Yeremi 41:1 - BII BILA

¹ O paangii ŋɔmmɛwndɔɛi, mí Ismaɛl po Netania-o po imama Elisama-o, fulaa o yungu masaa nin, o va vɛlɛ vana pilɛ o simlacia lebolla nin. Mó hun a n'van tɔ́ kɔɔli o Kedalia po Ahikam-ndo lo Mispa. Má dia ɲɛdiaa latulu Mispa lon.

Yeremi 41:1 Referans Kwoze

Yeremi 40:8

Mí simlacia kan muungu o Kedalia lo Mispa, nda co ha ni: Ismaɛl po Netania-o, Yohanan a Yonatan poaa Karea-a, Seraya po Tanhumɛt-o, poaa Efai fula Netofa-o, a Yesania po Maaka-o, a poaa va nda kɔɔli-a.

Condii lisai 41:9

«Ɲɛ palaa vɔɔndo tol ndu coo nuaa ni. Má cè ndu ihini, o cen ndɛnin te.»

Nsaŋ 13:18

O co le niaa kpow le ya co sɔɛi he dimio le, i sínà vanaa ya hɛli-a. Kɛ fɔ mì Sɔɛi sɛvan-nde peelun aa: ‹Vana naa n va ɲɛdiaa dioo latulu-o heelu bɛngoo le ya nɛiyo ni.›

Esekiɛl 17:13

Mó hɛli vanndo o polale lemasalen coo, mó yii kpemaa a ndu, mó viam ndu mɛnanndo, mó kɔa a vanaa bɛndua lelɛŋnda,

Yeremi 36:20

O kon má mɛi sɛbɛ kalaa o cɛi baala Elisama vana sɛvaa-o nin, má kɔa o masa lo bɛɛ, má kɔ downun ndu sɔɔn mun kpow kona.

Yeremi 36:12

mó toal o cɛi lemasaa nin, mó kɔa o cɛi vana sɛvaa nin di. Simlacia kpede a va o bɔŋanndo coo lon, Elisama vana sɛvaa va lon, Delaya po Semaya-o, Ɛlnatan po Akbɔr-o, Kemaria po Safan-ndo, Sedekia po Hanania-o a simlacia tɔ̀a kpow.

Talelan 27:4

Kɔltuwvo vɔw taw, yolɛi bɛɛ maa mɛmma hunaa i co ni. Kɛ nɛ̀ɛ́ nɔlà ba paŋalaa simullo?

Talelan 13:10

Yongaa hun a sɛɛngianndan ni, kɛ le vanaa bii silaa-a kɔlkaloo co ni.

Condii lisai 109:5

I co nda dɛnɛ kɛndɔɔ tosallo, mì nda va ya dɛnɛ vɔɔndo mingullo. I co nda canyɛi cɔmndo, mì nda va ya nɛyɔnndo tosallo.

2Dɛnnda lemasalan 22:10

Atali kalaa Ahasia cɔu maa po ndɔ vi, mó can, mó viam vannda le kɔlan poaa yungu lemasaa Yuda kpow diwvo.

2Masaa 25:25

Kɛ o paangii ŋɔmmɛwndɔɛi nin, mí Ismaɛl po Netania-o, po imama Elisama-o, fulaa o yungu lemasaa nin, hun a vanaa ndɔa cɔwva n'van tɔ́ kɔɔli, má hun dii Kedalia, má diw vɛlɛ Yuifia a Babilɔŋaa va Kedalia ikɛi Mispa-a.

2Masaa 11:1

Atali kalaa Ahasia cɔu maa po ndɔ vi, mó can, mó viam vannda le kɔlan poaa yungu lemasaa kpow diwvo.

2Samiɛl 3:27

Mɛɛ nda hin a Abnɛr Hebrɔn, mí Yoab kɔ sim a ndu lándán, o dio kobio sondoo, maa mɛɛ vana yeema le vanndo isɔɔ dimul fɛ́ɛ́-fɛ́ɛ́. Simndan dɔ́ɔ́, mó cuku ndu demboo le diyɔɔ o dii Asaɛl pɔmbɔ ndɔ-o. O kon mí Abnɛr vu.

Yeremi 39:14

a viam vannda Yeremi kɔɔli nɛɛ o va o bɛ́ɛ̀ cɛi kaasoo nin-nda, má sɔaa ndu Kedalia po Ahikam-ndo, po imama Safan-ndo o ba, le kɔlan a ndu o ndu lo. Mó kɔ va lon nda vannda latulu.

Yeremi 40:5

Kɛ le mɛɛ Yeremi yala muli le yɛ, mí Nebusaradan dimi vɛlɛ aa: «A tiwba ma muungu o Kedalia po Ahikam-ndo, po imama Safan-ndo lo, o masaa Babilɔn siinguu simlacinɔɔ le kobilan Yuda-o pɛɛn. Mà kɔ lo o ndu lo vannda tɛɛn, te kon te, a kɔɛ nɛɛ n yeema-a.» Mí simlacinɔ kpalilla ke ndu ɲɛm dian le dio nɛi-tɛɛn a ɲɛ-sɔlaa. O kon mó mal ndu n'pelu. O kon mí Yeremi kɔa Mispa o Kedalia lo, mó kɔ va ndu o bɛngu coo vanaa lo o lɛŋnden nin-nda tɛɛn.

Yeremi 40:13

Mí Yohanan po Karea-o nda simlacia vanaa cɔvaa va yondoo nin-nda kpow a hun o Kedalia lo Mispa.

2Masaa 25:22

Vanaa Nebukanɛsar masaa Babilɔn cɛl-lɛ le lou lon-nda, mó handu Kedalia po Ahikam-ndo, po imama Safan-ndo masa ibungaa nda coo.

Yeremi 40:7

Nduyɛ, simlacia kundala vanaa cɔvaa va vɔ yondoo nin. Má tuɛi maa masaa Babilɔn cii Kedalia po Ahikam-ndo siinguu masa ibungaa vanaa bala fondoa ndáà mɛi o lɛŋnden nin-nda coo, vanpiaandua, vanlaandua a cuaambɔa Yuda kpow.