Yeremi 43:13 - BII BILA

¹³ O pesipesinin powta sálàlan Bɛt-Siemɛs o lɛŋnde Esipte len nin, mò lom cɛila halaa Esiptea.›»

Yeremi 43:13 Referans Kwoze

Esai 19:18

O palɛi ken nin, kobilan tan ŋuɛɛnu la vanin Esipte, vanaa vanin lenin-nda diminin sɔɛi mangalɛi Hebreea, a mɛnannin o diola Mɛlɛka-Nɔ-Kpaayaa-Kpow-vo lan. Kobila lan, o pilɛ nɔnin diolan aa: Kobi ɲɛ tambɛiyo.

O Kandɔɔ 41:45

Mó ke Yosɛf diolan aa Safnat-Panea, mó ke ndu lanɔɔ, diolan Asnat, cua Poti-Fera va vana-solia-lasálàá Ɔn-ndo. Mí Yosɛf can, mó kɔa lɛŋnde Esipte len mɛɛndanndo.

Esai 46:2

A del ma pimbul latulu, a nɔla volɔɔla lusula ndalan cɛwcɛw le, nda pila co kɔlan o biyɔɔ nin.

Yeremi 43:12

O malnin cɛila halaa Esiptea yin, mò lom halaa kalaa, te kon te mò kɔɛnnun a nda Babilɔn. O kindinnin le bolofaa Esiptea cɔwviaa mɛ̀ɛ́-mɛ̀ɛ́ vana mandaa n'cɔloo nuwviaa lɛnnda o volɔɔla ndɔla cuɛinanndan nuaa yɛ. O kon kɔɔli, o kɔɛnnun bɛɛn-bɛɛn.

Yeremi 44:1

Mí Mɛlɛka soaa o Yeremi lo le Yuifia co icali Esipte o kobilan Mikdɔl, Tapanɛs, Nɔf a o tàndàá Patrɔs nin-nda tɛɛngullo. Mí Yeremi dimul nda aa:

Yeremi 46:25

Mí Mɛlɛka-Nɔ-Kpaayaa-Kpow-vo, Hala Israɛlla dimi aa: ‹I co Amon simul, mì simul hala co Tɛb-o, mì simul masaa Esipte, halaa ndɔa a simlacia ndɔa, mì simul masaa Esipte a vanaa tiindan ndu-a.

Esekiɛl 26:11

O nɛwnin nɛila nɔmndan kpow a buukula soa ndɔa. O diwnin vanaa nɔmnda a mɔɛi cɔwve, powta sálàla co tɔɔmasele kpaaya nɔmndo lan la koombiaanin lɛŋ.

Daniɛl 11:8

O cuanin piɔmnda a halaa co o lɛŋnde len nin-nda, o cuanin vɛlɛ ɲɛm cɔwnun a volin humbon-ndon a ɲɛm cɔwnun a sianion-ndon, mò kɔɛnnun a mun o lɛŋnde Esipte len nin. O tosanin vɔsilan taw, o sɔɔnguunin masaa a ba luaŋ-ndo ikɛi le.

Esai 19:1

Sɔɛi dimin o lɛŋnde Esipte len coo-e yɔŋnun hee ni: La tofa vɔ, Mɛlɛka hel o yumbuyumbu felun-felunndo coo, o co hunɔɔ o lɛŋnde Esipte len nin. Piɔmaa co o lɛŋnde Esipte len nin-nda co ɲiiyaa ndu laci, kɔlta Esiptea la fula yoomuan po.

Yeremi 10:11

O niaa co nda dimul-lo co hoo ni aa: halaa cow halataala a lɛŋnden te-a kpow a co hunɔɔ itambu o lɛŋnden coo ma ɲum o halataala bɛngu.

Yeremi 25:19

O kon kɔɔli, vanaa-mangalaa-isɔɔa tɔ̀a: Faraɔnnɔɔ, o co masaa Esipte-o, simlacia ndɔa, vanaa ndɔa baalaa a vanaa co o lɛŋnde ndɔlen nin-nda kpow,

Esekiɛl 30:13

Nuaa Maalii Hala dimi ni aa: «I tɛɛmbuunin piɔmnda mì ɲumi halaa fondoa co Nɔf-a, simlacinɔ ve lɛnin le lɛŋnde Esipte len te. I sɛŋinin kɔl isiòònndo o lɛŋnde len kpow nin.

Esekiɛl 30:17

Felengia piaandua Ɔn a haa Pi-Besɛt a cɛɛlunnin o mɔɛi cɔwve bɛngu, vanaa tɔ̀a lonin yoomu lon-nda kɔanin o biyɔɔ nin.