Yeremi 42:5 - BII BILA

⁵ Má mulul Yeremi aa: «N tosanin sɔɔn Mɛlɛka Hala nɔmndo dimulnin nɔm le naa tɛɛngullo-on. Ndu Mɛlɛka kon co sei toɲaa a sei sandaa le mɛnan naa n co hoo-o ni.

Yeremi 42:5 Referans Kwoze

O Kandɔɔ 31:50

Taa luei pɛ cuavaa niaa laandua mɔnɛi, mà cua laandua celen o nda kɔɔli, o co vanaciee le kialunin naa yamɛi tɛɛn te, kɛ Hala pila vanin seiyo naa tɛɛn naa nɔm ni. Le hee, mandan dɛ!

Masaa kialaa n'yamaa 11:10

Mí kaasoŋaa kɔlkalua Kalaad dimul Yɛfte aa: «Mɛlɛka co naa lesei, n cua ciɛ́ɔn le ɲɛ n dimul naa-o tosaa.»

Dɛnnda cɔɔmuanndan 3:14

«Sɛval mɛlɛkanɔ vanaa laalannda Laodisee aa: ‹Ɲɛ Amiina, sei lo o lediom coo-o, o co sei toɲaa-o, o ɲɛm Hala soli-on cɔwnun o ba-o dimi-o co hoo ni aa:

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Malasi 2:14

Mì la muungu ɲunaa aa: ‹Ko le yɛɛ nɛ o co yɛ naa tosallo lende?› Kani Mɛlɛka pila co seiyo niaa tɛɛn niaa lanɔ n yil o felengiyɛi nɔmnde nin-ndo ni. Ndu yɔŋnun vanalanɔ n yiilu kpemaa-o ni. Kɛ a lo o lediom coo le, má hui ndu.

Misee 1:2

«Niaa sei! Niaa vannda súúlan kpow, la yaŋnun. Yaŋnun, nɔm lɛŋnden a ɲɛ-ɲɛ co lenin. Maalii, o co Mɛlɛka-o lonin o calta ndɔla diandaalan nin mò kɔɔsal niaa.

Rɔmnda 1:9

Hala ya co baalaa tosallo a kɔl nuu o Yoongu kɛndɛ Po ndɔɔ yondaa nin-ndo co ya lesei, maa telen oo telen ya va pɛ piɛilen, i co yiyanndo niaa coo

Yeremi 5:2

Hali à mɛnan bɛɛ má dimi aa: «Le Mɛlɛka yoomaa.» Mɛɛniannda lacòòvalan daama nda nɔ ni.

1Samiɛl 20:42

O kon kɔɔli, mí Yonatan dimul David aa: «Kɔnnun a kɔlɲulu fɛɛ. Loonun a kpemaa icanya naa yii naa ŋiɔn-ndo, mí n dimi aa ‹Màá Mɛlɛka mala naa mi n lo o diomnden coo naa ŋiɔn, mì kpema kalaa koma lo vɛlɛ poaa naa imamaa tɛɛn le lɔ́ɔ́-lɔ́ɔ̀!›»

1Samiɛl 12:5

Mí Samiɛl cua vɛlɛ sɔɛi, mó dimi aa: «Mɛlɛka a masa o pɔla-o co lesei hau, maa i tɛɛmbuu isɔɔ-sɔɔ a vana o niaa tɛɛn te.» Má mulul ndu aa: «Oi, a co lesei».

Fulaa 20:19

O kon má dimul Moise aa: «Nɔm pila soo nin o naa lo, mì n bii sɔɛi nɔmnde. Kɛ Hala soaa lɛ o naa lo sakpo le, yɔŋii naa n sɔla piɔ́mndo.»

Fulaa 20:7

La pial diola Mɛlɛka Hala niaa o fondo fúúo coo le, kani vana pɛl pɛ diola ndɔlan o fondo fúúo coo, Mɛlɛka tuisi vana kon dɛnɛ palaa coo.

Yeremi 43:2

mí Asaria po Hosaya-o, Yohanan po Karea-o, a vanaa sondola kalaa va kan lon-nda kpow a cua sɔɛi, má dimul Yeremi aa: «Ɲɛ-ɲɛ n co hoo dimio, còòlan fúú! Mɛlɛka Hala naa dimul nɔm le naa kuuna lakɔ caltan Esipte le.»

Yeremi 43:4

O kon kandɔɔ a Yohanan po Karea-o, simlacia vanaa cɔwva kpow, kɔ bii a vannda kpow, vana-vana bii diom Mɛlɛka dimul nda le lou o tàndá Yuda-o nin-ndo le.

Yeremi 42:20

Niaa pila dimul-la ni aa ya ɲuna Mɛlɛka Hala niaa. Mí la dimul-la aa: «Ɲɔɔlul naa Mɛlɛka Hala naa, mà tɛɛngul naa diomnde o dimulnin nɔm-nden sanaa, o kon mì n kela lecoo.» Niaa pila luei bollen o ken nin ni.