Yeremi 42:2 - BII BILA

² má dimul Yeremi aa: «Yaŋnun tɛɛlɔnnda naa n co nɔm-ndan, piɛi Mɛlɛka, Hala nɔmndo, le naa a le vanaa tɔ̀a lo-a kpow, kani n va sɛ́lɛ́ taw, kɛ n co lɛ hau a bɔɔ le, maa mɛɛ nɔm pila co cɔu nuaa yɛ koni.

Yeremi 42:2 Referans Kwoze

Yeremi 36:7

Bɔɔle a cannin mà tɛɛlun Mɛlɛka a kpaaya ndaa kpow, o kon mì vana-vana mangala kela ndɔ vɔɔndo, kani taw-taw Mɛlɛka tambu kɔllo a vannda ha ni.»

Tɔŋ lasálàá 26:22

I cuunin visia biyaa o lɛŋnde niaalen nin, mì visia kan diw cuavaa niaa, mà diw cɔlua niaa, mà cii niaa háá mì nɛila niaalan la yimbu.

Nsaki 5:16

Lelan, la sɔlɔlan hakila niaalan vellaa-velle, mì la piɛi le niaa pila vellaa-velle, haliko mi la sɔla siongɔɔ. Piɛile kindiannde vana sandaa le nɔ kpaayaa taw.

Dɛnnda kiilaa 8:24

O kon, mí Simɔn mulul Piɛr nda Nsaŋ aa: «Niaa pila piɛi Mɛlɛka le ya, haliko ɲɛ-ɲɛ niaa dimi, o yɔŋnun ya le.»

Cɛɛŋɔnnda Yeremi lan 1:1

«Éé vannda! Kobi vannda va hoo icali nin sɛ́lɛ́ bɛndoo-o lo hau ndu pilɛ kpé. O muungu maa vanalanɔ pɔnɔ ndɔ vi-o. Ndu óò hiow tɔ́ɔ́ a kobila tɔ̀lan o lɛŋii vanaa mangaa isɔɔa tɛɛn ni. Ndu nda tundu hau baala lecɛo tosaa nuaa ni.

Esai 37:4

Bɔɔle Mɛlɛka Hala nɔmndo tuei sɔɔn fula bolle vanaa yɔngù masaa mɔiyan-nda-o o sondo-on, o vana ndɔ bɛndoo, o co masaa Asiri-o vem le hunɔɔ Hala yoomaa yeowlan-ndo pɛɛn, bɔɔle Mɛlɛka Hala nɔmndo soaŋnin ndu le sɔɔn o tuei mun-ndon. Lelan, piɛi Hala le vanaa tɔ̀a lo vɔ haa yoomu-a, yandi!

Esai 1:9

Te Mɛlɛka-Nɔ-Kpaayaa-Kpow-vo ndóò mɛilul naa vanaa pum yoomu le, n va siŋnɔn maa Sodɔm, mì náà n vel vannda Komɔr.

1Samiɛl 12:19

Mí nda kpow a dimul Samiɛl aa: «Tɛɛlun Mɛlɛka Hala nɔmndo le naa, yɔŋii naa n vu. Kani n handu haki celen o hakila naala paandulan coo, le tùú naa pila n ɲuna le masa celen sɔlaa-o.»

1Samiɛl 7:8

Má dimul Samiɛl aa: «Mal naa le. Piɛi Mɛlɛka Hala naa le naa le, haliko mo baŋa naa, mì n fula Filistia o ba bɛngu.»

Yeremi 37:20

Lelan masaa, i tɛɛlun nɔm vana ni bɛndoo, mà yaŋ ya nilan, mà tuei tɛɛlɔn ya co nɔm-ndo! Mingi ya o Yanatan vana sɛvaa lo le, yɔŋii ya kɔ vu lon.»

Yeremi 37:3

Mí masaa Sedekia viam Yɛhukal po Selemia-o nda Sofoni po Maaseya vana-solia-lasálàá-o, o Yeremi vana-tɛɛngaa-diom Hala-o lo le ndu dimullo aa: «Piɛi Mɛlɛka, mà tɛɛlun ndu le naa.»

1Masaa 13:6

Mí masaa soaa, mó dimul vana-tɛɛngaa-diom Hala-o aa: «Yandi, piɛi Mɛlɛka Hala nɔmndo, mó mal-la haki, mì baa ho sengu ya.» Mí vana-tɛɛngaa-diom Hala-o piɛi Mɛlɛka, mí ba masaa siangu, mó muungu maa paandu.

Tɔŋ miingua 28:62

Niaa vanin haa sɛ́lɛ́ bɛndu-bɛndoo maa loeon o halataala-a, la dɔɔnannin mì la lo doolɛ. Kani la biinin diom Mɛlɛka Hala niaa le.

Fulaa 8:28

A kon kpow, mí Faraɔnnɔɔ kindi vɛlɛ nilan, o cɛl le Israɛlla malɔɔ kɔlan te.

Matie 24:22

Te palɛi ken ndíì dɔɔnian te, vana-vana óò cindanin te. Kɛ le vanaa sɔla hɛlio-a, mí palɛi ken i dɔɔnian.

Esekiɛl 12:16

Kɛ o nda tɛɛn, i mɛinin vannda a pum yoomu, a hialunnin mɔɛi cɔwve, mà cinda a yima fofolan a á nàà n'kɔnyaa-a, haliko mà kɔ downun vanaa-mangalaa-isɔɔa nda kɔanin tɛɛn-nda kona, mà cɔm nda dɛnnda nɔɔlɛila ndalan kpow. O kon, vanaa kan bɛɛ a sinanin maa ya co Mɛlɛka ni.»

Yeremi 42:20

Niaa pila dimul-la ni aa ya ɲuna Mɛlɛka Hala niaa. Mí la dimul-la aa: «Ɲɔɔlul naa Mɛlɛka Hala naa, mà tɛɛngul naa diomnde o dimulnin nɔm-nden sanaa, o kon mì n kela lecoo.» Niaa pila luei bollen o ken nin ni.

Yeremi 21:2

«Ɲuna Mɛlɛka le naa, kani Nebukanɛsar masaa Babilɔn co naa hinullo a cɔwvo, bɔɔle mì Mɛlɛka tosa dɛnɛ kaamaa le naa, mì Nebukanɛsar kalaa kɔɛ naa levil polon.»

Esai 1:15

La siɛndi nin bɛɛ balan o ya lo, i faŋalnin niaa hɔlla. Hali la vangala bɛɛ piɛilen taw-taw, i yeŋnin niaa lani le. Kani bala niaalan la co lalɔngɔlɛilan a koovan.

1Samiɛl 12:23

Le ya yɛ, sɔɛi vɔɔŋii bɛnduei o co le hakio cuaa a Mɛlɛka ni, te i pɛngi pɛ piɛilen le niaa. I vanin vɛlɛ niaa nɛi kɛndɔɔ a nɛi sandaa cɔmndo.

Tɔŋ miingua 4:27

Mɛlɛka saŋnin niaa vanaa-mangalaa-isɔaa celen tɛɛn, mì la lo vuo háá mì la dɔɔnan vanaa kan tɛɛn, à Mɛlɛka yaanin niaa tɛɛn a paa-kala-a pɛɛn.

Fulaa 9:28

La piɛi Mɛlɛka le ya yandi, haliko mi taŋndan a loeon pɛngi delio. I co niaa malɔɔ mì la kɔɛ, i bii lɛnin niaa n'pelu le.»

Yeremi 15:11

Nduyɛ mí Mɛlɛka dimul-la aa: «Dɛnɛ kɛndɔɔ co nɔm laci. I tosanin mì yaamɔaa nɔmnda tɛɛlun nɔm o telen nda vanin o dɛnɛ palaa nin-ndo.

Yeremi 38:14

Mí masaa Sedekia viam vannda le kɔlan hunɔɔ a Yeremi vanaa-tɛɛngaa-diom Hala-o, mó kɔa a ndu o luɛyɔɔ yàándɔ va o Cɛi-Hala-o-o. Mó kɔ dimul ndu aa: «I yeema mi ɲuna nɔm sɔɛi ndii pilɛ, vin ya ɲɛ-ɲɛ le.»

Yeremi 40:15

O kon mí Yohanan po Karea-o kɔ dimul Kedalia o vionnɔnndo nin Mispa aa: «Cɛl mì kɔ dii Ismaɛl, po Netania-o. Vana-vana sinanin te. Vɛ̀ɛ̀ mà cɛl mò dii nɔm? O dii nɔm pɛ, Yuifia cuungian haa nɔm ikɛi-ya kpow a co sɛŋin!»

Osee 8:10

À co bɛɛ vanaa-mangalaa-isɔɔa ɲɔɔn keo nuaa, telenndo tiiya le mì cuungiaa nda. O lo ɲɛ-pɔmbɔ mà luɛi o sangaa nin, o kpòndò masa kpaaya bɛndoo bɛngu.

Amɔs 7:2

Mɛɛ sóónɔa kan cii bil va o lɛŋnden coo-o dio, mí dimi aa: «Éé Maalii, Mɛlɛka, mal naa haki yandi! Te kon te, vɛ̀ɛ̀ cuavaa Yakɔb-a nɔla yɛnin mà lo yoomu, nda co haa sɛ́lɛ́ le-a?»

Tɔŋ miingua 28:63

Mɛɛ Mɛlɛka ndóò naŋ kɔl le niaa dɛnɛ kɛndɔɔ tosallo a le niaa vangalaa yɛ, o naŋnin vɛlɛ kɔl lende le niaa yɛɛvɔɔ dɔvɔɔ a le niaa ciiyo diwvo. O kon, o faŋanin niaa o lɛŋnde niaa co kɔlan hiɔlɔɔ len coo.

Condii lisai 119:170

Màá tuie tɛɛlɔnnda nilan, mà baŋa ya mɛɛ n tuu yɛ!

Esai 42:20

A ce sɔɔn taw, kɛ a manda mun te, vannda nɔ nilan la kumbialan, kɛ a tui le.

Yeremi 2:27

A co yɔmndo dimullo aa: ‹Nɔm co fuɲa naa ni›, mà va powvo dimullo aa: ‹Nɔm velu naa ni.› A toɲa, a cii ya kɔɔ mulul, a co lɛ ya tofa le, kɛ te dɛnɛ palaa tol pɛ nda coo, a dimul-la aa: ‹Cɔn ma ciindiaa naa!›