Yeremi 42:11 - BII BILA

¹¹ La yɔŋ ndɛ isiòòn a masaa Babilɔn te, ya Mɛlɛka co niaa ndi dimullo lende ni. La yɔŋ isiòòn a ndu le, kani i co niaa ikɛi, le niaa ciindiaa mì soli niaa ndu o ba.

Yeremi 42:11 Referans Kwoze

Rɔmnda 8:31

Vɛɛ naa n dimi yɛnin vɛlɛ a ken o kɔɔ? Te Hala co pɛ le naa, nɛ̀ɛ́ cɔlɔba yɛnin naa?

Yeremi 1:19

A cɔlɔbanin nɔm, kɛ a nɔlanin nɔm ɲɛ-ɲɛ tosa le. Kani i co nɔm ikɛi le nɔm baŋaa.» Ya Mɛlɛka soo nuaa ni.

Yeremi 1:8

Siòòŋii bii nɔm a nda le, kani i vanin nɔm ikɛi le nɔm baŋaa.» Mɛlɛka soo nuaa ni.

Esai 43:5

Lelan la yɔŋ isiòòn te, kani i co niaa ikɛi, i cuanin vanaa niaa co a ba paalen le can-ndo a, mì mingi nda o niaa lo nanu. I cuanin niaa nɛɛ paalen le del-la, mì cuungiaa niaa nanu.

Esai 43:2

Te la va pɛ mɛnndan taŋɔɔ, i co va niaa ikɛi, mɛmma peela bɛnduan bɛɛ, la koelinin mì la lo lenin te. Hali la va bɛɛ kelaa o yinnden nin, le lumnin niaa le. Yelenyelen leyinndo bɛɛ lumnin niaa le.

2Timote 4:17

Mɛlɛka mala ya ni, mó luei ya yoomuan, o kon mó tosa mí tiiyal vannda Yoongu Kɛndɔɔ mɛɛ o co faw yɛ, mí vanaa sina Hala le-a kpow a tuɛi. O kon mí Mɛlɛka baŋa ya, a dii ya le.

Yeremi 41:18

le Babilɔŋaa ndóò nɔ siòònde-a kɔlan levil polon, kani Ismaɛl po Netania-o dii Kedalia po Ahikam-ndo ni, o masaa Babilɔn ndóò siinguu masa ibungaa o lɛŋnde len coo-o pɛɛn.

Yeremi 27:17

La yaŋnun nda le, la tosal masaa Babilɔn baalaa, mì la baŋa yoomu niaa. Le yɛɛ niaa cɛl-lɛnin mì kobio ho muungu bémbélan?›»

Yeremi 15:20

I siinguunin nɔm maa sungbule n'daɲale kálà-kálà vannda ha o hɔl. A cɔlɔbanin nɔm, kɛ a nɔlanin nɔm te, kani i co nɔm ikɛi le nɔm baŋaa a le nɔm ciindiaa. Sɔɛi fula ya Mɛlɛka o sondo-e co ken ni.

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Condii lisai 46:11

Mɛlɛka co yondaa aa: «La sim mì la sina maa ya co Hala ni, ya co masalen tosaa vanaa-mangalaa-isɔɔa coo ni, ya o labɛngunin lɛŋnden le co ni.»

Yosue 1:9

Ya le dimul nɔm te áá lueinun yoomuan ma sim yili? Siòòŋii bii nɔm te, vu n'dial te, kani nɛɛ-nɛɛ n kɔɛ pɛ, ya Mɛlɛka Hala nɔmndo, i vanin nɔm ikɛi.»

Yosue 1:5

O palɛi n co tosa yoomu o ceendo coo-e kpow nin, vana-vana nɔlanin nɔm simullo le. I vanin nɔm ikɛi mɛɛ ya va Moise ikɛi yɛ, i faŋannin nɔm ikɛi le, i melnin nɔm te.

Tɔŋ miingua 20:4

Kani Mɛlɛka Hala niaa co kɔlan a niaa latulu. O cɔlɔbalnin niaa yaamɔaa niaa, mò baŋa niaa.›

Kundalan 14:9

Kɛ nduyɛ, la simul Mɛlɛka le. La yɔŋ vɛlɛ siòònde a vanaa co o lɛŋnde len nin-nda le. N co lakɔ nda miɔɔnɔn maa dɔɔma, kani a co lɛ o levundu bɛngu le, vundule va nda kandaa len le faŋan nda coo, naa yɛ Mɛlɛka co naa ikɛi. La vo nda le few.»

Dɛnnda kiilaa 18:10

Kani i co nɔm ikɛi. Vana-vana nɔlanin nɔm simullo mò yɔŋ nɔm ɲɛ le, bau i nɔ vannda taw o kobio ho nin.»

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Matie 10:28

La vò vanaa dii diallon kɛ a nɔla kɔllo diyɔɔ le-a le. Kɛ o niaa vo-o co Vana tosà mì kɔllo a diallon kɔɛ o ɲánndávàà-o ni.

Yeremi 27:12

Sɔɛi pilɛi ken koni ya dimul Sedekia masaa Yuda ni aa: «La cɛl sanga masaa Babilɔn co niaa tuisi coo-o, la tosal ndu baalaa a vanaa ndɔa, mì la baŋa yoomu niaa.

Condii lisai 46:7

Vanaa-mangalaa-isɔɔa co vɔngaa, masɛi co hiilɔnndo, kɛ Mɛlɛka co diomndo solio, mì lɛŋnden le va puusianndo.

2Masaa 25:26

O kon, mí vannda kpow a ɲaanun, kandɔɔ a cuaambɔa kɔ bii kaasonnda, simlacia vanaa cɔwva, má kɔannun Esipte, kani siòònde va nda a Babilɔnnda.

Condii lisai 118:6

Mɛlɛka co vana co ya malaa-o ni, siòòŋii co ya a ɲɛ-ɲɛ le, yɛɛ vanndacieea nɔla yɛ ya yɔŋ?

Yeremi 27:11

Kɛ vanaa cɛlnin mà tosal masaa Babilɔn baala o baŋnin nda tosaa-o-a, i kenin nda pɛngio o lɛŋnde ndalen nin, haliko ma va vàá, mà cal lon. Sɔɛi fula Mɛlɛka o sondo-e co ken ni.»