Yeremi 42:1 - BII BILA

¹ O kon, mí simlacia vanaa cɔwva kpow a sɔɔnguu, handɔɔ Yohanan po Karea-o a Yesania po Hosaya-o a vannda kpow coo, kandɔɔ a cuaambɔa kɔ bii a kaasonnda,

Yeremi 42:1 Referans Kwoze

Yeremi 41:11

Mí Yohanan po Karea-o nda simlacia vanaa cɔvaa va ndu ikɛi-ya kpow a tuɛi dɛnɛ vɔɔn Ismaɛl po Netania-o ndóò tosa-o.

Yeremi 40:13

Mí Yohanan po Karea-o nda simlacia vanaa cɔvaa va yondoo nin-nda kpow a hun o Kedalia lo Mispa.

Yeremi 6:13

Kani kandɔɔ a cuaambɔ hiow dɔɔnanndo nda tɛɛn-ndo, kɔ bii a kaasonɔ hiow nda faw-vo, nda kpow, vana-vana nɔ hɔlten tɔnɔ ndɔ ndu pila-o kɔɔli. Kandɔɔ a vanaa-tɛɛngaa-diom Hala-a, kɔ bii a vana-solia-lasálàá, nda kpow vanaa lakafaa kposon.

Yeremi 44:12

I biinin vanaa tɔ̀a lonin yoomu Yuda-a, a muli hɔlla le kɔlan vionnɔnndo Esipte-a, mí nda kpede a sɔla piɔ́mndo o lɛŋnde len nin o cɔwvo, te kon te a yima fofolan. Kandɔɔ a cuaambɔa kɔ bii a kaasonnda, a delinin o mɔɛi cɔwve bɛngu te kon te ma cuu a yima fofolan. Vannda cuanin nda tɔɔmaseloo le mɛnanndo, te kon te le sɔɔn lasiɛmboo dimio.

Yeremi 42:8

Mí ndu Yeremi veelu Yohanan po Karea-o, simlacia vanaa cɔvaa va ndu ikɛi-ya kpow, a vanaa va lon-nda kpow, vana-vana lo kɔɔli le.

Yeremi 40:8

Mí simlacia kan muungu o Kedalia lo Mispa, nda co ha ni: Ismaɛl po Netania-o, Yohanan a Yonatan poaa Karea-a, Seraya po Tanhumɛt-o, poaa Efai fula Netofa-o, a Yesania po Maaka-o, a poaa va nda kɔɔli-a.

Dɛnnda kiilaa 8:10

Nduyɛ vannda kpow, kandɔɔ cuaambɔa pɔm-pɔmbɔa, kɔ bii a kaasonnda a va ndu bɛɛle bɛndu-bɛndu len keo. Má va dimio aa: «Kpaaya Hala-o langbanɔɔ ho co ni, o nda veelu aa: ‹Kpaayaa-Bɛndoo›-o pɛɛn.»

Yeremi 8:10

Lelan, i co laandaa ndaa malɔɔ vanaa celen o ba, mì mal ciɛɔn ndan vanaa hialunin mun-nda o ba. Kani kandɔɔ a cuaambɔɔ, kɔ bii háá a kaasonɔɔ, nda kpow vana-vana co fafaláà le ɲɛ-sɔlaa. Kandɔɔ a vana-tɛɛngaa-diom Hala-o, kɔ bii a vana-solia-lasálàá, nda kpow a vow balan o kafalan nin.

Matie 15:8

‹A n'cɔcɔ vannda ha co ya biiloo ni, kɛ kɔlta ndalan la co bɔɔ ya levil.

Esekiɛl 33:31

A co hunɔɔ sɛ́lɛ́ bɛndoo fili-fili o nɔm ndo, vanaa niaa kan pɛɛn, a co hunɔɔ calle nɔm o hɔl. A co nilan yaŋɔɔ o sɔɔn nɔmndon, kɛ a co kela lecoo le, kani a sondo yeelaa koni nda co sɔɛi ni, kɛ o kɔlta ndalan nin, tɔnɔ nda pila-o daama nda co nuwviaa ni.

Esekiɛl 11:1

Mí kɔl Hala-o cua ya, mó kɔa a ya o dio Cɛi-Mɛlɛka-o sondoo, dio co a ba paalen le can-ndo-o, o muli hɔlla a kpengii paalen le can-ndo-o pɛɛn. Tofa vɔ, vanpiaandua bidiin a à ŋuɛɛnu a va o dio kon sondoo, mí ca Yaasania po Asur-o nda Pelatia po Benaya-o, a va simlacia vannda-a o vanaa kan tɛɛn.

Esekiɛl 8:11

N'van belaŋɔmmɛw o vanaa kɔlkalua Israɛlla tɛɛn a va isisi piɔmaa kan o hɔl, Yaasania po Safan-ndo va isisi nda tɛɛn. Vana-vana óò nɔ bonyii fuusɛi o ba, kumii bɛndu-bɛndui ansan va ŋɔu o bonyun mun nin-nde va helɔɔ coocoo tukpe-tukpe.

Yeremi 42:20

Niaa pila dimul-la ni aa ya ɲuna Mɛlɛka Hala niaa. Mí la dimul-la aa: «Ɲɔɔlul naa Mɛlɛka Hala naa, mà tɛɛngul naa diomnde o dimulnin nɔm-nden sanaa, o kon mì n kela lecoo.» Niaa pila luei bollen o ken nin ni.

Yeremi 41:16

Mí Yohanan po Karea-o nda simlacia vanaa cɔvaa va ndu ikɛi-ya kpow, a cua vanaa tɔ̀a lo-a, má hialu nda Ismaɛl po Netania-o o ba. Vanaa ndóò bii Mispa telen ndóò dii Kedalia po Ahikam-ndo-a. Mí Yohanan cua vanaa cɔwva, vanlaandua, cuaambɔa a vanaa nda tɛnda bosio-a, mó faŋan Kabaɔn, mó muungu a nda.

Esai 48:1

«Niaa cuavaa Yakɔb-a, niaa co o diola Israɛl-tan bɛngu-a, niaa fula o mɛmma co o tàndá Yuda-o nin-ndan nin-nda, niaa co mɛnanndo o diola Mɛlɛka lan-nda, niaa co Hala Israɛl-lo piɛiyo o co a toɲa le, o co a isandu le-a, la yaŋ-ndɔ nila mì la tuei!

Esai 29:13

Maalii dimi aa: «A sɔɛi sondoei daama vannda ha co sɔɔnguuo ya o ibuŋ ni, a n'cɔcɔ daama nda co ya biiloo ni, kɛ kɔlta ndalan la co bɔɔ levil a ya, siòòŋii nda nɔ a ya-e, tɔŋ dɛnɛ ivanacieeyaa daama i co ni.

2Masaa 25:23

Lɔ́ɔ́ simlacia vanaa cɔwva a vanaa ndaa cɔwva kpow a tuei maa masaa Babilɔn suili Kedalia masa ibungaa-o, má kɔa o ndu lo nɛɛ o va Mispa-a. Vanaa kɔɛ kan o ndu lo-a yɔŋnun haa ni: Ismaɛl po Netania-o, Yohanan po Karea-o, Seraya po Tanhumɛt fula Netofa-o-o a Yaasaniahu po langbanɔ fula Maaka-o nda vanaa ndaa cɔwva kpow.

Yeremi 37:3

Mí masaa Sedekia viam Yɛhukal po Selemia-o nda Sofoni po Maaseya vana-solia-lasálàá-o, o Yeremi vana-tɛɛngaa-diom Hala-o lo le ndu dimullo aa: «Piɛi Mɛlɛka, mà tɛɛlun ndu le naa.»

Yeremi 41:18

le Babilɔŋaa ndóò nɔ siòònde-a kɔlan levil polon, kani Ismaɛl po Netania-o dii Kedalia po Ahikam-ndo ni, o masaa Babilɔn ndóò siinguu masa ibungaa o lɛŋnde len coo-o pɛɛn.

Yeremi 43:2

mí Asaria po Hosaya-o, Yohanan po Karea-o, a vanaa sondola kalaa va kan lon-nda kpow a cua sɔɛi, má dimul Yeremi aa: «Ɲɛ-ɲɛ n co hoo dimio, còòlan fúú! Mɛlɛka Hala naa dimul nɔm le naa kuuna lakɔ caltan Esipte le.»