Yeremi 43:12 - BII BILA

¹² O malnin cɛila halaa Esiptea yin, mò lom halaa kalaa, te kon te mò kɔɛnnun a nda Babilɔn. O kindinnin le bolofaa Esiptea cɔwviaa mɛ̀ɛ́-mɛ̀ɛ́ vana mandaa n'cɔloo nuwviaa lɛnnda o volɔɔla ndɔla cuɛinanndan nuaa yɛ. O kon kɔɔli, o kɔɛnnun bɛɛn-bɛɛn.

Yeremi 43:12 Referans Kwoze

Esekiɛl 30:13

Nuaa Maalii Hala dimi ni aa: «I tɛɛmbuunin piɔmnda mì ɲumi halaa fondoa co Nɔf-a, simlacinɔ ve lɛnin le lɛŋnde Esipte len te. I sɛŋinin kɔl isiòònndo o lɛŋnde len kpow nin.

Esai 49:18

La heelu vɔ hɔlla mì la tofa fonda balu niaa-o, a co cuungianndo kpow, a co hunɔɔ o kobio ho nin. I co yoomu! Ya Mɛlɛka dimi lende ni. Nɔm kobio Siɔn, a cuɛinunnin vanaa kan maa volɔɔla cuɛinan. A bɛlibɛlinnin nda mɛɛ vana holiholin vanalanɔ n fula kɔɔli le nɔu-vo yɛ.

Esai 19:1

Sɔɛi dimin o lɛŋnde Esipte len coo-e yɔŋnun hee ni: La tofa vɔ, Mɛlɛka hel o yumbuyumbu felun-felunndo coo, o co hunɔɔ o lɛŋnde Esipte len nin. Piɔmaa co o lɛŋnde Esipte len nin-nda co ɲiiyaa ndu laci, kɔlta Esiptea la fula yoomuan po.

Yeremi 48:7

Nɔm Moab, a va baalaa n tosa-o tiindanndo mà va bolofaa nɔmndo tiindanndo. Kɛ nɔm bɛɛ, a biinunnin! Kɛmɔs hala nɔmndo kɔanin o biyɔɔ nin, a kɔanin a vanaa nɔmaa solia lasálàá a simlacia nɔmnda kpede latulu.

Yeremi 46:25

Mí Mɛlɛka-Nɔ-Kpaayaa-Kpow-vo, Hala Israɛlla dimi aa: ‹I co Amon simul, mì simul hala co Tɛb-o, mì simul masaa Esipte, halaa ndɔa a simlacia ndɔa, mì simul masaa Esipte a vanaa tiindan ndu-a.

Condii lisai 104:2

Mɛlɛka simbulun o pangeloo nin maa o doma nin. A cii halataalaa tondɔɔ maa cɛi-kola-toandaa,

SƐBƐ YƆB-O 40:10

Mɛɛ dovin-ndɔ hau dovin lemasaa a biiloo, cuɛinun naŋɔɔ lemasaa ma cuɛinun lisaa.

Ɛstɛr 6:9

Mà yɔngu vana pilɛ o simlacia tɛɛn doma bɛndu kon a so kon, mì ndu vow vana masaa yeema kon le bɛɛlen keo-vo doma bɛndu lemasa kon, má heelu ndu o so kon coo, mà kɔɛ a ndu o falii kobio, mà kɔɛ a yondaa ndu laci aa: ‹La tofa vɔ ɲɛ vana tosà le vana masaa yeema le bɛɛlen keo-vo-o!›»

2Samiɛl 5:21

Mí Filistia ɲaanun, má mɛi piɔmaa ndaa lon. Mí David nda langbaa ndɔa kɔannun a nda.

Fulaa 12:12

Icɔl kon, i keinin o lɛŋnde Esipte len tɛɛn, mì poaa tasea a cɔlua piaandua tasea Esipte kpede a sɔla piɔ́mndo, kandɔɔ a poaa tasea vanndacieea, kɔlan tiiyaa a cɔlua piaandua tasea cɔlua kom-nda. Mɛɛ nuaa ya kialunin halaa nda co sooloo Esipte-a iyama ni. Ya co Mɛlɛka ni.

Kolɔsea 3:14

Kɛ hiovɔɔ o kon kpow coo, la vownun kaolaa maa volɔɔla cuɛinan, ndu nɔla niaa yiiyo latulu le vaa ɲɔɔ ndu pilɛ kpé ni.

Kolɔsea 3:12

Vanaa co o yungu Hala-o nin-nda niaa co ni. Hala hɛli niaa mó kaola niaa. Lelan la va vanaa iɲííya, vanaa ikɛndɛa, vanaa tuisiannda, vanaa kɛndɛa a vanaa biuvannda.

Efɛsea 6:11

La cua ɲɛm cɔvun Hala-on kpow, haliko mi la tiwba kɔlkalu vɔɔn masa ɲinaa vɔɔnda simullo.

Efɛsea 4:24

La cua vanacieeyɛi sɛnɛiye, i cɔwnun a velan Hala-o-e, i cɔmnun o dɛnɛ sandaa nin a o diondɔɔ nin maa mɛɛ toɲaa co yɛ-e.

Rɔmnda 13:12

Ɲumndan ma co cuvɔɔ, ɲɔɔ co le tengaa. Lelan n malnun dɛnnda maɲumndan, mì n cuannun volɔɔla cɔwla ɲɛ-tengaalan.

Sofoni 2:11

Kɛ, Mɛlɛka co nda fula o hɔl maa ɲɛ-vueinan, kani o tɛɛmbuunin halaa o lɛŋnden coo kpow. Vanaa-mangalaa-isɔɔa súúlan kpow, hali a co levil taw-va, vana-vana lonin o ndu lo mò baŋ vulan ndu Mɛlɛka o labɛngunin.»

Yeremi 51:44

Mɛlɛka dimi aa: ‹I co Bɛl piɔm Babilɔnnda simul, mì tosa mò tufu ɲɛ o co miolɔɔ-o. Vanaa-mangalaa-isɔɔa ve lɛnin ifili-filiei lon te. Kpakio Babilɔn komba.

Yeremi 50:2

La yondal vanaa-mangalaa-isɔɔa sɔɛi he, la heelu lɛfɛ landaa haliko ma bii bila. La yonda ndi, la vian ɲɛ-ɲɛ le! La dimi aa: «Babilɔn biinun, siɛmbulan la bii piɔmaa ndɔa, mì siòòŋii bɛnduei bii halaa ndɔa fondoa. Siɛmbulan la bii Bɛl, a toɲa, Merodak vi diallon.

Esai 61:10

I dɔawnunnin ɲaale taw o Mɛlɛka nin, yoomu nuu vanin o piaa a kɔlkɛndɔɔ o Hala nuu nin, kani o vow ya volɔɔla cuɛinannda cindaalan mó kuumbuu ya a doma lecoo dɛnɛ sandaa, mɛɛ vana co lanɔɔ cuaa-o vownun mɔsil kɛndɔɔ o lebol nuaa yɛ, mɛɛ vanalanɔ co calle o nɔu-vo vownun kelan kɛndɛ-kɛndɔn nuaa yɛ.

Esai 61:5

Mialla vanin icali lenin, a vanin cɔlua niaa mandaa le nda yɔɔ diólan, poaa mialla vanin vanaa vàà niaa, a vanaa tɔalaa n'rɛsɛŋaa niaa ni.

Esai 59:17

O vownun dɛnɛ sandaa maa doma cɔw icilin, o handun mɔsil cindaa o lebol mulaa, o vownun volɔɔla mingiaa màá lan maa doma lebɛngu, o vownun dialun fulan mɛɛ vana simbulun o doma bɛndu lecoo nin yɛ.

Esai 52:1

«Tiondu! Tiondu! Cɔn a mayoomu, nɔm Siɔn! Vownun volɔɔla nɔmnda sɔvɛ-sɔvɛlan, nɔm kobi diandaa Yerusalɛm! Kani kɔ̀ndénɔ piaandu luei lɛnin o nɔm ndo le, vana nɔɔlɛi luei lɛnin o nɔm ndo le.

Esai 46:1

Piɔmndo Baal del mó pimbul, piɔmndo Nebo komba vúlù-vùlù! Piɔmaa kan siŋnun le visia a le cɔlua bɛndua. Piɔmaa niaa pila va kan siilɔnndo-a, la tofa vɔ mɛɛ nda co cɔlua sanga-a kindilaa a lusul ndaa yɛ!

Esai 21:9

Tofa vɔ, i co ɲɛ ɲaanan soa nan-ndo cɔu hunɔɔ, vanaa ɲaanun a soa-a co o soa coo a ŋiɔn-ŋiɔn! Vana co o ɲɛ ɲaanan kon coo-o cua sɔɛi mo va dimio aa: «O del fɔ, Babilɔn del! Tuuliaala ndalan a piɔmaa ndaa deli lɛŋ mà piɔsi!»

Condii lisai 132:18

I tuisinin yaamɔaa ndɔa siɛmbulan, kɛɛ ndu ndu, mɔsil lemasaa vanin ndu deŋio o lebol.›»

Condii lisai 132:16

I cuɛinin vanaa-solia-lasálàá co lenin-nda cindaa, vanaa ndɔa lo o lediom coo-a yondanin a ɲaaloo.

Esai 46:2

A del ma pimbul latulu, a nɔla volɔɔla lusula ndalan cɛwcɛw le, nda pila co kɔlan o biyɔɔ nin.

Yeremi 43:13

O pesipesinin powta sálàlan Bɛt-Siemɛs o lɛŋnde Esipte len nin, mò lom cɛila halaa Esiptea.›»

Yeremi 49:27

I malnin kpakio Damas yin, mì cɛila lemasala Bɛn-Hadad lan la ŋɔɛ.

Esekiɛl 29:11

Vanacieo ndu pilɛ bɛɛ ve lɛnin kei lon te, hali cɔloo ve lɛnin ndon te. Lende le lonin fondo ni háá vɔsilan belehiɔɔlu, vana venin icali lenin te.

Daniɛl 11:8

O cuanin piɔmnda a halaa co o lɛŋnde len nin-nda, o cuanin vɛlɛ ɲɛm cɔwnun a volin humbon-ndon a ɲɛm cɔwnun a sianion-ndon, mò kɔɛnnun a mun o lɛŋnde Esipte len nin. O tosanin vɔsilan taw, o sɔɔnguunin masaa a ba luaŋ-ndo ikɛi le.

Yeremi 10:11

O niaa co nda dimul-lo co hoo ni aa: halaa cow halataala a lɛŋnden te-a kpow a co hunɔɔ itambu o lɛŋnden coo ma ɲum o halataala bɛngu.

Yeremi 10:15

Ɲɛ fondoo fúú nda co ni, baala n'taaninndo. Telen Mɛlɛka cannin le mɔnɛ soli a nda-o, a co hunɔɔ itambu kpow.

Yeremi 25:19

O kon kɔɔli, vanaa-mangalaa-isɔɔa tɔ̀a: Faraɔnnɔɔ, o co masaa Esipte-o, simlacia ndɔa, vanaa ndɔa baalaa a vanaa co o lɛŋnde ndɔlen nin-nda kpow,

Esekiɛl 29:19

Lelan nuaa Maalii Hala dimi ni aa: ‹I yɔngu Nebukanɛsar masaa Babilɔn lɛŋnde Esipte len. O kɔandunin bolofaa co lon-ndo selemenden, mò kɔɛnnun a ndu. O yunganin ndu kpow, mò cua ɲɛm co lon-ndon, mò kɔɛnnun a mun. Sálà vanaa ndɔa cɔwva sɔlanin-ndo vanin kon ni.