Yeremi 43:11 - BII BILA

¹¹ O hunnin mò lɔɔ lɛŋnde Esipte len, mì vanaa bɛnda le vuo-a vi, mì vanaa bɛnda le kɔlan o biyɔɔ nin-nda kɔɛ o biyɔɔ nin, mì vanaa bɛnda le vuo o mɔɛi cɔwve bɛngu-a nda vi o mɔɛi cɔwve bɛngu.

Yeremi 43:11 Referans Kwoze

Yeremi 44:13

I simulnin vanaa kila caltan Esipte-a, mí tosa a nda mɛɛ ya tosa a vannda Yerusalɛm yɛ, mì cii nda a mɔɛi cɔwve, yima fofolan, te kon te a nàà n'kɔnyaa.

Yeremi 15:2

Taa ɲuna nɔm pɛ aa: ‹Kuɛɛ naa n kɔ yɛ?› A mulul nda aa: ‹O Mɛlɛka dimi-o co hoo ni aa: Le piɔ́mndo, vana-vana kɔanin teengen. Nàá n'kɔnyaa kɔanin a vannda pum, a tiŋ vunin o cɔwvo nin, mì a pum vi a yima fofolan, mà kɔɛ vɛlɛ a à pum o biyɔɔ nin.

Sakari 11:9

Mí dimi aa: ‹I co lɛ niaa manda le. O co vu-o ndu vu! O co luusian-ndo ndu luusian! A tɔ̀a co lo-a somian nda pila vellaa-velle!›

Yeremi 25:19

O kon kɔɔli, vanaa-mangalaa-isɔɔa tɔ̀a: Faraɔnnɔɔ, o co masaa Esipte-o, simlacia ndɔa, vanaa ndɔa baalaa a vanaa co o lɛŋnde ndɔlen nin-nda kpow,

Esekiɛl 5:12

O niaa tɛɛn, vanndacieea kundaa o pilɛ o kundalan tan yáá coo a vunin a nàà n'kɔnyaa. A ɲawnin mà vesa kokolo a yima fofolan. O niaa tɛɛn, kunda diinndɔɔ o layàálan coo vunin o mɔɛi cɔwve bɛngu o kobio balɔɔ pindo. I saŋnin kunda yàándɔɔ o hoeyun vanin hɔŋndo nɛɛ-nɛɛ ka-on nin, o kon mì tisa nda kɔɔli a mɔɛi cɔwve.

SƐBƐ YƆB-O 20:29

Kɛ́ Hala mandal vana kɔlvesɛiyo-o co kon ni, dɛnɛ palaa o kɛsul ndu-o pɛɛn.»

Dɛnnda cɔɔmuanndan 13:10

Te vanndo nɔ pɛ le kɔlan o biyɔɔ nin, o biyɔɔ nin o kɔanin ni. Te vanndo nɔ pɛ le piɔ́mndo sɔlaa o mɔɛi cɔwve bɛngu, o mɔɛi cɔwve bɛngu o sɔlanin piɔ́mndo ni. Lelan vanaa diandaa bɛnda mà cɔm biuvɔn ndaa a laalan ndaa.

Yeremi 25:15

Kani muaa Mɛlɛka soo o ya lo ni, Hala Israɛlla pɛɛn aa: «Bii taala kólaa co ya hoo o ba o piaa cá a mɔima kɔltuwma nian-ndo, mà koesi vanaa-mangalaa-isɔɔa ya viamnin nɔm o nda lo-a kpow man.

Yeremi 42:22

Mɛɛ la sina niko maa la co cuu o mɔɛi cɔwve bɛngu, a yima fofolan te kon te a nàà n'kɔnyaa o lɛŋnde niaa kɔanin nden calle len nin.»

Esekiɛl 29:11

Vanacieo ndu pilɛ bɛɛ ve lɛnin kei lon te, hali cɔloo ve lɛnin ndon te. Lende le lonin fondo ni háá vɔsilan belehiɔɔlu, vana venin icali lenin te.

Yeremi 44:12

I biinin vanaa tɔ̀a lonin yoomu Yuda-a, a muli hɔlla le kɔlan vionnɔnndo Esipte-a, mí nda kpede a sɔla piɔ́mndo o lɛŋnde len nin o cɔwvo, te kon te a yima fofolan. Kandɔɔ a cuaambɔa kɔ bii a kaasonnda, a delinin o mɔɛi cɔwve bɛngu te kon te ma cuu a yima fofolan. Vannda cuanin nda tɔɔmaseloo le mɛnanndo, te kon te le sɔɔn lasiɛmboo dimio.