Yeremi 41:2 - BII BILA

² Fɔ́ɔ́fɔ̀, mí Ismaɛl po Netania-o can nda n'van tɔ́a o hin kan kɔɔli-a, má del Kedalia po Ahikam-ndo, po imama Safan-ndo coo, má cuku ndu a mɔɛi cɔwve. Nuaa nda looku vana masaa Babilɔn ndóò siinguu masa ibungaa-o diyɔɔ ni.

Yeremi 41:2 Referans Kwoze

2Masaa 25:25

Kɛ o paangii ŋɔmmɛwndɔɛi nin, mí Ismaɛl po Netania-o, po imama Elisama-o, fulaa o yungu lemasaa nin, hun a vanaa ndɔa cɔwva n'van tɔ́ kɔɔli, má hun dii Kedalia, má diw vɛlɛ Yuifia a Babilɔŋaa va Kedalia ikɛi Mispa-a.

Yeremi 40:5

Kɛ le mɛɛ Yeremi yala muli le yɛ, mí Nebusaradan dimi vɛlɛ aa: «A tiwba ma muungu o Kedalia po Ahikam-ndo, po imama Safan-ndo lo, o masaa Babilɔn siinguu simlacinɔɔ le kobilan Yuda-o pɛɛn. Mà kɔ lo o ndu lo vannda tɛɛn, te kon te, a kɔɛ nɛɛ n yeema-a.» Mí simlacinɔ kpalilla ke ndu ɲɛm dian le dio nɛi-tɛɛn a ɲɛ-sɔlaa. O kon mó mal ndu n'pelu. O kon mí Yeremi kɔa Mispa o Kedalia lo, mó kɔ va ndu o bɛngu coo vanaa lo o lɛŋnden nin-nda tɛɛn.

Yeremi 40:7

Nduyɛ, simlacia kundala vanaa cɔvaa va vɔ yondoo nin. Má tuɛi maa masaa Babilɔn cii Kedalia po Ahikam-ndo siinguu masa ibungaa vanaa bala fondoa ndáà mɛi o lɛŋnden nin-nda coo, vanpiaandua, vanlaandua a cuaambɔa Yuda kpow.

Condii lisai 109:5

I co nda dɛnɛ kɛndɔɔ tosallo, mì nda va ya dɛnɛ vɔɔndo mingullo. I co nda canyɛi cɔmndo, mì nda va ya nɛyɔnndo tosallo.

Condii lisai 41:9

«Ɲɛ palaa vɔɔndo tol ndu coo nuaa ni. Má cè ndu ihini, o cen ndɛnin te.»

2Samiɛl 3:27

Mɛɛ nda hin a Abnɛr Hebrɔn, mí Yoab kɔ sim a ndu lándán, o dio kobio sondoo, maa mɛɛ vana yeema le vanndo isɔɔ dimul fɛ́ɛ́-fɛ́ɛ́. Simndan dɔ́ɔ́, mó cuku ndu demboo le diyɔɔ o dii Asaɛl pɔmbɔ ndɔ-o. O kon mí Abnɛr vu.

Nsaŋ 13:18

O co le niaa kpow le ya co sɔɛi he dimio le, i sínà vanaa ya hɛli-a. Kɛ fɔ mì Sɔɛi sɛvan-nde peelun aa: ‹Vana naa n va ɲɛdiaa dioo latulu-o heelu bɛngoo le ya nɛiyo ni.›

Yeremi 40:8

Mí simlacia kan muungu o Kedalia lo Mispa, nda co ha ni: Ismaɛl po Netania-o, Yohanan a Yonatan poaa Karea-a, Seraya po Tanhumɛt-o, poaa Efai fula Netofa-o, a Yesania po Maaka-o, a poaa va nda kɔɔli-a.

Yeremi 41:3

Mí Ismaɛl diw vɛlɛ Yuifia va o Kedalia lo Mispa lon-nda a vanaa cɔwva Babilɔŋaa va lon-nda.

Yeremi 40:14

Má dimul ndu aa: «A sina pá maa Baalis masa Amɔnnda vem Ismaɛl po Netania-o le nɔm hunɔɔ diyɔɔ? Kɛ Kedalia po Ahikam-ndo laalan nda le.

Yeremi 40:16

Mí Kedalia po Ahikam-ndo mulul Yohanan po Karea-o aa: «Tosa kon te, kani ɲɛ n co dimio a Ismaɛl-lo co toɲa le.