Yeremi 42:19 - BII BILA

¹⁹ Niaa vanaa tɔ̀a Yuda, diom Mɛlɛka co niaa dimullo-o co hoo ni aa: O bɛnda mì la kɔɛ Esipte le! La sinà maa i cii niaa hau tanaa hendul.

Yeremi 42:19 Referans Kwoze

Tɔŋ miingua 17:16

Masa niaa suilinin kon-ndo bɛnda mò nɔ soa taw le, o bɛnda mò mingi vɛlɛ Israɛlla pum Esipte le soa sɔlaa taw-taw le. Kani Mɛlɛka dimul niaa aa: ‹La muungu lɛ o nɛi kon coo le.›

Nehemi 9:26

Kɛ a kon kpow, a bii sɔɛi nɔmnde le, má tosa nila kalulan a nɔm, má mulul nɔm kɔɔ, má diw vanaa-tɛɛngaa-diom Hala-a nɔmnda, á va nda tolɔɔ kɔɔli le muungoo nɔm o ibuŋ-nda, má tosa dɛnnda nɔɔlɛilan taw.

1Tesalonikea 4:6

Vana-vana pílàn puapilɛ ndɔɔ tana le, vana-vana tɛɛmbuu puapilɛ ndɔɔ labɛɛ o sɔɛi he nin te. Maa mɛɛ naa n dimul niaa sɔɛi ken kpéŋ-kpéŋ yɛ, Mɛlɛka tuisinin vannda sangaa coo le hakila vaa lende.

Efɛsea 4:17

Lelan, ɲɛ ya co niaa dimul mì tiiyal niaa o Maalii nin-ndo co hoo ni: la va lɛ kelaa maa vanaa sínà Hala le-a le, a del yiyannda yɔngu nda ɲɛ-ɲɛ le lan kɔɔli-a pɛɛn,

Dɛnnda kiilaa 2:40

Mí Piɛr dimul nda vɛlɛ sɔɔn celen taw, n pilan nda kɔltan mí n luei nda yoomuan-ndon. Mó sila nda aa: «La hiɔlun vanaa laasiannda ha!»

Esekiɛl 17:15

Kɛ mí vana kon luɛi seesiɛi ndu o ba, mó yaa kiilaa o lɛŋnde Esipte len nin haliko mi kan yɔngu ndu soa a vannda sɛ́lɛ́ bɛndoo taw-taw. Vɛ̀ɛ̀ vana tosa lende-o tiwnin pá ba le tùú kon peeloo? O nɔlanin pá hiɔlɔnndo? O cii kpemaa tɛɛmbuu, lelan o helunnin te few!

Esekiɛl 3:21

Kɛ te nɔm dimul pɛ vana sandaa aa o tosa haki le, mí vana sandaa kon tosa haki le, mɛɛ o vanin yoomu, kani sɔɛi ken tɛɛngulun ndu mò sɔla kanalanndo, o kon nɔm ciindiaanin vɛlɛ yoomu nɔmndo.»

Esekiɛl 2:5

I sinà maa vanaa nila kalua kposon nda co ni. Lelan, a yaŋ lani, a yaŋ lani le, a sinanin maa vana-tɛɛngaa-diom Hala-o co nda tɛɛn.

Yeremi 38:21

Kɛ taa kɛɛ pɛ le fulaa, mà kɔ yɔngun nda, diom Mɛlɛka dimul-la-o co hoo ni aa:

2Dɛnnda lemasalan 24:19

Mó vim nda vanaa-tɛɛngaa-diom Hala-a le nda kanalanndo haliko mi ndáà muungu ndu o ibuŋ. Kɛ a yeŋ nda lani le.

Tɔŋ miingua 31:21

Te sangalan a dɛnnda palaalan taw la tol niko nda coo pɛ, condei he vanin seilen le nda ni. Kani cuavaa ndaa imamaa pɔɛɛnunnin ndi le, a pɛnginin ndi solio le. Bau i cii nihau ɲɛ co vannda ha o kɔllo sina, i luei-yɔ nda bɛɛ fɔlɔn o lɛŋnde ya yiilu nda kpemaa mí mɛnan-nden nin te, mí sina yiyannda ndalan.»

Kundalan 14:3

Le kɔlɔ yɛɛ Mɛlɛka co yɛ naa yɔɔ ho o lɛŋnden nden nin le kɔlan piɔ́mndo sɔlaa o mɔɛi cɔwve bɛngu, mì yaamɔaa naa kɔ poondiaa laandaa naa a hɔ́aa naa? O co fisa le naa mì n muungun Esipte le?»

Esai 21:12

Mí ya vana cumulaa muli aa: «Paalen le co nin le siɔu, kɛnduyɛ ɲumndan bɛɛ ma co nin le tolɔɔ, te la yeema pɛ le ɲunaa, la ɲuna! La mangalan mì la hin!»