Yeremi 40:5 - BII BILA

^5-6 Kɛ le mɛɛ Yeremi yala muli le yɛ, mí Nebusaradan dimi vɛlɛ aa: «A tiwba ma muungu o Kedalia po Ahikam-ndo, po imama Safan-ndo lo, o masaa Babilɔn siinguu simlacinɔɔ le kobilan Yuda-o pɛɛn. Mà kɔ lo o ndu lo vannda tɛɛn, te kon te, a kɔɛ nɛɛ n yeema-a.» Mí simlacinɔ kpalilla ke ndu ɲɛm dian le dio nɛi-tɛɛn a ɲɛ-sɔlaa. O kon mó mal ndu n'pelu. O kon mí Yeremi kɔa Mispa o Kedalia lo, mó kɔ va ndu o bɛngu coo vanaa lo o lɛŋnden nin-nda tɛɛn.

Yeremi 40:5 Referans Kwoze

Yeremi 39:14

a viam vannda Yeremi kɔɔli nɛɛ o va o bɛ́ɛ̀ cɛi kaasoo nin-nda, má sɔaa ndu Kedalia po Ahikam-ndo, po imama Safan-ndo o ba, le kɔlan a ndu o ndu lo. Mó kɔ va lon nda vannda latulu.

Yeremi 41:2

Fɔ́ɔ́fɔ̀, mí Ismaɛl po Netania-o can nda n'van tɔ́a o hin kan kɔɔli-a, má del Kedalia po Ahikam-ndo, po imama Safan-ndo coo, má cuku ndu a mɔɛi cɔwve. Nuaa nda looku vana masaa Babilɔn ndóò siinguu masa ibungaa-o diyɔɔ ni.

Hebreea 13:6

Lelan n tiwba mì n dimi a laalanndo aa: «Mɛlɛka co vana co ya malaa-o ni, siòòŋii co ya a ɲɛ-ɲɛ le. Yɛɛ vanndacieea nɔla yɛ ya yɔŋ?»

Dɛnnda kiilaa 28:10

Má ke naa bɛɛlen taw. Telen naa n va faŋanndo-o, má ke naa ɲɛ-ɲɛ naa n nɔ makoo le kɔlan.

Dɛnnda kiilaa 27:43

Kɛ mí simlacinɔ vanaa cɔvaa kɛmɛa, óò yeema le Pol ciindiaa-o kuuna nda le kon tosaa. Mó dimul vanaa caa sanaa-a maa nda deli fɔlɔn o peelo, mà tiiya o kɔngɔ,

Dɛnnda kiilaa 27:3

Diimandɔɔ, mí n tiiya Sidɔn. Mí Yulius tosal Pol dɛnɛ kɛndɔɔ, mó mal ndu, mó kɔ yil caaŋaa ndɔa, mí kan a yɔngu ndu ɲɛm ndóò nɔ maako-on.

Yeremi 40:4

Sisa, i co hau yɔlɔn co nɔm o ba-on timbi. Taa cɛl pɛ le kɔlan naa ŋiɔn Babilɔn, mì kɔ handu nɔm hɔlten coo, n kɔɛ. Taa yeema yɛ le lakɔ le, mɛɛ kɔa le. Má cè lɛŋnden nden kpow! Nɛɛ-nɛɛ n yeema pɛ le kɔlan, a kɔɛ.»

Yeremi 26:24

Kɛ mí Ahikam po Safan-ndo soaa le Yeremi, o cɛl mò del vannda o ba mà dii ndu le.

Yeremi 15:11

Nduyɛ mí Mɛlɛka dimul-la aa: «Dɛnɛ kɛndɔɔ co nɔm laci. I tosanin mì yaamɔaa nɔmnda tɛɛlun nɔm o telen nda vanin o dɛnɛ palaa nin-ndo.

Talelan 21:1

Mɛɛ peo co yɛ kɔl masaa co Mɛlɛka o ba ni, nɛɛ o yeema-a lon o mingi ndu ni.

Talelan 16:7

Mɛlɛka hini pɛ kɔl a kela vanndo, o tosa bɛndaa muungu vana kon tɛɛn hali nda yaamɔaa ndɔa.

SƐBƐ YƆB-O 22:29

Vannda yeemanin le nɔm siɛmbulan tuisio, kɛ nɔm a diminin aa: ‹I co isisi!› Kani malaa Hala mala vana tuisianndo ni.

Nehemi 1:11

Éé Mɛlɛka! Yaŋ nilan o piɛile nilen a o piɛile vanaa nɔmaa baalaa, á yeema le diola nɔmndan bɛɛlen keo-va. Hau, tosa mì langbanɔɔ ho ce ya vana nɔm baalaa ɲia. Tuma kon yɛ, ya óò toosiaa mɔima masaa ni.»

Ɛsdras 7:27

«Biiloo co le Mɛlɛka, ó co Hala fuɲaa naa imamaa-o, ó luei masaa yiyan kɛndɔɔ o kɔl le Cɛi-Hala co Yerusalɛm-ndo bɛɛle bɛndule vaa nuaa yɔngoo-o!

Ɛsdras 7:6

Ɛsdras kon, vana sɛvaa latɔŋndo o va ni, ndóò sina tɔŋ Mɛlɛka Hala Israɛlla ndóò yɔngu Moise-o taw. Mɛlɛka Hala ndɔɔ va ndu Ɛsdras ikɛi. Lelan ɲɛ-ɲɛ ndóò ɲuna pɛ masaa ndóò sɔla ndu.

2Dɛnnda lemasalan 34:20

Mó dimul Hilkiya, Ahikam po Safan-ndo, Abdɔn po Misee-o, Safan vana sɛvaa a Asaya vana baala masaa aa:

2Masaa 22:14

Mí Hilkiya, Ahikam, Akbɔr, Safan a Asaya a kɔa o Hulda vanalanɔ-tɛɛngaa-diom Hala-o lo. Lanɔɔ Salum po Tikva-o, po imama Harhas va vana mandaa volɔɔla ifalenndan-ndo Hulda kon va ni. Yerusalɛm o kobi sɛnɛiyo nin o va icali ni.

2Masaa 22:12

Mó veelu Hilkiya bolle vanaa-solia-lasálàá, Ahikam po Safan-ndo, Akbɔr po Mikaya-o, Safan vana sɛvaa a Asaya vana baala masaa, mó dimul nda aa:

Yeremi 41:1

O paangii ŋɔmmɛwndɔɛi, mí Ismaɛl po Netania-o po imama Elisama-o, fulaa o yungu masaa nin, o va vɛlɛ vana pilɛ o simlacia lebolla nin. Mó hun a n'van tɔ́ kɔɔli o Kedalia po Ahikam-ndo lo Mispa. Má dia ɲɛdiaa latulu Mispa lon.

Yeremi 41:18

le Babilɔŋaa ndóò nɔ siòònde-a kɔlan levil polon, kani Ismaɛl po Netania-o dii Kedalia po Ahikam-ndo ni, o masaa Babilɔn ndóò siinguu masa ibungaa o lɛŋnde len coo-o pɛɛn.