Yeremi 44:12 - BII BILA

¹² I biinin vanaa tɔ̀a lonin yoomu Yuda-a, a muli hɔlla le kɔlan vionnɔnndo Esipte-a, mí nda kpede a sɔla piɔ́mndo o lɛŋnde len nin o cɔwvo, te kon te a yima fofolan. Kandɔɔ a cuaambɔa kɔ bii a kaasonnda, a delinin o mɔɛi cɔwve bɛngu te kon te ma cuu a yima fofolan. Vannda cuanin nda tɔɔmaseloo le mɛnanndo, te kon te le sɔɔn lasiɛmboo dimio.

Yeremi 44:12 Referans Kwoze

Yeremi 42:22

Mɛɛ la sina niko maa la co cuu o mɔɛi cɔwve bɛngu, a yima fofolan te kon te a nàà n'kɔnyaa o lɛŋnde niaa kɔanin nden calle len nin.»

Esai 65:15

Diola niaalan la lonin vanaa niaa ya hɛli-a o lasondo o mɛɛniaalan nin, mà va dimio aa: «Màá Maalii, o co Mɛlɛka-o cua nɔm mà sɔla piɔ́mndo lende fɔ́!» Kɛ o kenin vanaa ndɔa baalaa diola celen.

Osee 4:6

Vanaa nia dɔwnun yɛɛvɛ le sina lepɛŋndo. Le tùú niaa kɛɛ le ya sinaa-o, ya bɛɛ i co niaa ɲindɔɔ ikɛi, la ve lɛnin o vali solia lasálà nuu nin te. Mɛɛ niaa pɔɛɛnun tɔŋ Hala niaa yɛ, ya bɛɛ i co cuavaa niaa pɔɛɛnɔn lende.

Yeremi 29:22

Vanaa kɛ́-kɛ̀ nda bii Yuda, má kɔa a nda o biyɔɔ nin Babilɔn, a vanin diola vanaa ŋiɔŋaa kan piɔlɔɔ le mɛnanndo aa: «Màá Mɛlɛka tosal nɔm mɛɛ o tosa a Sedekia a á Akab yɛ, vanaa masaa Babilɔn tuɛi o yin-nda pɛɛn!»

Yeremi 29:18

I toalnin nda kɔɔli a cɔwvo, yima fofolan, mì tol nda vɛlɛ kɔɔli a nàà n'kɔnyaa. I co mɔnɛ soli a nda, mì siòòŋii bɛnduei bii masɛi co o ceendo coo-e kpow. O lɛŋii kɛ́-kɛ̀ ya toawnin nda nin, nda vanin tɔɔmasele vannda vanin cuaa le mɛnaa a le sɔɛi vɔɔn-vɔɔnde, te kon te sɔɛi lasiɛmbuei pum tuuvo ni.

Yeremi 18:16

A cii lɛŋnde ndalen mingi bémbélan kposon, telen oo telen vannda fula pɛ lon, a kpinga. Vanaa hiawnannda tiiya pɛ lon, a dɔwnun kɔndɔfili, a hiŋ bollen.

Esai 1:28

Kɛ vanaa nila kalua a vanaa lahakia dɔawnunnin yɛɛvɛ. Vanaa kɛɛnin Mɛlɛka-a cuunin itambu kpede.

Kundalan 5:27

Te o va pɛ maa o yii pɔnɔ ndɔ dúmbú lekɛ́ndɛi, mò nɔɔlian Mɛlɛka o hɔl, mɛɛ mɛmma sendíma o kol man-ndan ma co tosa mì sendío bii ndu, mì demboo pɛ ndu cɔfuu, mò siŋnun vana vilu loo, mò sɔla dangaa vanaa nda cal-la tɛɛn.

Yeremi 16:4

Nàà piɔ́mndo biinin nda mà vi, vana venin le nda caŋ te, a sɔlanin kumbɔɔ le. Lende nda lonin ni mà siŋnun kɔmbɔɔsio lɛŋ. Cɔwvo a yima fofolan ma diwnin nda ni, mì duàá a tivolla de dialun ndan.»

Yeremi 24:9

O kon siòònde biinin masɛi co o ceendo coo-e kpow a dɛnɛ palaa ya tuisinin nda coo-o. O lɛŋii ya sɛŋinin nda nin-nde kpede, vannda vanin tɔɔmaseloo cuaa a nda, le vanndo siɛmbulan tuisio, le ndu mamɔɔ, le ndu yeowlan a le ndu dangaa dɔvɔɔ.

Yeremi 26:6

Te la tui le, i tɛɛmbuunin Cɛi-Hala-o ho mɛɛ ya tɛɛmbuu hoo Silo yɛ. Mì siinguu Yerusalɛm tɔɔmasele mɛnaa vanaa-mangalaa-isɔɔa kpow tɛɛn.›»

Yeremi 42:1

O kon, mí simlacia vanaa cɔwva kpow a sɔɔnguu, handɔɔ Yohanan po Karea-o a Yesania po Hosaya-o a vannda kpow coo, kandɔɔ a cuaambɔa kɔ bii a kaasonnda,

Yeremi 44:22

Mɛlɛka ndóò tiw lɛ ba dɛnnda niaala vɔɔnndan a mààla niaa va tosaa lan biuvɔnndo le. Lelan lɛŋnde niaalen le siŋnun bémbélan ni, mí vannda piaw len. A lɛŋnde len vannda co tɔɔmaseloo cuaa ni le mɛnanndo a le dangaa dɔvɔɔ mɛɛ niaa co hau cɔu nuaa yɛ.

Sakari 8:13

Niaa cuavaa Israɛlla a niaa polale Yuda len, La paandu maa vanaa danga vanaa-mangalaa-isɔaa tɛɛn yɛ. Kɛ o laan, i co niaa ciindiaa, mì la siŋnun vanaa duaa. Lelan, siòòŋii bíì niaa le. La lueí yoomuan.

Yeremi 43:11

O hunnin mò lɔɔ lɛŋnde Esipte len, mì vanaa bɛnda le vuo-a vi, mì vanaa bɛnda le kɔlan o biyɔɔ nin-nda kɔɛ o biyɔɔ nin, mì vanaa bɛnda le vuo o mɔɛi cɔwve bɛngu-a nda vi o mɔɛi cɔwve bɛngu.

Osee 9:6

Kani má cè niaa kɔnndan le dɛnɛ tambɛi co tosanndo-o. La kɔ cuungiannin Esipte mí kobio Mɛnfis siŋnun sɛila niaalan. Yɔɔn ciinin bolofaa niaa latɔ́ɔ́-tɔ́ɔ́ tɛɛmbuu niaa kɔɔli, siɛmbulle vulnin o cɛila-kolala-toandaala nialan nin.