Yeremi 42:4 - BII BILA

⁴ Mí Yeremi vana-tɛɛngaa-diom Hala-o dimul nda aa: «I tuei, i co Mɛlɛka Hala naa piɛi mɛɛ niaa ɲuna yɛ. Nduyɛ ɲɛ-ɲɛ Mɛlɛka muli pɛ, i tɛɛngulnin niaa lende. I vinnin niaa ɲɛ-ɲɛ le.»

Yeremi 42:4 Referans Kwoze

Condii lisai 40:10

Mɛlɛka, i co Yoongu kɛndɛ dɛnɛ sandaa nɔmndo sɛ́lɛ́ bɛndoo tiiyallo, i co sondo mei le. Nɔm pila sina ken.

1Samiɛl 12:23

Le ya yɛ, sɔɛi vɔɔŋii bɛnduei o co le hakio cuaa a Mɛlɛka ni, te i pɛngi pɛ piɛilen le niaa. I vanin vɛlɛ niaa nɛi kɛndɔɔ a nɛi sandaa cɔmndo.

Dɛnnda kiilaa 20:20

La sinà maa i vin niaa ɲɛ-ɲɛ le, o bɛnda le niaa-o pɛɛn. I pɛɛku niaa ndu vannda kpow o hɔl, mí kei vɛlɛ niaa ndu cɔm cɛilan nin.

Yeremi 23:28

Vana-tɛɛngaa-diom Hala sɔl pɛ lɔma ndɔ, ndu cɔm vannda lɔma o sɔl-lan! Kɛ te i yɔngu ndu pɛ yoongoo pum, o bɛnda mò tɛɛnguu ndu lende kpafii!» Vana tuu billo a kullon te. Mɛlɛka dimi lende ni.

Rɔmnda 10:1

Puapilɛa nia, yeemɛi co ya o kɔl-le, o ya co Hala piɛi le Israɛlla-o co ni, mà sɔla cindaa.

Dɛnnda kiilaa 20:27

Kani i cɔm niaa tuula Hala lan kpow, i vin niaa ɲɛ-ɲɛ le.

Esekiɛl 2:7

Mɛɛ ma dimul nda sɔɔn nun, a yaŋ lani, a yaŋ lani le, kani vanaa nila kalua nda co ni.

Yeremi 23:35

O niaa bɛnda mì la ɲuunian vellaa-velle-o co hoo ni aa: ‹Vɛɛ Mɛlɛka muli yɛ?› Te kon te aa: ‹Yɛɛ Mɛlɛka dimi yɛ?›

Yeremi 26:2

«Sɔɛi ya Mɛlɛka dimi-e co hee ni aa: kɔ sim o bɛ́ɛ̀ Cɛi-Hala-o nin, mà dimul vanaa-vanaa fula o kobila Yuda lan nin, mà hin le kaannden. Kɔ miinguu sɔɔn ya co nɔm dimul le nda tɛɛngullo-on, diomndo pilɛ bɛɛ faŋa lecoo le.