Yeremi 41:5 - BII BILA

⁵ Mí vanpiaandua belaŋɔmaa fula Sikɛm, Silo a Samari, ndáà nɔ siayun sendian a volɔɔla sɛɛsiɛilan nda lekɔɔ, boolɔnndan la va nda kɔɔlen kpede. Má hun a kela n'mal tan a ansan le lan yɔngoo o Cɛi-Hala-o nin Yerusalɛm.

Yeremi 41:5 Referans Kwoze

1Masaa 16:24

O kon kɔɔli, mó kɔa o Semɛr lo, mó piandu pembei Samari volin latámán vàálan tan ŋɔmpum. Mó tangul kobio o pembii ken coo, mó ke ndu diolan aa Samari, kani lende Semɛr, vana ndóò nɔ fonda kon-ndo ndóò nɔ diolan ni.

2Masaa 25:9

Mɛɛ luɛi Yerusalɛm, mó loam Cɛi-Mɛlɛka-o, cɛi lemasaa a Yerusalɛm tɔ̀u kpow, kɛ taama-taama, cɛila sɔvɛla va lon-ndan.

Yosue 18:1

Mí Israɛlla kpow a cuungian Silo, má baŋ cɛi-kola-toandaa-labɔɔŋianndo lon. Lɛŋnden kpow le va nda o ba bɛngu.

Tɔŋ miingua 14:1

«Cuavaa Mɛlɛka-a niaa co ni, Hala niaa pɛɛn. Lelan, la kiaŋnun vaasan lekɔɔ le, la sendin temboo o kpokpoo coo le dɛnɛ vana vílɛ́iyo le.

1Masaa 12:1

Mí Roboam kɔa Sikɛm, kani Sikɛm lon Israɛlla kpow ndáà cuungian le ndu siinguuo masaa ni.

Masaa kialaa n'yamaa 9:1

Mí Abimelɛk po Yerubaal-lo kɔa Sikɛm le sɔɛi nda bomaa ndɔa, a yungu kala ndɔ-o kpow. Mó dimul nda aa:

O Kandɔɔ 33:18

Mɛɛ Yakɔb faŋan Padan-Aram, mó tiiya a kɔlɲuloo o kobio Sikɛm nin, o lɛŋnde Kanaan-nden nin. Mó kɔ kila dɔ́ɔ́ngɔ́ ndɔɔ o kobio hɔl-ndɔ.

Esai 15:2

Vannda co helɔɔ o cɛi máándo nin, a co kɔlan Dibɔn. A co kɔlan o fondala soolaalan le caŋndo, vannda hel Nebo a Medeba ma va somisominndo. Vannda kpede a sendi bolle, nda kpow a sendi siaiyon.

1Masaa 16:29

O vɔsi beleyaa a o ŋɔmaandɔɔ o masale Asa va masaa Yuda-o len bɛngu, mí Akab, po Ɔmri-o siŋnun masa Israɛlla. Mó tosa masalen Samari vɔsilan bidiin a latiɔn.

1Masaa 12:25

Mí Yeroboam siinguu kobio Sikɛm kobi mayoomoo o tàndà n'pembu Efraim-ndo nin, mó cal lon. O kon kɔɔli, mó can ndon, mó kɔ tangul vɛlɛ kobio Penuɛl.

1Samiɛl 1:7

Lende Ɛlkana ndóò tosa vɔsi oo vɔsi ni. Nduyɛ, telen oo telen Anɛɛ ndóò kɔɛ pɛ o Cɛi-Mɛlɛka-o nin, mɔnɛi pilɛi ken tuŋ Penina ndóò luei ndu ni. Vɔsio pum, mí Anɛɛ pial caŋndo, mó kɛɛ le ɲɛ-ɲɛ dioo.

Yeremi 7:14

ɲɛ ya tosa a Silo-o, ndu koni ya co tosa a cɛiyo ho ni, cɛi diola nilan la co hoo veelɔnndo nin-ndo, o niaa kɛsi kɔllo coo-o, fonda ya ke kon fuɲaa niaa mamaa a niaa-o pɛɛn.

Yeremi 7:12

Lelan, la kɔ Silo o fonda ni diandaa, nɛɛ diola nilan la va veelɔnndo o tasendɔ-a, mì la kɔ tofa mɔnɛ ya soli a fonda kon, le dɛnɛ vɔɔn vanaa niaa Israɛlla tosa-o.

Condii lisai 102:14

Ɲííye biinin nɔm a vannda Siɔn, kani telenndo co hoo ni, le nda kɛndɛi tosallo, a toɲa, telenndo tiiya.

2Samiɛl 10:4

Le hee, mí Hanun bii vanaa bɛndua David vem kan-nda, mó viam vannda, má sendi nda siaiyon baa pilɔɔ, má kili nda volɔɔlan lekɔɔ o pɛɛngu yɔŋnda tumndan, má mal nda niko muungoo.

Yosue 24:32

Sikɛm lon nda kumbu paala Yosɛf la ndáà fula Esipte mí ndáà hun a lan-ndan ni. O lɛŋnde Yakɔb ndóò pendu a volin latámán kɛmɛ poaa Hamɔr-a o ba len coo, Hamɔr soli Sikɛm-ndo pɛɛn. Mí lɛŋnde len le siŋnun kɛ́ poaa polale Yosɛf len.

O Kandɔɔ 34:2

Mí Sikɛm, po Hamɔr Heviinɔ va masalen tosaa o tàndà kon coo-o ca ndu. Mó kpuva ndu, mó hini a ndu, mó tɛɛmbuu ndu labɛɛ.

O Kandɔɔ 37:12

Mí bɛndaa Yosɛf-a kɔa cɔlua fuɲa nda-a mandaa o tàndàá Sikɛm nin.

Masaa kialaa n'yamaa 18:31

Piɔm Mika kon va o mandaa nda o ba lon o telen Cɛi-Hala-o cii Silo-o kpow bɛngu.

Condii lisai 78:60

Mó faŋan o cɛi o va nin Silo-o nin, cɛi-kola-toandaa o va nin yungu ndɔɔ tɛɛn-ndo.

Yeremi 16:6

Vanaa bolofaa te kon te vanaa bala fondoa vunin o lɛŋnden nden nin, vana venin le nda kumbɔɔ le, vana venin le nda caŋ te. Vana-vana mɔnɛi biinin mò keŋnun vaasan lekɔɔ, te kon te mò sendin tembello le biisi ndaa le.

Yeremi 41:4

Palɛi ŋiin o diyɔɔ nda dii Kedalia-o kɔɔli, vana-vana ndóò sina vɔ a dɛnɛ kon o kɔɔ le.

Yeremi 47:5

Vannda sendinnin tembeltan Kaasa. Vannda meinin Askelɔn kpili-kpili. Niaa vanaa lonin yoomu-a yɛ, háá lɔ́ɔ́ kuɛɛ niaa va yɛnin vaasan kioŋnɔnndo lekɔɔ?

Yeremi 48:37

Kani vanpiaandua kpow a sendin tembeltan a siaiyon. A keŋnun vaasan o balan, má vownun volɔɔla dɛnɛ palaalan.

Yɔɛl 2:13

La sɛ́ɛ́siàà volɔɔla niaala cuɛinanndan o laan te, kɛ la sɛɛsiaa kɔlta niaalan, mì la muungu Mɛlɛka Hala niaa o ibuŋ. Kani o nɔ kɛndɛi a ɲííye taw. O yala kɔl tuulu le, o nɔ canyɛi taw-taw. O mangalà yiyanndo mò mal dɛnɛ palaa ndóò kɔngɔlan le tuisio-o.

1Dɛnnda lemasalan 19:4

O kon mí Hanun viam vannda, má kɔ bii vanaa bɛndua David ndóò vem kan-nda, má sendi nda siaiyon, má kili nda volɔɔlan lekɔɔ pɛɛngu yɔŋnda tumndan, má toaw nda.