmndo, laa nɔm n kaola taw-vo, te kon te caan nɔm kɛndɛ-kɛndɔɔ pum hin pɛ o vionnɔnndo nin le nɔm lueiyo o pɔwlan nin, mò dimul nɔm aa: ‹N kɔ mì n kɔ sooluu halaa celennda, halaa nɔm pila a fuɲaa nɔmaa mamaa sina paandu le-a,

Yeremi 44:1

Mí Mɛlɛka soaa o Yeremi lo le Yuifia co icali Esipte o kobilan Mikdɔl, Tapanɛs, Nɔf a o tàndàá Patrɔs nin-nda tɛɛngullo. Mí Yeremi dimul nda aa: