Yeremi 40:7 - BII BILA

⁷ Nduyɛ, simlacia kundala vanaa cɔvaa va vɔ yondoo nin. Má tuɛi maa masaa Babilɔn cii Kedalia po Ahikam-ndo siinguu masa ibungaa vanaa bala fondoa ndáà mɛi o lɛŋnden nin-nda coo, vanpiaandua, vanlaandua a cuaambɔa Yuda kpow.

Yeremi 40:7 Referans Kwoze

Yeremi 39:10

Kɛ mó mɛi vanaa bala fondoa pum o tàndá Yuda-o nin, vanaa ndáà nɔ ɲɛ-ɲɛ le-a pɛɛn, o kon mó ke nda nakɔla n'rɛsɛnnda a yondolan.

Esekiɛl 45:16

Vanaa co o lɛŋnde len nin-nda kpow a bɛnda mà faaŋiaa ɲɛm pesin mun diolan-ndon le simlacinɔ co o lɛŋnde Israɛl-ten coo-o.

Yeremi 39:4

Sedekia masaa Yuda nda vanaa ndɔa cɔwva cɔu dɔ́ɔ́ nda, má ɲaanun, má kei o nakɔ lemasaa, a o dio co o kpakila tiɔnndan tɛɛn-ndo, má bii nɛi kɔɛ o bóllo Yurdɛn-ndo.

2Masaa 25:4

mí Babilɔnnda buli soondo o kpaki kobio. A balɔɔ Babilɔnnda ndáà balu kon kobio sɔ́-o kpow, ɲumndan tolɔɔ, mí vanaa cɔwva Yuda kpow a ɲaanun. Má kei o nɛi va o dio va o kpakila tiɔnndan tɛɛn-ndo-o, o nakɔ masaa ikɛi. Mí masaa Sedekia ndu kei a nɛi óò kɔɛ a ba bóllo Yurdɛn-ndo, mí ndu bɛɛ ɲaanun.

2Masaa 25:12

Kɛ nduyɛ, mí Nebusaradan, bolle vanaa kándà masaa-a cɛl, mó mɛi vanaa bala fondoa pum le rɛsɛnndon tɔlɔɔ a ciɛɔn vàá.

Yeremi 41:11

Mí Yohanan po Karea-o nda simlacia vanaa cɔvaa va ndu ikɛi-ya kpow a tuɛi dɛnɛ vɔɔn Ismaɛl po Netania-o ndóò tosa-o.

Yeremi 43:6

Vanpiaandua, vanlaandua, cuaambɔa, cuavaa laandua masaa, a vanaa Nebusaradan bolle kpalilla ndóò mɛi Kedalia o ba bɛngu-a kpow, Nebusaradan po Ahikam-ndo, po imama Safan-ndo pɛɛn. Má bii vɛlɛ Yeremi vana-tɛɛngaa-diom Hala-o nda Baruk po Neriya-o, má kɔa a nda.

Yeremi 52:16

Kɛ mó mɛi vanaa bala fondoa tiŋ lon le nakɔla n'rɛsɛnndan a ciɛɔn koma vàá.

Yeremi 39:9

Mí Nebusaradan simlacinɔ kpalilaa cumulaa bii vanaa ndáà lo icali o kobio nin-nda, vanaa ndáà yɔngun masaa Babilɔn-nda a vanaa-vanaa ndáà caa baalala labalan. Mó kɔa a nda o biyɔɔ nin Babilɔn.

Yeremi 39:14

a viam vannda Yeremi kɔɔli nɛɛ o va o bɛ́ɛ̀ cɛi kaasoo nin-nda, má sɔaa ndu Kedalia po Ahikam-ndo, po imama Safan-ndo o ba, le kɔlan a ndu o ndu lo. Mó kɔ va lon nda vannda latulu.

Yeremi 41:1

O paangii ŋɔmmɛwndɔɛi, mí Ismaɛl po Netania-o po imama Elisama-o, fulaa o yungu masaa nin, o va vɛlɛ vana pilɛ o simlacia lebolla nin. Mó hun a n'van tɔ́ kɔɔli o Kedalia po Ahikam-ndo lo Mispa. Má dia ɲɛdiaa latulu Mispa lon.

Yeremi 41:10

O kon kɔɔli, mí Ismaɛl mal vanaa tɔ̀a lo Mispa-a kpow o kaasoo a cuavaa laandua masaa. Vanaa Nebusaradan simlacinɔ kpalilla ndóò sɔɔ Kedalia po Ahikam-ndo o ba bɛngu-a. O kon mí Ismaɛl bii nda o cɛlen nin, mó kɔa o Amɔnnda lo.