Yeremi 40:1 - BII BILA

¹ Yeremi va o yiyaa a yɔlɔn vanaa kaasoa ndáà fula Yerusalɛm a Yuda le kɔlan a nda Babilɔn-nda tɛɛn. Kɛ mí Nebusaradan bolle kpalilla soli ndu vanaa kaasoa tɛɛn, le ndu yɔɔ Rama. O kon kɔɔli, mí Mɛlɛka soaa o ndu Yeremi lo.

Yeremi 40:1 Referans Kwoze

Efɛsea 6:20

I co bɛɛ o kaasoo nuaa, kɛ ya co hɔlte Krista len le Yoongu kɛndɔɔ yondaa ni. Lelan, la piɛi haliko mi soo a kɔlkɛsiaa.

Dɛnnda kiilaa 21:13

Kɛ mó muli aa: «Le yɛɛ nɛ niaa co yɛ caŋndo mì la va ya kɔllo tɛɛmbuuo? Kani o co le ya yiiyo daama le ya co o bɛɛndianndo le, kɛ haliko mi sɔla vɛlɛ piɔ́mndo Yerusalɛm o diola Maalii Yeesu lan.»

Yeremi 31:15

O Mɛlɛka dimi-o co hoo ni aa: «Yéélan la co sɔɛi Rama. Koŋullo a caŋnda fúkpàà-fùkpààlan la co sɔɛi lon. Rasɛl co cuavaa ndɔa caŋndo ni, o kɛɛ ɲɔɔlu nda co ndu-o, kani cuavaa ndɔa cuu.»

Yosue 18:25

Kabaɔn, Rama, Beerɔt,

Dɛnnda kiilaa 28:20

Lelan ya ɲuna ni mì hun soo o niaa lo. Kani le tiindan Israɛlla nɔ-o ya co o yɔlɔn nuaa ni.»

Condii lisai 107:16

Kani o yimiyimi diola n'daɲalan, mó tɛɛmbuu sɔkɔma n'cilinndan.

Condii lisai 68:6

O Cɛi ndɔ diandaa nin, ndu Hala, fuɲaa vííya, a Vana lɔaanun ibuŋ le vanlaandua piaandaa ndaa vi-a-o o co ni.

1Samiɛl 7:17

malan ndóò muungu o ndu lo Rama. Lon calta ndɔlan la va ni, lon ndóò kialu yaman cuavaa Israɛlla tɛɛn ni, lon koni ndóò tangul vɛlɛ fonda-loamaa-lasálàá le Mɛlɛka ni.

Yeremi 39:9

Mí Nebusaradan simlacinɔ kpalilaa cumulaa bii vanaa ndáà lo icali o kobio nin-nda, vanaa ndáà yɔngun masaa Babilɔn-nda a vanaa-vanaa ndáà caa baalala labalan. Mó kɔa a nda o biyɔɔ nin Babilɔn.

Esekiɛl 33:21

O vɔsi tɔ́ a o diinndɔɔ, o kɔla nda kɔɛ a naa o biyɔɔ nin-ndan kɔɔli, paangii tɔ́ndɔɛi va malɔ leŋuɛɛnu, mí langbanɔɔ pum, o hɛlun mó ɲaanun telen yaamɔɔa bii Yerusalɛm-ndo, mó hun o ya lo, mó dimul-la aa: ‹Kobio Yerusalɛm cuu biyɔɔ!›

2Dɛnnda lemasalan 16:1

Paale pilɛ, o vɔsi beleyaa a o ŋɔmpumndɔɔ o masale Asa len bɛngu, mí Baesa va masaa Israɛl-lo del tàndá Yuda-o coo a cɔwvo, mó kɔ kungulan Rama. Asa nda Yudaa ve lɛ kela bɛɛn-bɛɛn kpengii ken te.

Yeremi 42:7

Palɛi tɔ́ o kon kɔɔli, mí Mɛlɛka soaa o Yeremi lo.