Yeremi 42:10 - BII BILA

¹⁰ Te la cɛl pɛ le lou o lɛŋnden nden nin, i tɛɛmbuu lɛnin niaa le, i tɔalnin niaa, i sungu lɛnin niaa le, kani mɔnɛi bii ya le dɛnɛ palaa ya tuisi niaa coo-o.

Yeremi 42:10 Referans Kwoze

Esekiɛl 36:36

Vanaa-mangalaa-isɔɔa lonin niaa a balaa pindo-a sinanin maa ya Mɛlɛka, i mingi ɲɛ va o kombɛiyo-o tangul, mí mingi ɲɛ va o tambɛiyo-o tɔlɔɔ. Ya Mɛlɛka dimi lende ni, nduyɛ i peelunin diom ya dimi-o.»

Yeremi 31:28

Háá hau, simullo tuŋ ya co nda ni, mí sungu nda, mí komba, mí kala nda, mí tɛɛmbuu, dɛnɛ palaa tuŋ ya va nda tuisio coo ni. Kɛ kɔɔlimandɔ nin, i co nda hɔlla mulul, i minginin nda cɔvɔɔ a nda mingio tɔlɔɔ.» Sɔɛi fula Mɛlɛka o sondo-e co ken ni.

Yeremi 24:6

I canin nda mì tuinun nda iɲíí, mì mingi nda o lɛŋnden nden nin. I siminin nda yili, i tɛɛmbuu lɛnin nda le. I tɔalnin nda, i sungu lɛnin nda le.

Yɔɛl 2:13

La sɛ́ɛ́siàà volɔɔla niaala cuɛinanndan o laan te, kɛ la sɛɛsiaa kɔlta niaalan, mì la muungu Mɛlɛka Hala niaa o ibuŋ. Kani o nɔ kɛndɛi a ɲííye taw. O yala kɔl tuulu le, o nɔ canyɛi taw-taw. O mangalà yiyanndo mò mal dɛnɛ palaa ndóò kɔngɔlan le tuisio-o.

Amɔs 7:6

Le hee, mí ɲííye bii Maalii, Mɛlɛka pɛɛn, mó mangala yiyanndo, mó dimi aa: «Hee bɛɛ tosannin te.»

Yeremi 33:7

I minginin vanaa ndáà bii Yuda-a, a ndáà bii Israɛl mí ndáà kɔa a nda o biyɔɔ nin-nda mɛɛ nda va o tasendɔ yɛ.

Yonas 4:2

mó dimul Mɛlɛka aa: «Àá Mɛlɛka! Hee ya va dimio lɔ́ɔ́ ya va vɔ o lɛŋnde nilen nin-ndo ni. Lelan yáà cɛn vɛlɛ le ɲaanɔnndo Tarsis ni. Kani yáà sina maa nɔm Hala, vana ikɛndɔɔ n co ni. A hiw ɲííye nɔu, a yala kɔl tuulu le, a faŋan o lediom coo le. A nɛi dɛnɛ palaa nɔm óò kɔngɔlan le vannda tuisio coo-o mangala le.

Yonas 3:10

Telen Hala ce maa Ninivea co mangalanndo, má va dɛnnda ndala vɔɔnndan malɔɔ-o, mó tuinun nda iɲíí le dɛnɛ palaa ndóò kɔngɔlan le nda tuisio coo-o.

Amɔs 7:3

O kon mí ɲííye bii Mɛlɛka, mó mangala yiyanndo, mó dimi aa: «Ken tosannin te!»

Osee 11:8

Vɛ̀ɛ̀ ya nɔla yɛnin niaa kɛɛ, niaa cuavaa-imamaa Efraim-nda? Éé niaa Israɛlla, vɛ̀ɛ̀ ya tiw yɛnin ba mì yii niaa dúmbú? Vɛ̀ɛ̀ ya nɔla yɛnin mì tosal niaa maa kobio Adma, te kon te mì siinguu niaa maa kobio Seboyim? Kɔllo hiilun ya nin, ɲííye bii ya taw-taw.

Fulaa 32:14

O kon, mí Mɛlɛka ɲulul kɔl a yungu ndɔɔ, mó mal yiyan va ndu le nda kpundɔɔ tuisio coo-o.

Dɛnnda kiilaa 15:16

‹O kon kɔɔli, i hunnin vɛlɛ mì mingi cɛi David del-lo toosiaa, i minginin ndu tangul, mì mingi ndu simi.

Yeremi 26:19

Vɛ̀ɛ̀ diyɔɔ masaa Esekia a vannda Yuda a dii Misee le sɔɛi ken ni? A dii ndu le, kɛ má ke Mɛlɛka bɛɛlen taw, má kindin le ndu hɛnanndo. O kon mí Mɛlɛka mangala yiyan va ndu-o, o tuisi lɛ nda dɛnɛ palaa ndóò kɔngɔlan le nda tuisio coo-o coo le. Kɛ te naa naa n dii pɛ langbanɔɔ ho, mɛɛ n co dɛnɛ palaa bɛndoo tuisin coo.»

Condii lisai 106:45

mó yiyan le kpema ndóò yiilu nda-o. Le tùú o kaola nda taw-vo, mó mangala tuu ndóò tuu kon-ndo,

Condii lisai 102:16

Vanaa-mangalaa-isɔɔa kpow vonin nɔm Mɛlɛka, mì masaa co o lɛŋnden coo-a kpow a ke biilu nɔmndo bɛɛlen.

Condii lisai 69:35

Niaa ɲɛm co o halataala-on, niaa ɲɛm co o lɛŋnden coo-on, a niaa ɲɛm co o mɛmma ihɛllan nin-ndon, la sangala Mɛlɛka!

Condii lisai 37:3

Laalan Mɛlɛka, mà tosa dɛnɛ kɛndɔɔ. O kon, a calnunnin nila ɲulu o lɛŋnden nin, ma dɔwnun balo a vanakɛndɛyɛi.

2Samiɛl 24:16

Mɛlɛkanɔ Hala-o siɛndio baa a kpengii Yerusalɛm-nde le Yerusalɛm kon tɛɛmbuuo, mí ɲííye bii Mɛlɛka, mó mangala yiyanndo. Mó dimul mɛlɛkanɔ tɛɛmbua kon aa: «O va nihau nuaa, tuisi baa.» Tuma kon kpafii, mɛlɛkanɔ Hala-o va o kpele lɔaa n'mal Haarawna Yebusiinɔ-o ikɛi.

Masaa kialaa n'yamaa 2:18

Masa kialaa n'yama oo masa kialaa n'yama Mɛlɛka ndóò simi pɛ nda laci, háá mí masa kialaa n'yama kon ndóò vi, Mɛlɛka va ndu ikɛi le nda baŋaa yaamɔaa ndaa o ba. Kani ɲííye va Mɛlɛka a nda le koŋul nda va o bɛpɛla yaamɔaa ndaa va nda tuisio coo-o bɛngu-o.

Tɔŋ miingua 32:36

Kani Mɛlɛka kialunin yamɛi vanaa ndɔa. O tuinunnin vanaa baalaa ndɔa iɲíí lɔ́ɔ́ o canin maa yoomuma ndan maa cuu-o, telen o canin maa cɛ co lɛ le, hɔ́ɔ́ co lɛ loo.

Yeremi 27:11

Kɛ vanaa cɛlnin mà tosal masaa Babilɔn baala o baŋnin nda tosaa-o-a, i kenin nda pɛngio o lɛŋnde ndalen nin, haliko ma va vàá, mà cal lon. Sɔɛi fula Mɛlɛka o sondo-e co ken ni.»

Yeremi 43:4

O kon kandɔɔ a Yohanan po Karea-o, simlacia vanaa cɔwva kpow, kɔ bii a vannda kpow, vana-vana bii diom Mɛlɛka dimul nda le lou o tàndá Yuda-o nin-ndo le.

Yonas 3:4

Mí Yonas tiiya ciee. Mó niinu balɔɔ lenin a yondaa aa: «Nanu a palɛi belehiɔɔlu, Ninive co hunɔɔ itambu few-few!»