Yeremi 40:10 - BII BILA

¹⁰ Ya i co lo Mispa nanu mì va hɔlte niaa Babilɔŋaa vanin hunɔɔ-a tɛɛn. Kɛ niaa la kɔ va mɔiyan a cuɛiyan toosiaa, mì la va kulun koaman kiɔndɔɔ, mì la manda, mì la lo o kobila niaa biinin-ndan nin.»

Yeremi 40:10 Referans Kwoze

Yeremi 40:12

O kon mí Yuifia kpow a fula o fondala nda va a sɛŋian-nda, má kɔa Mispa o Kedalia lo o tàndá Yuda-o nin. Má kɔ soli cuɛiyan a mɔiyan taw, má kiandu vɛlɛ tɔlɔɔlan taw.

Yeremi 48:32

Rɛsɛnndo Sibma, i co caŋndo le nɔm, hiovɔɔ mɛɛ ya co caŋndo le Yaesɛr yɛ. Lɛvun nɔmndon mun talataliaa háá mì n hiaw mɛmma hɛlii bɛnduan, mí n kɔ tiiya Yaesɛr dí. Mí vana tɛɛmbua hun del o komɔɔ nɔm cuu nin kiɔndɔɔ-o a o co vɔ lecoo-o coo.

Yeremi 39:10

Kɛ mó mɛi vanaa bala fondoa pum o tàndá Yuda-o nin, vanaa ndáà nɔ ɲɛ-ɲɛ le-a pɛɛn, o kon mó ke nda nakɔla n'rɛsɛnnda a yondolan.

Yeremi 35:19

Yonadab po Rekab-o folanin vana vanin simndan ya o hɔl-lo lɔ́ɔ́-lɔ́ɔ̀ le.» Diom Mɛlɛka-Nɔ-Kpaayaa-Kpow-vo, Hala Israɛlla dimi-o co kon ni.

Esai 16:9

Le ken ya co caŋndo o tumnda n'rɛsɛnndan Sibma coo ni, maa vannda Yaesɛr. Niaa co Hɛsbɔn-nda a niaa co icali Eleale-a, i pɔɔliaanin niaa a mɛmɛma niaan! Kani vɔkɔ-vɔkɔ kɔlkɛndɛ niaa cuu o malun niaa kow-von a o tɔlɔɔla niaa kɛndu lan coo.

2Samiɛl 16:1

Tuma David hiow pembei bollen ɲɛ-pɔmbɔ-o, mó ca Siba, buɛi Is-Bosɛt-o hunɔɔ ndu laci a sofɛlɛa nda ŋiɔn a ɲɛla calaalan nda o lakɔɔ, bululan kɛmɛ lediin, dɛɛla n'rɛsɛnnda toaŋaalan kɛmɛ, voosun vesɛiyon kɛmɛ a mɔiyan hemndo pilɛ va nda o kɔɔ.

Tɔŋ miingua 1:38

Kɛ nduyɛ, Yosue po Nun-ndo, vana nɔm malaa, ndu co luɛyɔɔ lenin. Lelan luei ndu yoomuan. Kani ndu lueinin Israɛlla o lɛŋnde len nin ma hɛlu len ni.›

Luke 21:36

La lɔl te, la va piɛilen lɔ́ɔ́-lɔ́ɔ̀. O kon, mì la sɔla yoomuan le dɛnnda hun tosannin-ndan kpow biuvɔnndo, le simndan Po vanacieo o hɔl.»

Misee 7:1

«Kpòkóó, má cè dɛnɛ palaa le ya sii! I siŋnun maa vana fula a tuma kiandaa kɔmnde levɔɔ, maa vana kɔɛ rɛsɛnndon nuwviaa tuma caanda cìì nin mun kiɔndɔɔ-o. Hali kpɔ̀nyɔ̀ɔ́ pilɛ ve lɛ le dioo le, hali voosun sɛnɛin ya yeema taw-von i pilɛ bɛɛ ve lɛ le.

Talelan 22:29

A ce nin vana caa vali ndɔɔ taw-vo? Le masaa o tosanin vali ndɔɔ ni, o lonin ndu tosaa maa vanaa baalaa vannda sina le-a le.

Tɔŋ miingua 16:13

«Tuma niaa ciinin malun niaan luei o lakonda mi la cii mɔima niaan toosiaa-o, la tosa kafo lakùùo o palɛi ndii ŋɔmmɛw bɛngu.

1Masaa 10:8

Mbɔ̀ vanaa nɔmnda a vanaa nɔmaa baalaa pɛl tɔnɔ bɛndu! Kani lepalaa-lepala a co nɔm o hɔl má va nɔm nilan yaŋɔɔ, a co kɔlkalu nɔm bɛndoo tueyɔɔ tuŋ.

Talelan 27:25

Kiolu billo yondoo nin, telen o sɛnɛiyo co va puiyo-o a cɔwviaa bil vesɛiyo o pembon coo.

Yeremi 43:5

Le hee mí Yohanan po Karea-o nda simlacia vanaa cɔwva kpow a kɔa a vanaa tɔ̀a lo yoomu Yuda-a kpede, vanaa ndáà tow o tasendɔ mí ndáà va a sɛŋiannda o lɛŋii balu nda-e nin, mí ndáà muungu o tàndá Yuda-o nin le calle-a pɛɛn.