Yeremi 42:6 - BII BILA

⁶ Naa n vem nɔm sɔɛi o Mɛlɛka Hala naa lo ni. N biinin sɔɛi o co naa dimul-le, i hɛnan naa, i nɛinun naa. O kon n sɔlanin dɛnɛ kɛndɔɔ, n bii pɛ sɔɛi Mɛlɛka Hala naa.»

Yeremi 42:6 Referans Kwoze

Yeremi 7:23

Kɛ ɲɛ yáà dimul nda-o co hoo ni aa: «La tueí ya diom, haliko mi va Hala niaa, mì niaa va vanaa nia. La kela o nɛila ya co niaa cɔmndo lan coo kpow, le mɛɛ niaa sɔla dɛnɛ kɛndɔɔ yɛ.

Tɔŋ miingua 5:29

Te ndáà lo niko pɛ o yiyan kɛndɔɔ ho coo, mì ndáà biilu ya a bɛɛlen, mì ndáà kela lepalaa-lepala o tɔŋnda nilan biyɔɔ nin, ɲɔɔ ndóò naŋnin bɔɔ, haliko mi nda a cuavaa ndaa imamaa ndáà sɔla dɛnɛ kɛndɔɔ le lɔ́ɔ́-lɔ́ɔ̀.

Rɔmnda 8:7

Kani dɛnnda n'falulan la co yaamɔɔ Hala-o ni. Bau la bii tɔŋ Hala-o le, la nɔla bɛɛ ndu biyɔɔ le.

Tɔŋ miingua 5:33

La kɔ o nɛi Mɛlɛka Hala niaa cɔm niaa-o coo sakpo. Kon tosanin ni mì la sɔla dɛnɛ kɛndɔɔ, mì la viow yoomu o lɛŋnde niaa co kɔlan hiɔlɔɔ len nin.»

Rɔmnda 7:13

Vɛ̀ɛ̀ mì ɲɛ naŋ-ndo ndu siŋnun piɔ́mndo le ya? Kɛì-kɛì bɛɛ! Kɛ le hakio sinanndo maa ndu co hakio ni, mó kei o ɲɛ naŋ-ndo nin haliko mo tosa mì vi. O nɛi kon coo tɔŋndo cɔm vana ni maa ɲɛ vɔɔn bɛndoo pila hakio co ni.

Rɔmnda 7:7

Vɛɛ naa n dimi yɛnin o kon? Mò va maa hakio tɔŋndo co ni? Kɛì-kɛì bɛɛ! Kɛ tɔŋndo tosá ni mí síná hakio. Kani yáà sinanin ɲɛ co ɲɛ pilaa hɔlten fulaa-o le, te tɔŋndo ndóò dimi le aa: «Fula ɲɛ pila lehɔl te.»

Esai 3:10

La yonda mì la dimul vana sandaa maa o sɔlanin dɛnɛ kɛndɔɔ, bau o dianin kɔmnde dɛnnda ndɔlan tɔnɔ.

Condii lisai 128:2

A dianin vali nɔmndo tɔnɔ, a dɔawnunnin duaa, mì dɛnndan kpow la bɛnda nɔm o ba.

Yosue 24:24

Mí vannda dimul Yosue aa: «Mɛlɛka Hala naa naa vanin baalaa tosallo ni, n vanin diom ndɔɔ biyɔɔ.»

Fulaa 24:7

O kon kɔɔli, mó cua sɛbɛ kpemaa, mó dimi ɲɛ va o sɛvaa lenin-ndo coocoo vannda kpow o hɔl. Mí Israɛlla kpede a dimi aa: «Ɲɛ-ɲɛ Mɛlɛka dimul naa le tosaa, n co ndu tosa. N co sɔɔn o dimul naa-on kpow biyɔɔ.»

Tɔŋ miingua 5:27

Lelan, nɔm Moise pila sɔɔnguu. Kɔ ma kɔ yaŋ nilan o ɲɛ Mɛlɛka Hala naa diminin-ndo kpow, mà hun tɛɛngul naa sɔɔn mún. N yaŋnin nilan o sɔɔn mún mì n tosa mɛɛ o diminin yɛ.›

Yeremi 22:15

Vɛ̀ɛ̀ a yeema ma cɔm maa masaa n co ni, mà tosa baalaa a yɔm sɛɛdreo haliko ma va teengen? Fuɲa va dioo a kolɔɔ maa caanda. Kɛ o va dɛnɛ sandaa a sakpoyɛi tosaa, ɛɛ nduyɛ, ɲɛ-ɲɛ va kɔlan o kɛndɛ ndu o ba.

Yeremi 43:4

O kon kandɔɔ a Yohanan po Karea-o, simlacia vanaa cɔwva kpow, kɔ bii a vannda kpow, vana-vana bii diom Mɛlɛka dimul nda le lou o tàndá Yuda-o nin-ndo le.

Condii lisai 78:36

Kɛ a va ndu huiyo a lasondo, a va ndu sɔɔn lacòòvan dimullo.