Yeremi 42:18 - BII BILA

¹⁸ Kani diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «Maa mɛɛ yáà tuulu kɔl taw a vannda Yerusalɛm yɛ, lende koni ya tuulunin vɛlɛ kɔl a niaa ni, te la kɔɛ pɛ Esipte. Vannda vanin tɔɔmaseloo cuaa a niaa le mɛnanndo, te kon te le sɔɛi vɔɔŋii bɛnduei pum dimio. Nduyɛ la ci lɛnin lɛŋnden nden lɔ́ɔ́-lɔ́ɔ̀ le.»

Yeremi 42:18 Referans Kwoze

Yeremi 7:20

Lelan diom Maalii Hala dimi-o co hoo ni aa: «I co kɔl ni tuwvo a nɛyɔn co ya nin-ndo pɛngɛla o fonda kon coo, mì tuisi ndu vanndacieea a cɔlua coo, mì tuisi ndu yɔmnde, yondoo a o kulun co lɛŋ-ndon coo maa leyin, mì le lo ŋɔu, le ɲumnin te.»

Yeremi 29:18

I toalnin nda kɔɔli a cɔwvo, yima fofolan, mì tol nda vɛlɛ kɔɔli a nàà n'kɔnyaa. I co mɔnɛ soli a nda, mì siòòŋii bɛnduei bii masɛi co o ceendo coo-e kpow. O lɛŋii kɛ́-kɛ̀ ya toawnin nda nin, nda vanin tɔɔmasele vannda vanin cuaa le mɛnaa a le sɔɛi vɔɔn-vɔɔnde, te kon te sɔɛi lasiɛmbuei pum tuuvo ni.

Yeremi 18:16

A cii lɛŋnde ndalen mingi bémbélan kposon, telen oo telen vannda fula pɛ lon, a kpinga. Vanaa hiawnannda tiiya pɛ lon, a dɔwnun kɔndɔfili, a hiŋ bollen.

Yeremi 44:12

I biinin vanaa tɔ̀a lonin yoomu Yuda-a, a muli hɔlla le kɔlan vionnɔnndo Esipte-a, mí nda kpede a sɔla piɔ́mndo o lɛŋnde len nin o cɔwvo, te kon te a yima fofolan. Kandɔɔ a cuaambɔa kɔ bii a kaasonnda, a delinin o mɔɛi cɔwve bɛngu te kon te ma cuu a yima fofolan. Vannda cuanin nda tɔɔmaseloo le mɛnanndo, te kon te le sɔɔn lasiɛmboo dimio.

Yeremi 24:9

O kon siòònde biinin masɛi co o ceendo coo-e kpow a dɛnɛ palaa ya tuisinin nda coo-o. O lɛŋii ya sɛŋinin nda nin-nde kpede, vannda vanin tɔɔmaseloo cuaa a nda, le vanndo siɛmbulan tuisio, le ndu mamɔɔ, le ndu yeowlan a le ndu dangaa dɔvɔɔ.

Yeremi 22:27

La yeemanin taw-taw le muungoo, kɛ la tiwnin ba le.»

Esai 65:15

Diola niaalan la lonin vanaa niaa ya hɛli-a o lasondo o mɛɛniaalan nin, mà va dimio aa: «Màá Maalii, o co Mɛlɛka-o cua nɔm mà sɔla piɔ́mndo lende fɔ́!» Kɛ o kenin vanaa ndɔa baalaa diola celen.

Dɛnnda cɔɔmuanndan 14:10

ndu bɛɛ kolnin mɔima kɔltuwma Hala-an, ma nda bingulan te-an, má vow man o taala kólaa kɔltuw ndɔɔ nin. O dɔawnunnin yɛɛvɛ o fungu leyinndo nin mɛlɛkaa diandaa a saa téndóó o hɔl.

Sakari 8:13

Niaa cuavaa Israɛlla a niaa polale Yuda len, La paandu maa vanaa danga vanaa-mangalaa-isɔaa tɛɛn yɛ. Kɛ o laan, i co niaa ciindiaa, mì la siŋnun vanaa duaa. Lelan, siòòŋii bíì niaa le. La lueí yoomuan.

Nahum 1:6

Nɛ̀ɛ́-nɛ̀ nɔla yɛ mò simul kɔl ndɔ tuwvo? Nɛ̀ɛ́ tiw yɛ ba mò lo yoomu a yinnde ndɔle kɔltuwlen? Maa leyin kɔl ndɔ tuwvo keleŋa tiwvo ni, hali powtan mi la piɔsi ndu o hɔl.

Daniɛl 9:27

O lɔ́ɔ́ pilɛ bɛngu, o yiinin kpema kàlà-kálàá a vannda taw. O tɛɛmbuunin sálàla n'cɔlulan a sálàla ɲɛm-vaalan o lɔ́ɔ́ táláá bɛngu. O telen kon bɛngu, o tosanin sɔɔn vɔɔŋun bɛndon háá telen kelun le mɛɛlula ndɔlan-ndo.›»

Daniɛl 9:11

Israɛlla kpow, n tɛɛmbuu tɔŋ nɔmndo, mí n kɛɛ le sɔɛi nɔmnde biyɔɔ. Lelan dangaa a dɛnɛ palaa sɛvan o tɔŋ Moise, vana baala nɔmndo nin-ndo tol naa coo ni, kani n cua hakio a nɔm Hala.

Esekiɛl 22:22

Mɛɛ volin latámán tenga o kpɛɛnɛi nin nuaa yɛ, lende niaa tenganin o kobio Yerusalɛm nin ni. O kon, la sinanin maa ya Mɛlɛka, i saŋ kɔl ni tuwvo niaa coo.»

Cɛɛŋɔnnda Yeremi lan 4:11

Mɛlɛka cii kɔltuw ndɔɔ kpow soli, o cii kɔlfulaa ndɔ bɛndoo cuiŋi. O mɛndul yinnde kɔltuwle ndɔlen Siɔn, mì le va tumnda Siɔn kilan coo lan lomɔɔ.

Cɛɛŋɔnnda Yeremi lan 2:4

Mó kindu kpaasiaa nda kɔɔli maa n'yaamɔɔ, mó yaa ba kɛndɔɔ le kɔɛi malɔɔ nda kɔɔli maa n'yaamɔɔ. Mó tɛɛmbuu ɲɛm kɛndɛn mun naŋ o tofaa-on kpow. Mó cuiŋi kɔltuw ndɔɔ o Cɛi-Hala-oSiɔn coo maa leyin.

Yeremi 29:22

Vanaa kɛ́-kɛ̀ nda bii Yuda, má kɔa a nda o biyɔɔ nin Babilɔn, a vanin diola vanaa ŋiɔŋaa kan piɔlɔɔ le mɛnanndo aa: «Màá Mɛlɛka tosal nɔm mɛɛ o tosa a Sedekia a á Akab yɛ, vanaa masaa Babilɔn tuɛi o yin-nda pɛɛn!»

Yeremi 26:6

Te la tui le, i tɛɛmbuunin Cɛi-Hala-o ho mɛɛ ya tɛɛmbuu hoo Silo yɛ. Mì siinguu Yerusalɛm tɔɔmasele mɛnaa vanaa-mangalaa-isɔɔa kpow tɛɛn.›»

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

Yeremi 6:11

I co o piaa cá a kɔltuw Mɛlɛka-o, i nɔla ndu mandanndo o kɔl te. «Cuiŋi ndu cuaambɔa co o nɛilan coo-a coo, a kundala cuaa felengia coo. Kani a kɔanin a nda kpow o biyɔɔ nin: caa piaandua a vanlaandua, vanaa yuuvɛiya a vanaa yuuva nin taw-va.

2Dɛnnda lemasalan 34:25

Kani a mulul ndu kɔɔ ma va sálàla cuɛima cun kɛndɛlan lomɔɔ le halaa celennda. A tɛɛmbuu ya kɔllo a dɛnnda nda co tosaa lan kpow. Lelan kɔl ni tuwvo toalnin o fondaa ho coo ni. Nduyɛ, o ɲum ndɛnin le lɔ́ɔ́-lɔ́ɔ̀ le.›

Kundalan 5:27

Te o va pɛ maa o yii pɔnɔ ndɔ dúmbú lekɛ́ndɛi, mò nɔɔlian Mɛlɛka o hɔl, mɛɛ mɛmma sendíma o kol man-ndan ma co tosa mì sendío bii ndu, mì demboo pɛ ndu cɔfuu, mò siŋnun vana vilu loo, mò sɔla dangaa vanaa nda cal-la tɛɛn.

Esai 30:3

Kanda niaa co nuwviaa masaa Esipte o ba bɛngu-o siŋnunnin siɛmbulan le niaa. Yifan niaa co kɔlan o vunduma Esipte-an bɛngu-o siŋnunnin dɛnɛ bɛɛtambɛiyo le niaa.

Yeremi 23:40

I co tosa mì siɛmbulan la bii niaa le lɔ́ɔ́-lɔ́ɔ̀, la sɔla lɛnin bɛɛle va le niaa len te. Vana-vana pɔɛɛnunnin a ken o kɔɔ le.»

Yeremi 33:5

Fondo fúú niaa cɔlɔbanin Babilɔnnda le kpaakio tangullo le kobi niaa biyɔɔ ni. Kani telen niaa kuelnin nda-o, i kuinin vanvílɛ́iya cɛilan nin a kɔl ni fulaa bɛndoo. I mululnin kobi kalaa kɔɔ le dɛnnda kɔlvesɛila nda tosa lan.

Yeremi 44:6

O kon mí kɔl ni tuwvo saŋnun o kobilan Yuda a o nɛila bɛndulan Yerusalɛm coo maa leyin, hau kobila lan la siŋnun pɔmndan, vannda piow lan mɛɛ niaa sina yɛ.

Yeremi 44:8

Vɛ̀ɛ̀ le ya kɔllo tɛɛmbuuo a dɛnnda niaalan, niaa co halaa celennda sálàlan solullo o lɛŋnde Esipte le niaa hin nden caltan nin-nden ni? Vɛ̀ɛ̀ la yeema mi la cuu o lepilɔɔ, mì la siŋnun tɔɔmasele dɔavaa dangaa a siɛmbula bɛndulan vanaa-mangalaa-isɔaa co o ceendo coo-a tɛɛn?

Yeremi 44:22

Mɛlɛka ndóò tiw lɛ ba dɛnnda niaala vɔɔnndan a mààla niaa va tosaa lan biuvɔnndo le. Lelan lɛŋnde niaalen le siŋnun bémbélan ni, mí vannda piaw len. A lɛŋnde len vannda co tɔɔmaseloo cuaa ni le mɛnanndo a le dangaa dɔvɔɔ mɛɛ niaa co hau cɔu nuaa yɛ.

Esekiɛl 20:34

I solinin niaa vanaa súúla celennda tɛɛn, mì faŋa niaa o lɛŋii niaa co a sɛngiannda nin-nde nin, mì cuungiaa niaa a ba ni mayoomoo a congú ni kpaayaa, o kon mì cuiŋi kɔl ni tuwvo niaa coo.

Cɛɛŋɔnnda Yeremi lan 2:6

Mó pial kunga nakɔ ndɔɔ, mó tɛɛmbuu fonda náà n cuungian ndu o hɔl-lo. Mí Mɛlɛka tosa mí vannda Siɔn pɔɛɛnun kafolan a cuungiannda palɛi pɛngiaalan. Mó tɛɛmbuu masaa a vanaa-solia-lasálàá bɛ̀ɛ̀lan a kɔltuw bɛndoo.

Osee 7:16

O va bɛɛ mà va muungu vana o ibuŋ, mɛɛ le vana celen, kɛ o co ya Mɛlɛka o ibuŋ te. Maa kpaasiaa tennda loo nda co ni. Simlacia ndaa delinin mà vi o mɔɛi cɔwve bɛngu le diɛɛmule ndale yeovaalen. Kon tosanin ni mì vannda mam nda o lɛŋnde Esipte len nin!»