Yeremi 43:1 - BII BILA

¹ Telen Yeremi cii vannda kpow sɔɔn Mɛlɛka Hala ndaa dimul ndu-on tɛɛngul-lo, sɔɔn Mɛlɛka Hala ndaa ndóò dimul ndu mun le nda kpow-von pɛɛn,

Yeremi 43:1 Referans Kwoze

Yeremi 26:8

Telen Yeremi va vanaa kan sɔɔn Mɛlɛka dimul ndu le nda tɛɛngullo-on siowvo dimullo-o, má bii ndu a dimio aa: «A bɛnda ma sɔla piɔ́mndo.

Yeremi 51:63

O kon, telen n ciinin sɛbɛ kalaa dimi-o, a baa ndu o powvo, a viow ndu Efrate o peelo.

Yeremi 42:22

Mɛɛ la sina niko maa la co cuu o mɔɛi cɔwve bɛngu, a yima fofolan te kon te a nàà n'kɔnyaa o lɛŋnde niaa kɔanin nden calle len nin.»

Dɛnnda kiilaa 20:27

Kani i cɔm niaa tuula Hala lan kpow, i vin niaa ɲɛ-ɲɛ le.

Dɛnnda kiilaa 5:20

«La kɔ sim o Cɛi-Hala-o nin, mì la kɔ dimul vannda sɔɔn ke vana yoomu sɛnɛiyo-on kpow.»

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Yeremi 26:2

«Sɔɛi ya Mɛlɛka dimi-e co hee ni aa: kɔ sim o bɛ́ɛ̀ Cɛi-Hala-o nin, mà dimul vanaa-vanaa fula o kobila Yuda lan nin, mà hin le kaannden. Kɔ miinguu sɔɔn ya co nɔm dimul le nda tɛɛngullo-on, diomndo pilɛ bɛɛ faŋa lecoo le.

Yeremi 1:17

Lelan nɔm Yeremi, yiinun yáwlen kpeekpei, mà tɛɛngul nda ɲɛ-ɲɛ ya dimulnin nɔm. Ɲiiya nda o hɔl te, yɔŋii ya tosa mà ɲiiya niko nda o hɔl kpeekpei.

Yeremi 1:7

Kɛ mí Mɛlɛka mulul-la aa: «Dimi le maa cuaambɔɔ n co ni. Kani a kɔanin o vanaa ya co nɔm vomɔɔ o nda lo-a lo, mà tɛɛngul nda ɲɛ-ɲɛ ya dimulnin nɔm.

1Samiɛl 8:10

Mí Samiɛl tɛɛngul vanaa ɲuna ndu kan le masaa sɔlaa-a sɔɔn Mɛlɛka-on kpow.

Fulaa 24:3

Mí Moise toal, mó tɛɛngul vannda sɔɔn Mɛlɛka soo-on kpow a silala o yɔngu lan kpede. O kon, mí nda kpede a deŋi diom pilɛ kpé aa: «Ɲɛ-ɲɛ Mɛlɛka dimul naa le tosaa, n co ndu tosa.»

O Kandɔɔ 19:14

Le hee, mí Lɔt fula, mó kɔa o piaandaa cuavaa ndɔa lo, mó dimul nda aa: «La cɔn mì n faŋan nanu, kani Mɛlɛka kɔngɔlan le kobio ho tɛɛmbuuo.» Kɛ mí lefua ndɔa kan ca sɔɛi ken maa sɔɛi lamamɔɔ.

Yeremi 5:12

A soo sɔɔn lacòòvan a Mɛlɛka o kɔɔ, a co dimio aa: «Mɛlɛka co le! Dɛnɛ palaa kɛ́-kɛ̀ komalnin naa le, cɔw hinulnin naa le, yima biinin naa le.

Yeremi 42:21

Sɔɛi ken ya co niaa hau tɛɛngullo ni, kɛ la co cɛlɔɔ le nilan yaŋɔɔ o diom Mɛlɛka Hala niaa dimul-la le niaa-o le.