Yeremi 42:22 - BII BILA

²² Mɛɛ la sina niko maa la co cuu o mɔɛi cɔwve bɛngu, a yima fofolan te kon te a nàà n'kɔnyaa o lɛŋnde niaa kɔanin nden calle len nin.»

Yeremi 42:22 Referans Kwoze

Yeremi 42:17

Vanaa kɛ́-kɛ̀ kialunin o kɔlta ndalan nin le kɔlan vionnɔnndo Esipte kpow a sɔlanin piɔ́mndo o mɔɛi cɔwve bɛngu, a yima fofolan te kon te a nàà n'kɔnyaa. Vana-vana helunnin dɛnɛ palaa ya tuisinin nda coo-o le.»

Osee 9:6

Kani má cè niaa kɔnndan le dɛnɛ tambɛi co tosanndo-o. La kɔ cuungiannin Esipte mí kobio Mɛnfis siŋnun sɛila niaalan. Yɔɔn ciinin bolofaa niaa latɔ́ɔ́-tɔ́ɔ́ tɛɛmbuu niaa kɔɔli, siɛmbulle vulnin o cɛila-kolala-toandaala nialan nin.

Esekiɛl 6:11

Nuaa Maalii, o co Mɛlɛka-o soo ni aa: «Lɔɔ balan, kundu pelon, mà dimi aa: ‹Kpòkóó dɛnɛ! Le dɛnnda nɔɔlɛila cuavaa Israɛlla tosa lan kpow, a cɛɛlunnin o mɔɛi cɔwve bɛngu, mà vi a yima fofolan a á nàà halimaa.

Yeremi 43:11

O hunnin mò lɔɔ lɛŋnde Esipte len, mì vanaa bɛnda le vuo-a vi, mì vanaa bɛnda le kɔlan o biyɔɔ nin-nda kɔɛ o biyɔɔ nin, mì vanaa bɛnda le vuo o mɔɛi cɔwve bɛngu-a nda vi o mɔɛi cɔwve bɛngu.

Esai 30:3

Kanda niaa co nuwviaa masaa Esipte o ba bɛngu-o siŋnunnin siɛmbulan le niaa. Yifan niaa co kɔlan o vunduma Esipte-an bɛngu-o siŋnunnin dɛnɛ bɛɛtambɛiyo le niaa.

Yeremi 44:12

I biinin vanaa tɔ̀a lonin yoomu Yuda-a, a muli hɔlla le kɔlan vionnɔnndo Esipte-a, mí nda kpede a sɔla piɔ́mndo o lɛŋnde len nin o cɔwvo, te kon te a yima fofolan. Kandɔɔ a cuaambɔa kɔ bii a kaasonnda, a delinin o mɔɛi cɔwve bɛngu te kon te ma cuu a yima fofolan. Vannda cuanin nda tɔɔmaseloo le mɛnanndo, te kon te le sɔɔn lasiɛmboo dimio.

Esekiɛl 33:27

Lelan dimul nda maa nuaa Maalii Hala dimi ni aa: «Le yoomu nuu, vanaa tɔ̀a lo icali o cieon piɔlɛi mun nin-nda a delinin mà vi o mɔɔn cɔwvon bɛngu, visia biyaa sɔamnin vanaa co yondoo nin-nda, mì nàà n'kɔnyaa diw vanaa vanin o powta kpovalan bɛngu-a a vanaa viannunnin o buululan nin-nda.

Yeremi 24:10

I tuisinin nda cɔwvo coo, yima fofolan a nàà n'kɔnyaa háá mà cuu o lɛŋnde ya yɔngu nda len nin, le ya yɔngu fuɲaa ndaa mamaa a nda pila len pɛɛn.»

Esekiɛl 6:12

Vanaa vanin levil-la nda vunin a nàà halimaa, mì vanaa vanin macɛlu-a nda vi a yima fofolan. Kɔl ni tuwvo kpow hulunnin nda coo.