Yeremi 44:1 - BII BILA

¹ Mí Mɛlɛka soaa o Yeremi lo le Yuifia co icali Esipte o kobilan Mikdɔl, Tapanɛs, Nɔf a o tàndàá Patrɔs nin-nda tɛɛngullo. Mí Yeremi dimul nda aa:

Yeremi 44:1 Referans Kwoze

Yeremi 46:14

«La yonda sɔɛi he Esipte, mì la tosa mì vannda sina ndi Mikdɔl, Nɔf a Tapanɛs! Mí la dimul nda aa: ‹La bɛɛndian mì la sim yili!› Kani a cii vanaa balu niaa-a bɛlubɛluu a cɔwvo.

Esai 11:11

O palɛi ken nin, Maalii siɛndinin vɛlɛ ba ndɔɔ o diinndɔɔ le vanaa ndɔa tɔ̀a lonin-nda baŋaa, a co a saŋnannda Asiri, Esipte, Patrɔs, Etiopii, Elam, Sinear, Hamat a o tiŋnda co o mɛmma ihɛllan tɛɛn-ndan nin-nda.

Fulaa 14:2

«Soo o Israɛlla lo, mà dimul nda aa a mùùngú mà kila dɔ́ɔ́ngɔ́ɔ̀ Pi-Hahirɔt ikɛi, Mikdɔl a mɛmma ihɛllan tɛɛn. Lon niaa bɛnda ni mi la kila dɔ́ɔ́ngɔ́ɔ̀, Baal-Sefɔn o hɔl-ndɔ sakpo, o mɛmma ihɛllan dangalaa.

Esai 19:13

Cuaa lemasaa Soan siŋnun vanaa seemɛiya, cuavaa lemasaa Nɔf luɛi o diɔmii sondo vesɛiye. Vanaa co bolii lapangɛi-ya laasiaa lɛŋnde Esipte len.

Esekiɛl 30:18

Lɔ́ɔ́ ya vanin yoomuma Esipte-an tɛɛmbuuo mì kpaaya ndɔ o va kuundianndo-o cuu-o, paalen le ɲumnin mí ɲɔɔ yɔŋnun yifidii o kobio Tapanɛs nin. Yumbuyumboo kumbunin kobi kon mɔku-mɔku, mì vanlaandua co lon-nda kɔɛ o biyɔɔ nin.

Esekiɛl 30:16

I malnin Esipte yin. Vanaa co o kobio Sin nin-nda ɲiiyanin a siòònde. A buuluunin tɛɛngon o kpakila kobio No. Yaamɔɔa biinin kobio Nɔf ipala déŋ.

Esekiɛl 30:14

I tɛɛmbuunin tándàà Patrɔs mì lom kobio Soan a yinnden. I kialunin yamɛi kobio No, mì saangiaa ndu.

Esekiɛl 29:14

I minginin Esiptea va o biyɔɔ nin-nda o nda lo, mì mingi nda o tàndá Patrɔs-o nin, o lɛŋnde ndale kpeekpeilen nin, o kon, a bɛɛndiaanin masale kɛndɛlen ndon.

Yeremi 46:19

Niaa vannda Esipte sei, telen niaa bɛnda le volɔɔla niaalan dovio le kɔlan o biyɔɔ nin-ndo co hoo ni. Kani kobio Nɔf piɔlnin mò siŋnun pɔmndo, vana venin lenin te.

Yeremi 2:16

Hali vannda Nɔf a haa Tapanɛs, a co nɔm kpokpoo yunga.

Esekiɛl 29:10

Lelan, má cè ya ndu pila a peela ndɔlan hinullo, nduyɛ, i siinguunin Esipte lɛŋnde piɔlɛilen. Le siŋnunnin lɛŋnde piɔlɛilen a lɛŋnde poli vesɛilen: kandɔɔ a Mikdɔl, keiyo a Siɛn, kɔlan tiiyaa háá o pɛɛngulan a lɛŋnde Etiopii len.

O Kandɔɔ 10:14

Patrɔs, Kasluhim a Kaftɔr-a ni. Kaftɔr lon Filistia cɛn tum ni.

Yeremi 24:8

Kɛ ɲɛ ya Mɛlɛka co dimi le Sedekia masaa Yuda, le simlacia ndɔa, le vanaa kɛ́-kɛ́ lo yoomu Yerusalɛm, a faŋan o lɛŋnde len nin te-a a vanaa kɔɛ Esipte-a-o co hoo ni: mɛɛ vana tosa a voosun hiw ba tambei, n nɔla lɛ dionnɔn te-on yɛ ya co tosa a nda ni.

Yeremi 43:13

O pesipesinin powta sálàlan Bɛt-Siemɛs o lɛŋnde Esipte len nin, mò lom cɛila halaa Esiptea.›»

Esekiɛl 30:13

Nuaa Maalii Hala dimi ni aa: «I tɛɛmbuunin piɔmnda mì ɲumi halaa fondoa co Nɔf-a, simlacinɔ ve lɛnin le lɛŋnde Esipte len te. I sɛŋinin kɔl isiòònndo o lɛŋnde len kpow nin.

Osee 9:6

Kani má cè niaa kɔnndan le dɛnɛ tambɛi co tosanndo-o. La kɔ cuungiannin Esipte mí kobio Mɛnfis siŋnun sɛila niaalan. Yɔɔn ciinin bolofaa niaa latɔ́ɔ́-tɔ́ɔ́ tɛɛmbuu niaa kɔɔli, siɛmbulle vulnin o cɛila-kolala-toandaala nialan nin.

Yeremi 44:15

O kon mí vanpiaandua ndáà sina nin maa laandaa ndaa va halaa celennda sálàlan solullo-a kpow, a vanlaandua sɛ́lɛ́ bɛndua a va lon-nda, a vanaa-vanaa va icali Patrɔs o lɛŋnde Esipte len nin a mulul Yeremi aa: